എപസോസുഗാറാര് 4:18 - സാമി സേദി

¹⁸ എന്ത്‌ക്കെന്റ് സൊന്ന അവാര്‌ക്കിര്‌ക്കുവ മര നെഞ്ച് സാമിന പറ്റ്യുള്ള സത്ത്യമാന കാര്യഗാള്‌ന നെപ്പ്‌കെ്ഡേസ്യ ബ്‌ഡുവാദില്ലെ. അദ്‌നാലെ അവാര്‌ക്ക് സാമ്യോഡ എ്ണേവു ബെത്ത് പെ്ളേക്ക്യ മുഡ്യാദെ ഇ്റ്‌ട്ട്‌ല് പെ്ളേക്കുവ പാസെ പെ്ളേക്ക്‌ന്റാര്.

എപസോസുഗാറാര് 4:18 ပူးပေါင်းရင်းမြစ်များ

മര്‌ക്കോസു 3:5

അവാര്‌ക്ക് ഇര്‌ക്കുവ മരനെഞ്ച്‌ന നെനേത്ത് ഏസ്സ് ദുക്കപട്ട് പോനാന്. അയാള് മൊനേക്ക് തെ്ട്ടി കൊണ്ടു അവാര്‌ന സുറ്റീല്‌മ് നോഡുന പ്‌റ അയി നോയിഗാറാന്‌ക്ക്: <<നിന്ന് കയിന നീ്ട്ട്>> എന്റ് സൊന്നാന്. അയാള് കയി നീ്ട്ട്‌നാന്. അന്നാല് താനെ അയാള് കയിക്ക് സുഗ കെ്ഡേത്ത്‌ദ്.

ഓഗന്നാന് 12:40

<<അവാര് കണ്ണാറ കാണാദിര്‌ക്ക്യ ബേ്ണ്ടി നാന് അവാര് കണ്ണ്‌ന കുറുഡു മാഡിര്‌ന്റെ, മനേസ്സ്‌ല് ഒന്റുമു നെപ്പ്‌കെ്ഡേസാദിര്‌ക്ക്യ ബേ്ണ്ടി നാന് അവാര് നെഞ്ച്‌ന മര നെഞ്ച് മാഡിര്‌ന്റെ, അദ്‌നാലെ അവാര് പാവ ഗേവാദ്‌ന തള്ളി എന്ന് സാരി തിര്‌ഗാമ് മാട്ടാര്, നാന് അവാര്‌ന തെ്ള്‌സാമ് മാട്ടെ.>>

അപ്പോസുത്തലാര് 17:30

മുന്തെ കാലാത്ത്‌ല് ആള്‌ഗാള്‌ക്ക് സാമിന തെര്യാദെ ഇന്ത്‌ദ്. അദ്‌ന സാമി കണാക്കാക്കുവാലെ. ആന ഇന്നാല് സാമി ഉലഗാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു തമ്മ ഗേവാദ് പാവ എന്റ് തെരിന്ത് അദ്‌നെല്ല തള്ളി സാമിസാരി ബരുഡൊ എന്റ് സാമി സൊന്റാന്.

അപ്പോസുത്തലാര് 3:17

അണ്ണനാമെ തമ്പ്യാമെ, നിമാക്ക്‌മ് നിമ്മ് തലെവാര്‌ഗാള്‌ക്ക്‌മ് എന്ത് ഗേഡൊ എന്റ് തെര്യാദെ ഇന്താദ്‌നാലെത്തെ ഏസ്സ്‌ന ഇത്തെല്ല ഗേന്താദെന്റ് എനാക്ക് തെരിമ്.

റോമഗാറാര് 1:28

സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.

റോമഗാറാര് 11:25

ഏസ്സ്‌ഗാറാരെ, നിമ്മ ബുദ്ദിസാലിഗാളെന്റ് നിമാന പറ്റി നെനേക്കാദിര്‌ക്ക്യ ഈ കാര്യന തെര്യാദെ ഇര്‌ക്കദേന് എന്റ് നാന് ആസെപഡ്‌ന്റെ. എഗുദാരല്ലാത്ത ജാദിഗാള്‌ലിന്ത് സാമിസാരി ബന്റവാര് കണാക്ക് തെഗേഗ മാട്ട്‌ക്ക് ഇസ്‌റവേല്‌ഗാറാര്‌ല് ലേസ ആള്‌ഗാള് മരനെഞ്ച്‌ഗാറാര് ആയിര്‌ക്ക്‌ന്റാര്.

റോമഗാറാര് 11:7

അദ്‌നാലെ എന്താറ്റ്? ഇസ്‌റവേല്‌ഗാറാര് നേര്‌മെഗാറാര് ആയ ഓരാഡി നോഡുനാര്, അവാര്‌ക്ക് മുഡ്യാലെ. ആന സാമി തെരിന്തെ്ഡ്‌ത്തവാര്‌ക്ക് അദ് കെ്ഡേത്ത്‌ദ്. മിച്ച ഇന്തവാര് മരനെഞ്ച്‌ഗാറാര് ആനാര്.

