എപസോസുഗാറാര് 4:23 - സാമി സേദി

^23-24 അത്തെ അയി പെ്ളേപ്പ്‌ന തള്ളി നിമ്മ് ഉഡാമ്പ്‌ലിര്‌ക്കുവ സാമിനിഗാല് സൊല്ലി തരുവ ബുദ്ദിക്ക് തഗ്‌ന്ത പാസെ നഡാന്ത് നിമ്മ പുദ്യ മന്‌സാനായി പെ്ളേന്. അദല്ലാദെ താനെ സാമി തന്ന് സത്ത്യമാന കാര്യഗാള്‌ന നിമാക്ക് സൊല്ലി തന്ത് നിമാന സാമിക്ക് ബേ്ണ്ടി പ്‌റ്‌ത്ത് ബെത്ത് നിമാന നേര്‌മെഗാറാന് മാഡി പുദ്യാദായി പ്‌റാക്ക്യ ബെത്ത്‌റ്‌ക്ക്‌ന്റാന്. അദ്‌നാലെ നിമ്മ അത്തെ ഇര്‌ക്കുവ പുദ്യ മന്‌സാനായി താനെ പെ്ളേക്കുഡൊ.

എപസോസുഗാറാര് 4:23 ပူးပေါင်းရင်းမြစ်များ

റോമഗാറാര് 12:2

ബേ്റെ ആള്‌ഗാള്‌ന പാസെ നിമ്മ പെ്ളേക്കാദെ സാമി കണ്ണ്‌ക്ക് നല്ലാദ്‌മ് മെച്ച്‌പ്‌ഡിത്താദ്‌മ് നേര്‌മെ ഉള്ളാദ്‌മാന കാര്യഗാള് എന്തെന്റ് നെപ്പ്‌കെ്ഡേസ്യ ബേ്ണ്ടി നിമ്മ് മനേസ്സ്‌ന മാറ്റ്യ നിമാന സാമി കയിക്ക് ഒപ്പിസി കൊഡുനു.

റോമഗാറാര് 6:4

അത്തെ അയാള് സാവുക്കു എ്ണേന്തവാരാന മുളുക്കാത്ത്‌ല് അയാളോഡൊപ്പ താനെ നമാന മഡെ ബെ്ട്ടി പാത്ത്‌നാര്. അത്തെ ക്‌റ്‌സ്‌ത്ത് സത്ത് അപ്പാന് സാമിക്കിര്‌ക്കുവ മ്‌ഗ്‌ന്ത സക്‌തില് ഉജുര്‌ളാഗി അയാള്‌ക്ക് പുദ്യ പെ്ളേപ്പ് കെ്ഡേത്ത പാസെ നമാക്ക്‌മ് പുദ്യ പെ്ളേപ്പ് കെ്ഡേക്ക്യ ബേ്ണ്ടിത്തെ.

റോമഗാറാര് 8:6

പാവ പളാക്കാക്ക് കെ്ട്ട്‌പട്ട് നഡാക്ക്‌ന്റവാര് സാവുക്കാളാവാര്. സാമിനിഗാല് സൊല്ലുക്കു കെ്ട്ട്‌പട്ട് നഡാക്ക്‌ന്റവാര്‌ക്ക് നിമ്മ്‌ദിമ് ഉജുരുമു കെ്ഡേക്ക്‌മ്.

എപസോസുഗാറാര് 2:10

ആന ക്‌റ്‌സ്‌ത്ത് ഏസ്സ് നല്ല കാര്യഗാള് ഗേന്ത പാസെ നമ്മാമ് നല്ല കാര്യഗാള് ഗേയ ബേ്ണ്ടിത്തെ ക്‌റ്‌സ്‌ത്ത് ഏസ്സോഡൊപ്പ സാമി നമാനാമ് പുദ്യ മന്‌സാര് മാഡ്‌നാദ്. ഇത്തെ നമ്മ നല്ല കാര്യഗാള് ഗേന്ത് പെ്ളേക്കുഡൊ എന്റ് സാമി മുദാല് താനെ നെനേത്തിന്താന്.

കൊലേസ്യഗാറാര് 3:10

ഏസ്സ്‌ന ഉജുര്‌ളാക്ക്‌ഗാട്ടി തന്ന് നാഡ്‌ല് പെ്ളേക്കുവാദ്‌ക്ക് തഗ്‌ന്ത ഉരുവാത്ത്‌ല് നിമാനാമ് ഉജുര്‌ളാക്ക്‌നാന്. അദ്‌നാലെ അദ്‌ക്ക് തഗ്‌ന്ത ഗുണാത്ത്‌ല് നിമ്മ പെ്ളേന്.

തീത്തോസു 3:5

നമാന കാപാറ്റ്‌നാന്. നമ്മ ഗേന്ത നല്ല കാര്യഗാള്‌നാലെ അല്ല, സാമിക്ക് ബേ്റ്‌വെന്താദ്‌നാലെത്തെ നമാന കാപാറ്റ്‌നാദ്. സാമി തന്ന് നിഗാല്‌ന ബെത്ത് നമാന പുദ്യ മന്‌സാന്‌മ് മാഡ്‌നാന്, നമ്മ് പാവാന തീത്ത് ബെ്ഡിപ്പ് മാഡി നമാക്ക് മറ്‌പ്‌റാപ്പ്‌മ് തന്താന്.

1 പത്ത്‌റോസു 1:13

അദ്‌നാലെ നിമ്മ മനേസ്സ്‌ല് ഒരുക്ക ഉള്ളവാരായിമ് കാര്യഗാറാരായിമ് ഇര്‌ന്. ഏസ്സ് ക്‌റ്‌സ്‌ത്ത് ബര്‌ഗാട്ടി നിമാക്ക് കെ്ഡേക്കുവ പ്‌ണ്ണ്യാത്ത്‌ല് മനേസ്സാറ നെഞ്ചഡെ ബെത്ത്‌റ്‌ന്.