എപസോസുഗാറാര് 3:16 - സാമി സേദി

¹⁶ അയി സാമിക്കിര്‌ക്കുവ പേര്‌പെരിമെ എത്ത്‌റ ദൊഡ്ഡാദൊ അദ്‌ക്ക് തഗ്‌ന്ത ദിന്‌സ്‌ല് അയി സാമി തന്ന് നിഗാല്‌ന ബെത്ത് നിമ്മ് നെഞ്ച്‌ന ദയിരപഡുസുഡോമെ.

എപസോസുഗാറാര് 3:16 ပူးပေါင်းရင်းမြစ်များ

മത്തായി 6:13

പാവ ഗേവ ആസേക്ക് എമാന സിക്ക്‌സാദെ കെ്ട്ടവാന് കയിലിന്ത് എമാന കാപാറ്റുഡോമെ. എന്ത്‌ക്കെന്റ് സൊന്ന എന്നാല്‌ക്ക്‌മ് എല്ലാ നാഡ്‌ന ആള്‌ന്റവാന്‌മ് മ്‌ഗ്‌ന്ത ബില ഇര്‌ക്ക്‌ന്റവാന്‌മ് മ്‌ഗ്‌ന്ത മദ്‌പ്പിര്‌ക്ക്‌ന്റവാന്‌മ് നീത്തെ, ആമേന്.>

റോമഗാറാര് 2:29

ഉളാക്ക് എഗുദാര് ജാദിക്ക് പട്ടവാന്‌ത്തെ സെരിക്കുള്ള എഗുദാന്. സാമിനിഗാല്‌നാലെ മനേസ്സ് മാറുവാദ്‌ത്തെ നേര്‌മാന പരിസേദനെ. അദ് എ്ള്‌ദി ബെത്ത്‌റ്‌ക്കുവ സാമി സട്ടാക്ക് ഒത്താദല്ല. അത്തവാള്‌ക്ക്‌ത്തെ മന്‌സാര്‌ഗാള്‌ലിന്തല്ല, സാമിലിന്ത് താനെ പേര് കെ്ഡേക്ക്‌മ്.

റോമഗാറാര് 7:22

എന്ന് മനേസ്സ്‌ല് നാന് സാമിസട്ടന പിര്യപൊങ്കുന്റെ.

റോമഗാറാര് 9:23

അദ്‌താനേമല്ല, സാമി തന്ന് ദൊഡ്ഡ മദ്‌പ്പ്‌ന കാട്ടി കൊഡുക്ക്യ ബേ്ണ്ടി ആസെപട്ടാന്. തന്ന് ദൊഡ്ഡ മദ്‌പ്പ്‌ക്ക് പങ്ക്‌ഗാറാരായ ബേ്ണ്ടി മുന്നുക്കു താനെ തെരിന്തെ്ഡ്‌ത്തവാര്‌മ് താന് ഗവ പട്ടവാര്‌മാന നമാക്ക്‌ത്തെ സാമി അയി മദ്‌പ്പ്‌ന കാട്ട്‌നാദ്.

1 കൊരിന്ത്യഗാറാര് 16:13

സൂസാരിത്തിര്‌ന്, നമ്പിക്കേല് ഒറേത്തിര്‌ന്, ദയിര ഉള്ളവാരായി ഇര്‌ന്, ബെജെ ഉള്ളവാര് ആയി ഇര്‌ന്.

2 കൊരിന്ത്യഗാറാര് 12:9

ആന <<എന്ന് പ്‌ണ്ണ്യ നിനാക്ക് മദി, മുഡ്യാമാട്ട എന്റ് നീ സൊല്ലുവ ഗളിഗേക്ക് എന്ന് സക്‌തി തെഗേന്ത് ബന്റ്>> എന്റ്‌ത്തെ ആണ്ടവാന് എനാക്ക് സൊന്നാദ്. അദ്‌നാലെ എനാക്ക് ഇര്‌ക്കുവ കൊറേവുന പറ്റി അദിഗ പെരിമെപഡുവെ. എന്ത്‌ക്കെന്റ് സൊന്ന എന്ന് കൊറേവുനാലെ ക്‌റ്‌സ്‌ത്ത്‌ക്ക് അദിഗ സക്‌തി കാട്ട്യ മുഡിമ്.

