എപസോസുഗാറാര് 4:19 - സാമി സേദി19 അദല്ലാദെ താനെ നേരല്ലാത്ത എഞ്ചോ കെ്ട്ട കാര്യഗാള്‌ന ഗേന്ത് അയി പളാക്കഗാള്‌ന തള്ള്യ മുഡ്യാദെ അദ്‌ഗാള്‌ന ഗേന്ത്‌കൊണ്ടേ ഇര്‌ക്കുഡൊ എന്നുവ ആസെ ഇര്‌ക്കുവാദ്‌നാലെ തമ്മ കണ്ണിക്ക് സിക്കിര്‌ക്കുവ പാസെ സിക്കിര്‌ന്റാര് എന്നുവ നെനേവു ഗുഡി ഇല്ലാദെ അവാര് പെ്ളേക്ക്‌ന്റാര്. အခန်းကိုကြည့်ပါ။ |
എപസോസുഗാറാര് 4:19
13 ပူးပေါင်းရင်းမြစ်များ
സാമി സൊല്ലുപഡിക്ക് നഡാക്കാത്ത ആള്‌ഗാള് ഗേവ കാര്യഗാള്‌ന ഗേന്ത് കൊണ്ടു നിമ്മ മുന്നുക്കു പെ്ളേത്തിന്ത്‌റ്. അത്തെ പെ്ളേത്ത്‌റ്‌ക്കാട്ടി ബേസ്യാഡി നഡാക്കുവാദ്‌ല്‌മ്, ആസെപാഡ് പട്ട് നഡാക്കുവാദ്‌ല്‌മ്, ബോദേ്റുവ ജാദിഗാള്‌ന കുഡിക്കുവാദ്‌ല്‌മ്, കുഡിത്ത്‌കൂത്താഡി നഡാക്കുവാദ്‌ല്‌മ്, കൂട്ട കൂഡി കുഡിത്ത് പിര്യാക്കിക്കി നഡാക്കുവാദ്‌ല്‌മ്, കുമ്മുഡ ബേ്ഡ എന്റ് സൊല്ലിര്‌ക്കുവ സെലെന കുമ്മുഡുവ കാര്യാല്‌മ് നിമ്മ എഞ്ചോ കാല മദിമറാന്തിന്താദ് മദി.
എത്തെന്റ് സൊന്ന, തന്ന് തമ്പി കാണിക്കെ സാമിക്ക് മെച്ച്‌പ്‌ഡിത്ത്‌ദ്, ആന തന്ന് കാണിക്കെ സാമിക്ക് മെച്ച്‌പ്‌ഡിക്കാലെ. അദ്‌നാലെ അയാളോഡ കണ്ണ്‌കഡി ബെത്ത് പാവ ഗേന്ത കയീന്‌ന പാസേമ് സാമിന ബ്‌ഡ പണ ദൊഡ്ഡാദെന്റ് നെനേത്ത് പാവ ഗേന്ത ബിലെയാമ്‌ന പാസേമ് തനാക്ക് സാമി ബെത്ത തലെവാന് മോസെന എദ്‌റ്‌ത്ത് സൊല്ലി കെ്ട്ട് പോന കോരാഗ്‌ന പാസേമ് ഇവാര് അളിന്ത് പോവ പെ്ളേപ്പ് പെ്ളേക്ക്‌ന്റാര്. ഇവാര്‌ക്ക് ബരുവ ആവാത്ത് ദൊഡ്ഡ ആവാത്ത്‌ത്തെ.
എന്ത്‌ക്കെന്റ് സൊന്ന ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌മ് കുഡിത്താര്. അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ്‌ത്തെ അയി ഊറബെത്ത മുന്തിരി സാര. ബൂമില് ഇര്‌ക്കുവ രാജാവുഗാള് അവാളോഡ ബേസ്യാഡ്‌നാര്. അഡാക്ക്യ മുഡ്യാത്ത കാമാക്ക് അഡിമെപട്ട് നഡാന്താദ്‌നാലെ ബൂമില് ഇര്‌ക്കുവ ഏവാരിഗാള് ദൊഡ്ഡ പണഗാറാരായി മുഡിന്താര്>> എന്റ് സൊന്നാന്.
ကြော်ငြာတွေ