Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




എപസോസുഗാറാര് 3:3 - സാമി സേദി

3 സാമി ഇന്നമാട്ട്‌ക്ക് ബെ്ളിഗെ സൊല്ലാദെ ബെത്തിന്ത കാര്യഗാള്‌ന എനാക്ക് സൊല്ലി തന്താന്. അയി കാര്യഗാള്‌ന പറ്റി നാന് മുദാല് നിമാക്ക് സുരുക്കാത്ത്‌ല് എ്ള്‌ദിര്‌ന്റെ.

အခန်းကိုကြည့်ပါ။ ကော်ပီ




എപസോസുഗാറാര് 3:3
23 ပူးပေါင်းရင်းမြစ်များ  

<<നാന് എര്‌സലേമ്‌ക്ക് തിരിഗി പോയി സാമിബീ്ഡ്‌ല് പരേസികൊണ്ടിന്തേന്. അദുക്കുള എനാക്ക് ഒന്റു തോറ്റ ബന്ത്‌ദ്.


ആന ആണ്ടവാന് എനാക്ക്: <പൊ! നാന് നിനാന ദൂരാത്ത്‌ല് ഇര്‌ക്കുവ എഗുദാരല്ലാത്ത ജാദിഗാള് പട്ട്‌ക്ക് സൊല്ലി ബ്‌ഡ്‌വെ> എന്റ് സൊന്നാന്.>>


അത്തെ അദ്‌ല് അദ്‌ന സൊല്ലി ദൊഡ്ഡ ഗിജ്‌റാറ്റ്. പരിസാര് കച്ചില ലേസ ബേദബാത്ത്യനാമ്‌ഗാള് ഇ്ളാഗി സെരിക്ക്‌മ് തറ്‌ക്കികൊണ്ടു: <<എമ്മ ഇയാള്‌ല് ഒന്റു കുറ്റാമ് കാണുവാലെ, ഒന്റു സമ്യ ഒന്റു നിഗാലൊ അല്ല പോന ഒന്റു ദൂദാനൊ അയാളോഡ നായ നൊഡിന്ത്‌റ്‌ക്ക്‌മ്>> എന്റ് സൊന്നാര്.


ഏസ്സ്‌ഗാറാരെ, നിമ്മ ബുദ്ദിസാലിഗാളെന്റ് നിമാന പറ്റി നെനേക്കാദിര്‌ക്ക്യ ഈ കാര്യന തെര്യാദെ ഇര്‌ക്കദേന് എന്റ് നാന് ആസെപഡ്‌ന്റെ. എഗുദാരല്ലാത്ത ജാദിഗാള്‌ലിന്ത് സാമിസാരി ബന്റവാര് കണാക്ക് തെഗേഗ മാട്ട്‌ക്ക് ഇസ്‌റവേല്‌ഗാറാര്‌ല് ലേസ ആള്‌ഗാള് മരനെഞ്ച്‌ഗാറാര് ആയിര്‌ക്ക്‌ന്റാര്.


ഏസ്സ് ക്‌റ്‌സ്‌ത്ത്‌ന പറ്റി നാന് സൊല്ലുവ നായന ബെത്ത്‌മ് നല്ല സേദിന ബെത്ത്‌മ് സാമിക്ക് നിമാന ഒറേപ്പ് മാഡ്യ മുഡിമ്. മുന്തെല കാലാത്ത്‌ല് ആള്‌ഗാള്‌ക്ക് ഈ നല്ല സേദി പൊറുളു മറേസി ബെത്തിന്താദ്‌ത്തെ.


അവനവാന്‌ന പറ്റി താനെ പെരിമെപഡുവാദ് ഉവഗര ഇല്ലെ. എന്റാല്‌മ് എനാക്ക് അത്തെ ഗേന്തെ തീരുഡൊ. ആണ്ടവാന് എനാക്ക് തന്ത തോറ്റഗാള്‌നാമ് കാട്ടി തന്ത കാര്യഗാള്‌നാമ് പറ്റി നാന് ഇന്നി സൊല്ല്യ പോന്റെ:


ഈ നല്ല സേദി എനാക്ക് ഏദാറ്റ മന്‌സാര്‌ഗാള്‌ലിന്ത് കെ്ഡേത്താദല്ല. ഏദാറ്റ മന്‌സാന് പഡിസി തന്താദ്‌മല്ല. ഏസ്സ് ക്‌റ്‌സ്‌ത്ത്‌ത്തെ എന്ന് മനേസ്സ്‌ക്ക് ഇദ്‌ന അര്‌ത്ത മാഡി തന്താദ്.


നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ക്ക് അപ്പാനായിര്‌ക്കുവ സാമി എത്ത്‌റ ദൊഡ്ഡവാനെന്റ് പെരിമെപഡ്യാമ് സാമിന പറ്റി സൊക്കാന തെര്യാമ് സാമിനിഗാല് നിമാക്ക് ഉദാവി ഗേയ ബേ്ണ്ടി നാന് സാമിക്ക് പരേസ്‌ന്റെ.


നാന് മുദാല് എ്ള്‌ദ്‌ന അയി കാര്യഗാള്‌ന നിമ്മ പഡിത്ത് നോഡുന ക്‌റ്‌സ്‌ത്ത്‌ന പറ്റി ആള്‌ഗാള്‌ക്ക് മുന്നുക്കു തെര്യാദിന്ത കാര്യഗാള് എനാക്ക് എത്ത്‌റാക്ക് തെരിമെന്റ് നിമാക്ക് നെപ്പ്‌കെ്ഡേക്ക്‌മ്.