2 കൊരിന്ത്യഗാറാര് 4:16

അദ്‌നാലെ എമ്മ ദയിര ഉള്ളവാര്‌ത്തെ. ഈ ഉലഗാത്ത്‌ല എമ്മ് സരിഗല നരാഗി പോനാല്‌മ് എമ്മ് നിഗാല് കുട്ടി നാള്‌ക്ക്‌മ് ബിലപട്ട്‌കൊണ്ടു ഇര്‌ക്ക്‌ന്റ്.

എപസോസുഗാറാര് 1:18

സാമി നമാന തന്ന് പ്‌ള്ളെഗാളായി തെരിന്തെ്ഡ്‌ത്ത ഉരിമേക്കിര്‌ക്കുവ മദ്‌പ്പ്‌ന പറ്റിമ് സാമി തന്ന് പ്‌ള്ളെഗാള്‌ക്ക് കൊഡുത്ത്‌റ്‌ക്കുവ ബാക്ക്‌വരഗാള്‌ക്ക് നമാന പങ്ക്‌ഗാറാര് മാഡിര്‌ക്കുവ മദ്‌പ്പ്‌ന പറ്റിമ് നിമാക്ക് സൊക്കാന തെരിവ ബുദ്ദി ബര്യ ബേ്ണ്ടി നാന് പരേസ്‌ന്റെ.

എപസോസുഗാറാര് 1:7

സാമി നമാക്ക് ഗേന്ത പ്‌ണ്ണ്യ എത്ത്‌റ ദൊഡ്ഡാദെന്റ് കാട്ടി തര്യ ബേ്ണ്ടി ക്‌റ്‌സ്‌ത്ത് തനാന താനെ സോരെ പലി കൊഡുത്തു നമ്മ് പാവാന തീത്ത് തന്താന്. അത്തെ സാമി നമാന അളിന്ത് പോവ പെ്ളേപ്പ്‌ലിന്ത് തിരിക്കി എ്ഡ്‌ത്താന്.

എപസോസുഗാറാര് 2:7

ഏസ്സ് ക്‌റ്‌സ്‌ത്ത് പേര്‌ല് സാമി നമാന പട്ട ഗവ എത്ത്‌റ ദൊഡ്ഡാദെന്റ് ഇന്നി ബരുവ കാലാത്ത്‌ല ആള്‌ഗാള് കാണ്യ ബേ്ണ്ടിത്തെ സാമി ഇത്തെ ഗവ പട്ടാദ്.

എപസോസുഗാറാര് 3:8

ക്‌റ്‌സ്‌ത്ത്‌ന ബെത്ത് ഇന്നമാട്ട്‌ക്ക് സൊല്ലി തരാദിന്ത അയി അറുവു എത്ത്‌റ ദൊഡ്ഡാദ്? ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്കുവ എഞ്ചോ ആള്‌ഗാള് കൂട്ടാത്ത്‌ല് നാന് ദൊഡ്ഡവാനല്ല. അത്തിന്ത് ഗുഡി അയി നല്ല സേദിന സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്താന്.

എപസോസുഗാറാര് 6:10

കഡേസി നാന് സൊല്ലുവ കാര്യ എന്തെന്റ് സൊന്ന, ക്‌റ്‌സ്‌ത്ത്‌ക്ക് എത്ത്‌റ സക്‌തിര്‌ന്റ് എന്നുവാദ്‌ന തെരിന്ത് അയാള് തരുവ സക്‌തിന കെ്ഡേസി കൊണ്ടേ പെ്ളേന്.

പിലിപ്പ്യഗാറാര് 4:13

ക്‌റ്‌സ്‌ത്ത് എനാന ബിലപഡുസുവാദ്‌നാലെ ഇത്തെ ബരുവ ഏദ് കാര്യഗാള്‌ക്ക്‌മ് നല്ല ദിന്‌സ്‌ല് ഒത്തുപട്ട് പോയ എനാക്ക് മുഡിമ്.

പിലിപ്പ്യഗാറാര് 4:19

എല്ലാദ്‌നാമ് ബെത്ത്‌റ്‌ന്റവാന് നമ്മ കുമ്മുഡുവ സാമിത്തെ. അദ്‌നാലെ ക്‌റ്‌സ്‌ത്ത് ഏസ്സ്‌ന നമ്പി നഡാക്കുവ നിമാക്ക് ബരുവ ബുദ്ദിമുട്ടുഗാള്‌നെല്ല അദിസ്യപഡുവ ദിന്‌സ്‌ല് സാമി തീത്ത് തരുവാന്.