റോമഗാറാര് 2:19

മോസെ ബെത്ത സാമി സട്ടാത്ത്‌ലിന്ത് സത്ത്യ ഏദെന്റ്‌മ് അറുവു ഏദെന്റ്‌മ് നിനാക്ക് തെരിന്ത്‌റ്‌ക്കുവാദ്‌നാലെ നീ കുറുഡാര്‌ക്ക് ബട്ടെ കാട്ട്‌ന്റവാന് എന്റ്‌മ് ഇ്റ്‌ട്ട്‌ല് ഇര്‌ക്ക്‌ന്റവാര്‌ക്ക് ബെ്ള്‌സായി ഇര്‌ക്ക്‌ന്റവാന് എന്റ്‌മ്

1 കൊരിന്ത്യഗാറാര് 1:21

തമാക്കിര്‌ക്കുവ അറുവുലുമു ബുദ്ദില്‌മ് ഉലഗാത്ത്‌ല ആള്‌ഗാള്‌ക്ക് സാമിന നെപ്പ്‌കെ്ഡേസ്യ മുഡ്യാമാട്ട എന്റ് സാമി തന്ന് അറുവുലുമു ബുദ്ദില്‌മ് മുഡിവെ്ഡ്‌ത്താന്. അദ്‌നാലെ ബുദ്ദിഗെ്ട്ട നായ എന്റ് ആള്‌ഗാള് നെനേക്കുവ സേദിന നമ്പുവ ആള്‌ഗാള്‌ന കാപാറ്റ്യ സാമിക്ക് പിര്യ പ്‌ഡിത്ത്‌ദ്.

1 കൊരിന്ത്യഗാറാര് 2:8

ഈ ഉലഗാന ആള്‌ന്റവാര്‌ക്ക് ഈ അറുവുമ് ബുദ്ദിമ് ഉള്ള നായന നെപ്പ്കെ്ഡേക്കാലെ. ഈ നായന നെപ്പ്കെ്ഡേസിന്തദാന മദ്‌പ്പുള്ള ആണ്ടവാന്‌ന അവാര് കുരുസുലു കൊന്റ്‌റ്‌ക്കമാട്ടാര്.

2 കൊരിന്ത്യഗാറാര് 3:14

ഇദ്‌ന തെര്യാത്ത ഇസ്‌റവേല്‌ഗാറാര് നെഞ്ച് മര നെഞ്ച് ആയി തള്ള്‌ട്ട്. അവാര് പള്യ ഒപ്പന്തന പഡിക്കാട്ടി മോസെ മോന്തെന മറേസിന്ത പാസെ അവാര് മനേസ്സ് സത്ത്യന നെപ്പ്‌കെ്ഡേസാദെ മറേന്ത്‌റ്‌ക്ക്‌ന്റ്. ആന ക്‌റ്‌സ്‌ത്ത്‌ന നമ്പ്‌ഗാട്ടി ഈ മറെ ജറേന്ത് പോന്റു.

2 കൊരിന്ത്യഗാറാര് 4:4

ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.

ഗലാത്ത്യഗാറാര് 4:8

നേര്‌മാന സാമിഗാളല്ലാത്തവാര്‌ക്ക് നിമ്മ അഡിമെഗാളായിന്ത്‌റ്.

എപസോസുഗാറാര് 2:1

ക്‌റ്‌സ്‌ത്ത്‌ന നമ്പുവാദ്‌ക്ക് മുദാല് നിമ്മ സാമി സൊല്ലുപഡിക്ക് നഡാക്കാദെ പാവ ഗേന്ത് കൊണ്ടു പെ്ളേത്തിന്ത്‌റ്. അദ്‌നാലെ അയി ഗളിഗേല് നിമാക്ക് സാമ്യോഡ എ്ണേവ് ബെത്ത് നഡാക്ക്യ മുഡ്യാദെ നിമ്മ സാമി കണ്ണ്‌ക്ക് സത്തവാര്‌ന പാസെ ആയിന്ത്‌റ്.