എന്ത്‌ക്കെന്റ് സൊന്ന എല്ലാദ്‌നാമ് ദ്‌ട്ട്‌സ്‌ന സാമി ഇന്നമാട്ട്‌ക്ക് നമാക്ക് സൊല്ലി തരാദിന്ത അയി നല്ല സേദിന എല്ലാര്‌മ് കേ്ട്ട് അറുവുഗാറാരാവ ഗിലാസാന എനാക്ക് തന്ത്‌റ്‌ന്റാര്.


അദ്‌താനേമല്ല, സാമ്യോഡ പിര്യപിര്യാത്തിര്‌ക്ക്യ ബെക്കുവ ഈ നല്ല സേദില് ഇന്നമാട്ട്‌ക്ക് ആര്‌ക്ക്‌മ് സൊക്കാന തെര്യാദിര്‌ക്കുവ കാര്യഗാള്‌ന തെരിന്ത് അദ്‌ന ദയിരത്തോഡ അഡ്‌ത്തവാര്‌ക്ക് സൊല്ല്യ എനാക്ക് ബേ്ണ്ടിമ് പരേസ്‌ന്.


നാന് ഇത്തെ പാഡ്‌പഡുവാദ് നിമ്മ സോറ്റു പോഗാദെ സീവാന്‌ബെത്ത് നഡാന്ത് ഒത്തിമോഡ ഇര്‌ക്ക്‌ന്റവാരായ ബേ്ണ്ടിത്തെ. അദ്‌താനേമല്ല, സാമി ഇന്നമാട്ട്‌ക്ക് സൊല്ലാദെ ബെത്തിന്ത അറുവു എന്നുവ സൊത്തായിര്‌ക്കുവ ക്‌റ്‌സ്‌ത്ത്‌ന നിമ്മ തെരിന്ത്‌റ്‌ക്കുഡൊ എന്റ്‌മ് നാന് ആസെപഡ്‌ന്റെ.


നാന് ഇന്നാല് ജെയില്‌ല് ഇര്‌ക്കുവാദ്‌ന നെനേത്ത് നിമ്മ എനാക്ക് ബേ്ണ്ടിമ് പരേസ്‌ന്. ക്‌റ്‌സ്‌ത്ത്‌ന പറ്റി ഇന്നമാട്ട്‌ക്ക് തെര്യാദിന്ത കാര്യഗാള്‌ന ആള്‌ഗാള്‌ക്ക് തെരിവ ദിന്‌സ്‌ല് സൊല്ല്യ ബേ്ണ്ടിമ് അദ്‌ക്കിര്‌ക്കുവ തഡേസഗാള്‌ന സാമി ഇല്ലാദെ മാഡ്യ ബേ്ണ്ടിമ് പരേസ്‌ന്. അയി ഗിലാസാന ഗേവാദ്‌നാലെത്തെ നാന് ഇന്നാല് ജെയില്‌ലിര്‌ക്കുവാദ്.


ഏസ്സ്‌ഗാറാരെ, നാന് നിമാക്ക് ബുദ്ദി സൊല്ല്യ എ്ള്‌ദിര്‌ക്കുവ ഈ കാര്യഗാള്‌ന പൊറിമോഡ കേ്ള്‌ക്കുഡൊ എന്റ് നാന് ബേ്ണ്ടികൊള്ളുന്റെ. എന്ത്‌ക്കെന്റ് സൊന്ന നാന് അദിഗ ഒന്റുമു എ്ള്‌ദാലല്ല.


ഏസ്സ്‌ഗാറാന്‌മ് എനാക്ക് നമ്പ്യ മുഡിന്റവാന്‌മ് ആന സീലാസ്‌ന ബെത്ത് ഈ എ്ള്‌ത്ത് നാന് സുരുക്കാത്ത്‌ല് എ്ള്‌ദിര്‌ക്ക്‌ന്റെ. നിമാന ദയിരപഡിസ്യാമ് ഇന്നാല് നിമ്മ പെ്ളേക്കുവാദ് സാമി നിമ്മോഡ ബെത്ത്‌റ്‌ക്കുവ നേര്‌മാന ഗവനാലെത്തെന്റ് നിമാക്ക് നാന് സൊല്ല്യാമ്‌ത്തെ ഈ എ്ള്‌ത്ത് എ്ള്‌ദുവാദ്. അദ്‌ല് നിമ്മ ഒറേപ്പുള്ളവാരായിര്‌ക്കുഡൊ.


അദ്‌താനേമല്ല, നമ്മ് ആണ്ടവാന് മ്‌ഗ്‌ന്ത പൊറിമോഡ ഇര്‌ക്കുവാദ് ആള്‌ഗാള് തപ്പിസി കഡാക്ക്യ ബേ്ണ്ടിത്തെ എന്നുവ കാര്യന നെനേന്. ഇദ്‌ന താനെത്തെ നമാക്ക് മെച്ച്‌പ്‌ഡിത്തവാന്‌മ് ഏസ്സ്‌ഗാറാന്‌മ് ആയിര്‌ക്കുവ പവുലോസുമ് സാമി തനാക്ക് കൊഡുത്ത അറുവുക്കു തഗ്‌ന്ത പാസെ നിമാക്ക് എ്ള്‌ദിര്‌ക്കുവാദ്.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