എപസോസുഗാറാര് 3:17 - സാമി സേദി17-18 ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ. အခန်းကိုကြည့်ပါ။ |
എപസോസുഗാറാര് 3:17
24 ပူးပေါင်းရင်းမြစ်များ
അയാള് ഇത്തെ ബീ്ഡ് എ്ഡ്‌ത്തവാന്‌ക്ക് സമാത്തെ. അയാള് ബീ്ഡ് എ്ഡ്‌ക്ക്യ ബെ്ട്ടുവ സാല്‌ഗാള്‌ന നല്ല താത്തി ബെ്ട്ടി അറെ കുദ്ദാക്ക് ബേസ്‌മട്ട കെ്ട്ടി ബീ്ഡ് എഡ്‌ക്ക്‌ന്റാന്. ദൊഡ്ഡ മഗേമ് അഡിത്ത് ദൊഡ്ഡ നീര്‌മ് ബന്ത് ബീ്ഡ്‌ക്ക് ഏ്റ്‌റ്റ്, എന്റിന്ത് ഗുഡി അയി ബീ്ഡ്‌ക്ക് ഒന്റുമു ആഗാലെ. എന്ത്‌ക്കെന്റ് സൊന്ന അയാള് അയി ബീ്ഡ്‌ന നല്ല ഒറേപ്പോഡ കെ്ട്ടിന്താന്.
സാമിബീ്ഡ്‌ക്ക്‌മ് സെലേക്ക്‌മ് ആങ്കീങ്ക് എ്ണേഗമാട്ട. നമ്മ ഉജുരുള്ള സാമി ഇര്‌ക്കുവ ബീ്ഡ് ആയിര്‌ക്കുവാദ്‌നാലെ സെലെന കുമ്മുഡുന്റവാരോഡ നമാക്ക് എ്ണേയ പറ്റമാട്ട. <<എന്ന് ജനഗാളോഡ നാന് ഒന്റായി തങ്കുവെ, അവാരോഡൊപ്പ നാന് നഡാക്കുവെ, നാന് അവാര്‌ക്ക് സാമിമ് അവാര് എന്ന് ജനഗാള്‌മ് ആയിര്‌ക്കുവാര്>> എന്റ് സാമി സൊല്ലിര്‌ക്ക്‌ന്റാനല്ല.
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
ကြော်ငြာတွေ