എപസോസുഗാറാര് 3:5 - സാമി സേദി

^5-6 അദ് എന്തെന്റ് സൊന്ന, സാമി ഏസ്സ് ക്‌റ്‌സ്‌ത്ത്‌ന ബെത്ത് ഇസ്‌റവേല്‌ഗാറാര്‌ക്ക് ഏദേദ്‌നെല്ല കൊഡുക്കുവേന് എന്റ് ബാക്ക് കൊഡുത്തിന്താനൊ അയി നല്ല സേദിന നിമ്മ നമ്പി ഇന്നമാട്ട്‌ക്ക് സാമിക്ക് അന്ന്യ ജാദിഗാളായി പെ്ളേത്ത് ബന്ത നിമ്മാമ് അവാരോഡ എ്ണേന്ത് പങ്ക്‌ഗാറാരായി അവാര്‌ക്ക് കൊഡുത്ത ബാക്ക്‌ക്ക് ഉരിമെഗാറാര് ആന്‌റ്. ഇദ്‌ന സാമി ഇന്നാലിര്‌ക്കുവ തന്ന് സാമിദാസ്‌ഗാള്‌ക്ക്‌മ് അപ്പോസുത്തലാര്‌ക്ക്‌മ് തന്ന് നിഗാല്‌ന ബെത്ത് സൊല്ലി കൊഡുത്ത പാസെ മുന്തെല കാലാത്ത്‌ല് പെ്ളേത്തിന്തവാര്‌ക്ക് സൊല്ലി കൊഡുക്കാലെ.

എപസോസുഗാറാര് 3:5 ပူးပေါင်းရင်းမြစ်များ

മത്തായി 13:17

എഞ്ചോ സാമിദാസ്‌ഗാള്‌മ് നേര്‌മെഗാറാര്‌മ് നിമ്മ കാണുവാദ്‌ന കാണ്യ ആസെപട്ടിന്താര്. ആന അവാര്‌ക്ക് കാണ്യ മുഡ്യാലെ. നിമ്മ കേ്ള്‌ക്കുവാദ്‌ന കേ്ള്‌ക്ക്യ ആസെപട്ടിന്താര്. ആന അവാര്‌ക്ക് കേ്ള്‌ക്ക്യ മുഡ്യാലെ എന്റ് നാന് സത്ത്യമായി നിമാക്ക് സൊന്റെ.>>

മത്തായി 20:7

അദുക്കുള: <എമാന ആര്‌മ് കൂലിക്ക് ഗിലാസ ഗേയ ബ്‌ളിക്കാലെ> എന്റ് അവാര് സൊല്ലുഗാട്ടി: <നിമ്മാമ് മുന്തിരി ദോട്ടാക്ക് പോനു> എന്റ് സൊന്നാന്.

മത്തായി 23:34

അദ്‌നാലെ നാന് സാമിദാസ്‌ഗാള്‌നാമ്, അറുവു ഇര്‌ന്റവാര്‌നാമ്, ബേദബാത്ത്യനാമ്‌ഗാള്‌നാമ് നിമ്മ് പട്ട്‌ക്ക് സൊല്ലി ബ്‌ഡ്‌ന്റെ. അവാര്‌ല് ലേസ ആള്‌ഗാള്‌ന നിമ്മ കൊല്ലുവുറു. ലേസ ആള്‌ഗാള്‌ന കുരുസുക്കു സേത്തി ആണി അഡിക്കുവുറു. ലേസ ആള്‌ഗാള്‌ന എഗുദാര് പരേസുവ ബീ്ഡ്‌ക്ക്‌റാഗ ബെത്ത് സാട്ടെവാര്‌ല് അഡിത്ത് ഒന്റു പട്ടണാത്ത്‌ലിന്ത് അഡ്‌ത്ത പട്ടണാക്ക് അവാര്‌ന മുഡിക്കി ബ്‌ഡ്‌വുറു.

ലൂക്കോസു 10:24

എഞ്ചോ സാമിദാസ്‌ഗാള്‌മ് രാജാവുഗാള്‌മ് നിമ്മ കാണുവാദ്‌ന കാണ്യ ആസെപട്ടിന്താര്. ആന അവാര്‌ക്ക് കാണ്യ മുഡ്യാലെ. നിമ്മ കേ്ള്‌ക്കുവാദ്‌ന കേ്ള്‌ക്ക്യ അവാര് ആസെപട്ടിന്താര്. ആന അവാര്‌ക്ക് കേ്ള്‌ക്ക്യ മുഡ്യാലെ എന്റ് നാന് നിമാക്ക് സൊന്റെ.>>

ലൂക്കോസു 11:49

അദ്‌നാലെ സാമി ബുദ്ദി ഇത്തെ സൊല്ലിര്‌ക്ക്‌ന്റ്: <നാന് സാമിദാസ്‌ഗാള്‌നാമ് അപ്പോസുത്തലാര്‌നാമ് അവാര് പട്ട്‌ക്ക് സൊല്ലി ബ്‌ഡ്‌വെ. അവാര്‌ല് ലേസ ആള്‌ഗാള്‌ന അവാര് കൊല്ലുവാര്, ലേസ ആള്‌ഗാള്‌ന കൊഡിമെപഡുസുവാര്.>

ഓഗന്നാന് 14:26

എന്റാല്‌മ് അപ്പാന് സാമി എന്ന് പേര്‌ല് സൊല്ലി ബ്‌ഡ്യ ഇര്‌ക്കുവ സാമിനിഗാല് എന്നുവ തൊണെഗാറാന് എല്ലാദ്‌നാമ് നിമാക്ക് പഡുസുവാന്, നാന് സൊന്നാദ്‌ന ഒട്ടുക്കു നിമാക്ക് നെനേവുമു ബരുസ്സുവാന്.

