എപസോസുഗാറാര് 3:9 - സാമി സേദി9 എന്ത്‌ക്കെന്റ് സൊന്ന എല്ലാദ്‌നാമ് ദ്‌ട്ട്‌സ്‌ന സാമി ഇന്നമാട്ട്‌ക്ക് നമാക്ക് സൊല്ലി തരാദിന്ത അയി നല്ല സേദിന എല്ലാര്‌മ് കേ്ട്ട് അറുവുഗാറാരാവ ഗിലാസാന എനാക്ക് തന്ത്‌റ്‌ന്റാര്. အခန်းကိုကြည့်ပါ။ |
എപസോസുഗാറാര് 3:9
38 ပူးပေါင်းရင်းမြစ်များ
അദ് എത്തെന്റ് സൊന്ന, ഇന്നാല് ഏസ്സ് ക്‌റ്‌സ്‌ത്ത്‌ന നമ്പി ഒന്റായി പെ്ളേക്ക്‌ന്റവാര്‌ന സാമി ഉലഗാന ഉണ്ടാക്കാത്ത മുദാലെ തെരിന്തെ്ഡ്‌ത്താന്. സാമി കണ്ണ്‌ക്ക് കുറ്റകൊറേവു ഇല്ലത്തവാര് ആയിര്‌ക്ക്യ ബേ്ണ്ടിമ് സാമിക്ക് പട്ടവാര് ആയിര്‌ക്ക്യ ബേ്ണ്ടിമ്‌ത്തെ അവാര്‌ന അത്തെ തെരിന്തെ്ഡ്‌ത്താദ്. സാമി സീവാന്‌ബെത്ത്‌റ്‌ക്കുവാദ്‌നാലെ
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
നാന് ഇന്നാല് ജെയില്‌ല് ഇര്‌ക്കുവാദ്‌ന നെനേത്ത് നിമ്മ എനാക്ക് ബേ്ണ്ടിമ് പരേസ്‌ന്. ക്‌റ്‌സ്‌ത്ത്‌ന പറ്റി ഇന്നമാട്ട്‌ക്ക് തെര്യാദിന്ത കാര്യഗാള്‌ന ആള്‌ഗാള്‌ക്ക് തെരിവ ദിന്‌സ്‌ല് സൊല്ല്യ ബേ്ണ്ടിമ് അദ്‌ക്കിര്‌ക്കുവ തഡേസഗാള്‌ന സാമി ഇല്ലാദെ മാഡ്യ ബേ്ണ്ടിമ് പരേസ്‌ന്. അയി ഗിലാസാന ഗേവാദ്‌നാലെത്തെ നാന് ഇന്നാല് ജെയില്‌ലിര്‌ക്കുവാദ്.
മറേന്ത്‌റ്‌ക്കുവ ദൊഡ്ഡ കാര്യനത്തെ നമ്മ നമ്പിര്‌ക്കുവാദ് എന്റ് എല്ലാ ആള്‌ഗാള്‌ക്ക്‌മ് സൊല്ല്യ മുഡിമ്. ഏസ്സ് ക്‌റ്‌സ്‌ത്ത് മന്‌സാനായി ബന്താന്. ക്‌റ്‌സ്‌ത്ത് ആരെന്റ് സാമിനിഗാല് കാട്ടി തന്ത്‌ദ്. അയാള് ദൂദാര്‌ഗാള് കണ്ണ്‌ക്ക്‌മ് കാട്ട്‌നാന്. എഗുദരല്ലാത്ത ബേ്റെ ജാദിഗാള് പട്ട്‌ല് അയാള്‌ന പറ്റി സൊന്നാര്. ഉലഗാത്ത്‌ല മന്‌സാര് അയാള്‌ന നമ്പ്‌നാര്. അമ്‌സത്തോഡ അയാള്‌ന മേലോഗാക്ക് എ്ഡ്‌ത്താന്.
സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.
പ്‌റ നാന് നോഡുഗാട്ടി എത്ത്‌റാഗോ ഉജരാത്ത്‌ല് ബേ്റൊന്റു ദൂദാന് ബാന്‌ല് പറാക്കുവാദ്‌ന നാന് കണ്ടെ. എല്ലാ ജാദിഗാള്‌ക്ക്‌മ്, എല്ലാ കുലഗാള്‌ക്ക്‌മ്, എല്ലാ നായഗാറാര്‌ക്ക്‌മ്, എല്ലാ ബമ്മേസഗാറാര്‌ക്ക്‌മ് അത്തെ ബൂമില് ഇര്‌ക്കുവ എല്ലാ ആള്‌ഗാള്‌ക്ക്‌മ് എന്നാല്‌ക്ക്‌മ് ഇര്‌ക്കുവ നല്ല സേദിന അയാള്‌ക്ക് സൊല്ല്യ ഇന്ത്‌ദ്.
നീ കണ്ട ബേ്ണ്ട് എന്നുവാദൊ മുന്നുക്കു ഇന്താദ്‌മ് ആന ഇന്നാല് ഇല്ലാത്താദ്‌മ്‌ത്തെ. അഡി അറ്റ ഇല്ലാത്ത കുയിലിന്ത് ഇന്നി ഏ്റി ബന്ത് അള്യ പോവാദ്‌മ്‌ത്തെ. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു ഉലഗാന ഉണ്ടാക്കുവാദ്‌ക്ക് മുദാല് താനെ പേര് എ്ള്‌ദാത്ത ബൂമില് ഇര്‌ക്കുവ ആള്‌ഗാള് മുദാല് ഇന്താദ്‌മ് ഇന്നാല് ഇല്ലത്താദ്‌മ് ഇന്നി ബര്യ പോവാദ്‌മ് ആന അയി ബേ്ണ്ട്‌ന കണ്ട് അദിസ്യപഡുവാര്.
ကြော်ငြာတွေ