കൊലേസ്യഗാറാര് 1:11

അദ്‌താനേമല്ല, ക്‌റ്‌സ്‌ത്ത് തനാക്ക് ബന്ത കജട്ടഗാള്‌ന പിര്യപിര്യാത്ത് താങ്ക്‌ന പാസെ നിമാക്ക് ബരുവ കജട്ടഗാള്‌നാമ് പൊറിമോഡ താങ്കുവാദ്‌ക്കുള്ള സക്‌തി നിമാക്ക് കെ്ഡേക്ക്യ ബേ്ണ്ടിമ് പരേസ്‌ന്റേമ്.

കൊലേസ്യഗാറാര് 1:27

ഏസ്സ് ക്‌റ്‌സ്‌ത്ത്‌നാലെ സാമ്യോഡ എ്ണേവ ബാഗ്യ ഈ ഉലഗാത്ത്‌ലിര്‌ക്കുവ എല്ലാ ജാദിഗാള്‌ക്ക്‌മ് കെ്ഡേക്കുവ ഈ സേദി ഇന്നമാട്ട്‌ക്ക് തെര്യാദിന്ത്‌ദ്. ആന ഏസ്സ്‌ഗാറാര് കൂട്ടാക്ക് അദ്‌ന ഇന്നാല് സൊല്ലി കൊഡുക്ക്യ സാമി ആസെപട്ടാന്. അദ്‌നാലെ ഏസ്സ്‌ന നമ്പി സാമിക്ക് എ്ണേവാദ് നിമാക്ക് കെ്ഡേത്ത ദൊഡ്ഡ ബാഗ്യത്തെ.

കൊലേസ്യഗാറാര് 2:2

നാന് ഇത്തെ പാഡ്‌പഡുവാദ് നിമ്മ സോറ്റു പോഗാദെ സീവാന്‌ബെത്ത് നഡാന്ത് ഒത്തിമോഡ ഇര്‌ക്ക്‌ന്റവാരായ ബേ്ണ്ടിത്തെ. അദ്‌താനേമല്ല, സാമി ഇന്നമാട്ട്‌ക്ക് സൊല്ലാദെ ബെത്തിന്ത അറുവു എന്നുവ സൊത്തായിര്‌ക്കുവ ക്‌റ്‌സ്‌ത്ത്‌ന നിമ്മ തെരിന്ത്‌റ്‌ക്കുഡൊ എന്റ്‌മ് നാന് ആസെപഡ്‌ന്റെ.

2 തിമിത്തോസു 4:17

ആന ആണ്ടവാന് എനാക്ക് തൊണെ ഇന്ത് എനാന ബില പഡിസി എന്ന് ഉജുരുക്കു ബന്ത ആവാത്ത്‌ലിന്ത് ആണ്ടവാന് എനാന കാപാറ്റ്‌നാന്. അദ്‌നാലെ എല്ലാ എഗുദാരല്ലാത്ത ജാദിഗാള്‌മ് കേ്ള്‌ക്കുവ ദിന്‌സ്‌ല് നല്ല സേദിന സൊക്കാന സൊന്നേന്.

എവുറായാര് 11:34

കത്തി എരേവ തീന കെ്ഡ്‌സ്‌നാര്, ബാള്‌ല് കൊല്ല്യപഡുവാദ്‌ലിന്ത് തപ്പ്‌സ്‌നാര്. അവാര് മുജുവില്ലത്തവാര് ആയിന്ത് ഗുഡി മുജുവുള്ളവാരാനാര്. അവാര് ജുദ്ദ ഗേവാദ്‌ല് ഗട്ടിഗാറാര് ആയിന്താര്. അവാര് അന്ന്യ നാഡ് പട്ടളഗാറാര്‌ന മുഡിക്കി ബ്‌ട്ടാര്.

1 പത്ത്‌റോസു 3:4

അദ്‌ക്ക് ബദ്‌ല ഈ അളാഗ് നിമ്മ് നെഞ്ച്‌കുളാക്കിന്ത് ബരുഡൊ. അദ് എന്നാല്‌ക്ക്‌മ് മങ്കാത്ത മര്യാദിമ് തണിമേമ് ഇര്‌ക്കുവ മനേസ്സ്‌ത്തെ. അദ്‌ത്തെ സാമി കണ്ണ്‌ക്ക് ദൊഡ്ഡ കാര്യ.