എപസോസുഗാറാര് 2:12

അദേപാസെ നിമ്മ സാമി സൊല്ലുപഡിക്ക് പെ്ളേക്കാദിന്ത കാലാത്ത്‌ല് നിമ്മ് പെ്ളേപ്പ്‌ല് ക്‌റ്‌സ്‌ത്ത് ഇര്‌ക്കാലെ. അദ്‌നാലെ സാമിപ്‌ള്ളെഗാള് എന്നുവ മദ്‌പ്പിര്‌ക്കുവ ഇസ്‌റവേല്‌ഗാറാര്‌ക്ക് എ്ണേയ മുഡ്യാദെ അന്ന്യ ജാദിഗാളായി ഇന്ത്‌റ്. അയി ഗളിഗേല് സാമി ഇസ്‌റവേല്‌ഗാറാരൊപ്പ ബെത്ത ഒപ്പന്തനാമ് സാമി കൊഡുത്ത ബാക്ക്‌നാമ് നിമ്മ നമ്പാലെ. സാമിക്ക്‌മ് നിമാക്ക്‌മ് എ്ണേവില്ലാദേമ് ഇന്ത്‌ദ്.

കൊലേസ്യഗാറാര് 1:21

മുന്നുക്കു നിമ്മ കെ്ട്ട കാര്യഗാള് ഗേന്ത് കൊണ്ടു സാമ്യോഡിന്ത് പ്‌റ്‌ന്തിന്ത്‌റ്. അത്തെ സാമിമ് നിമ്മാമ് പഗെ ഇന്ത്‌റ്.

എവുറായാര് 5:2

എഗുദാര് ദൊഡ്ഡ പൂസാരിമ് കൊറേവുള്ളവാന്‌ത്തെ. അദ്‌നാലെ അയാള് അറുവില്ലത്തവാര്‌നാമ് തപ്പ് ഗേന്റവാര്‌നാമ് കറ്‌മ്മ പട്ട് നഡാക്ക്യ മുഡിന്റവാന്‌ത്തെ.

എവുറായാര് 9:7

ആന അരാങ്ക കുച്ചുക്കു എഗുദാര് ദൊഡ്ഡ പൂസാരി താനെത്തെ ബര്‌സ്സാത്ത്‌ല് ഒന്റേ ഒന്റു നാള് പോന്റാന്. അദ് തന്ന് പാവഗാള്‌ക്ക്‌മ് ആള്‌ഗാള് പാവ എന്റ് തെര്യാദെ ഗേന്ത പാവഗാള്‌ക്ക്‌മ് ബേ്ണ്ടി സാമിക്ക് നേര്‌സെ ആയി കൊഡുക്ക്യ സോരെനാമ് എ്ഡ്‌ത്ത് കൊണ്ടുത്തെ പോവാദ്.

ആക്കോവു 4:4

ഈ ഉലഗാത്ത്‌ല് പെ്ളേക്കുവ പെ്ളേപ്പ്‌ക്ക് ആസെപഡ്‌ന്റവാര് ബേസ്യാഡ്‌ന്റവാര്‌ന പാസെത്തെന്റ് നിമാക്ക് തെരിവാദില്ലേഗ? അദ്‌നാലെ ഉലഗാത്ത്‌ല പെ്ളേപ്പ്‌ക്ക് ആസെപഡ്‌ന്റവാര് സാമ്യോഡ പോട്ടിപ്‌ഡിക്ക്‌ന്റവാര് ആന്റാര്.

1 പത്ത്‌റോസു 1:14

മുന്നുക്കു സത്ത്യമാന സാമിന തെര്യാദിന്ത കാലാത്ത്‌ല് നിമാക്കിന്ത കെ്ട്ട ആസെഗാള്‌ന പാസെ പെ്ളേക്ക്യ ബേ്ണ്ടി നിമ്മ ആസെപഡാദേന്. അദ്‌ക്ക് ബദ്‌ല നിമാന ബ്‌ളിത്ത സാമി പച്ചെപാലഗാന് ആയിര്‌ക്കുവ പാസെ നിമ്മ സൊല്ലുപേസ് കേ്ള്‌ക്ക്‌ന്റവാരായി നിമ്മ ഗേവ എല്ലാ കാര്യഗാള്‌ല്‌മ് നിമ്മ പച്ചെപാലഗനാമായി ഇര്‌ന്.

1 ഓഗന്നാന് 2:11

ആന അഡ്‌ത്തവാര്‌ന തൊറേന്ത് നഡാക്ക്‌ന്റവാന് തന്ന് പെ്ളേപ്പ്‌ല് ഇ്റ്‌ട്ട്‌ല് ഇര്‌ക്കുവ പാസെ കെ്ട്ട പളാക്കത്തോഡ പെ്ളേക്ക്‌ന്റാന്. അഡ്‌ത്തവാനോഡ സീവാന്‌ബെത്ത് നഡാക്ക്യ മുഡ്യാത്ത ദിന്‌സ്‌ല് അയാള് മനേസ്സ്‌ന സെയിത്താന് കെ്ട്ടി ബെത്ത്‌റ്‌ന്റാന്. അദ്‌നാലെ എത്തെ പെ്ളേക്കുഡൊ എന്റ് തെര്യാദെ നഡാക്ക്‌ന്റാന്.