ഓഗന്നാന് 16:13

ആന സാമിന പറ്റ്യുള്ള സത്ത്യന കാട്ടി തരുവ സാമിനിഗാല് ബര്‌ഗാട്ടി അയാള് നിമാക്ക് സത്ത്യമാനാദ്‌നെല്ല പഡിസി തരുവാന്. അയാള് തന്ന് അദിഗരാത്ത്‌ല് നായനൊഡ്യാദെ താന് കേ്ള്‌ക്കുവാദ്‌ന താനെത്തെ സൊല്ലുവാന്, ബര്യ ഇര്‌ക്കുവാദ്‌ന നിമാക്ക് സൊല്ലിമ് തരുവാന്.

അപ്പോസുത്തലാര് 10:28

പത്ത്‌റോസു അവാര്‌ക്ക് ഇത്തെ സൊന്നാന്, <<എഗുദാരല്ലാത്ത ജാദിഗാള് പട്ട്‌ക്ക് പോവാദ്‌മ്, അവാരോഡ എ്ണേന്ത് നഡാക്കുവാദ്‌മ് എഗുദാര്‌ക്ക് ആഗ എന്നുവ സട്ട നിമാക്കെല്ല നലമായി തെരിവു. ആന ആര്‌നാമ് കെ്ട്ടവാന് എന്റൊ ആഗാത്തവാന് എന്റൊ നെനേക്ക ബേ്ഡ എന്റ് സാമി എനാക്ക് കാട്ടി തന്ത്‌റ്‌ന്റാന്.

റോമഗാറാര് 16:25

ഏസ്സ് ക്‌റ്‌സ്‌ത്ത്‌ന പറ്റി നാന് സൊല്ലുവ നായന ബെത്ത്‌മ് നല്ല സേദിന ബെത്ത്‌മ് സാമിക്ക് നിമാന ഒറേപ്പ് മാഡ്യ മുഡിമ്. മുന്തെല കാലാത്ത്‌ല് ആള്‌ഗാള്‌ക്ക് ഈ നല്ല സേദി പൊറുളു മറേസി ബെത്തിന്താദ്‌ത്തെ.

1 കൊരിന്ത്യഗാറാര് 2:10

ആന താന് മറേസി ബെത്തിന്ത ഈ കാര്യഗാള്‌നെല്ല തന്ന് നിഗാല്‌ന ബെത്ത് സാമി നമാക്ക് കാട്ടി തന്ത്‌റ്‌ക്ക്‌ന്റാന്. എന്ത്‌ക്കെന്റ് സൊന്ന സാമിനിഗാല്‌ക്ക് എല്ലാമ് തെരിമല്ല. സാമി മനേസ്സ്‌ല് ഇര്‌ക്കുവാദ്‌മ് നെപ്പ്‌കെ്ഡേസ്യ ബുദ്ദിമുട്ടുള്ളാദ്‌മാന കാര്യഗാള്‌ന ഗുഡി സാമിനിഗാല്‌ക്ക് തെരിമ്.

എപസോസുഗാറാര് 2:20

എത്തെന്റ് സൊന്ന ഒന്റു ബീ്ഡ്‌ന ഒറേപ്പ് മാഡി നില്ല്‌സുവ മൂലെകല്ല്‌ന പാസെത്തെ ക്‌റ്‌സ്‌ത്ത് ഏസ്സ്. അയി ബീ്ഡ്‌ക്കിര്‌ക്കുവ ബേസ്‌മട്ടന പാസെത്തെ സാമിദാസ്‌ഗാള്‌മ് അപ്പോസുത്തലാര്‌മ് ആയിര്‌ക്കുവ എമ്മാമ്.

എപസോസുഗാറാര് 3:9

എന്ത്‌ക്കെന്റ് സൊന്ന എല്ലാദ്‌നാമ് ദ്‌ട്ട്‌സ്‌ന സാമി ഇന്നമാട്ട്‌ക്ക് നമാക്ക് സൊല്ലി തരാദിന്ത അയി നല്ല സേദിന എല്ലാര്‌മ് കേ്ട്ട് അറുവുഗാറാരാവ ഗിലാസാന എനാക്ക് തന്ത്‌റ്‌ന്റാര്.

ജൂദാന് 1:17

എനാക്ക് മെച്ച്‌പ്‌ഡിത്തവാരെ, നിമ്മ, നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പോസുത്തലനാമ് നഡാക്ക്യ പോവ കാര്യഗാള്‌ന പറ്റി മുദാലെ സൊന്നാദ്‌ന നെനേത്ത് നോഡുനു.