എപസോസുഗാറാര് 3:12 - സാമി സേദി

¹² അത്തെ ക്‌റ്‌സ്‌ത്ത്‌ന നമ്പുവാദ്‌നാലെ അഞ്ചാദെ ദയിരത്തോഡ നമാക്ക് സാമി പട്ട്‌ക്ക് പോയ മുഡിമ്.

എപസോസുഗാറാര് 3:12 ပူးပေါင်းရင်းမြစ်များ

ഓഗന്നാന് 14:6

ഏസ്സ് അയാള്‌ക്ക്: <<നാന്‌ത്തെ ബട്ടെ, നാന്‌ത്തെ സത്ത്യ, നാന്‌ത്തെ ഉജുരു. എന്ന്‌നാലെ അല്ലാദെ ആര്‌ക്ക്‌മ് അപ്പാന് പട്ട്‌ക്ക് പോയ മുഡ്യാമാട്ട.

റോമഗാറാര് 3:22

ഏസ്സ് ക്‌റ്‌സ്‌ത്ത്‌ന നമ്പുവ നമ്പിക്കേന ബെത്ത് സാമി എല്ലാ ആള്‌ഗാള്‌നാമ് നേര്‌മെഗാറാര് മാഡ്‌ന്റാന്. ക്‌റ്‌സ്‌ത്ത്‌ന നമ്പ്‌ന്റവാര്‌ക്ക്‌ത്തെ സാമി ഇത്തെ ഗേവാദ്. ഈ കാര്യാത്ത്‌ല് സാമി എഗുദാരെന്റൊ എഗുദാരല്ലത്തവാരെന്റൊ പ്‌റ്‌ത്ത് നോഡുവാദില്ലെ.

റോമഗാറാര് 5:2

ക്‌റ്‌സ്‌ത്ത് ഏസ്സോഡ ബെത്ത്‌റ്‌ക്കുവ നമ്പിക്കെനാലെ സാമി പ്‌ണ്ണ്യ ഗേന്ത് കെ്ഡേത്ത ഈ പെ്ളേപ്പ്‌ക്ക് നമാക്ക് ഇന്നാല് എജ്ജ്യ മുഡിന്ത്‌ദ്. അത്തെ നമ്മ സാമി മദ്‌പ്പ്‌ക്ക് പങ്ക്‌ഗാറാര് ആവാമ് എന്നുവ നെഞ്ചഡെന പറ്റി നമ്മ പെരിമെപഡ്‌ന്റാമ്.

2 കൊരിന്ത്യഗാറാര് 3:4

സാമിത്തെ ക്‌റ്‌സ്‌ത്ത്‌ന ബെത്ത് എമാക്ക് ഇത്തെ സൊല്ലുവാദ്‌ക്കുള്ള ഒറേപ്പ് തന്താദ്.

എപസോസുഗാറാര് 2:18

അദ് എത്തെന്റ് സൊന്നദാന സാമിപ്‌ള്ളെഗാള്, സാമിപ്‌ള്ളെഗാളല്ലത്തവാര് എന്റ് സൊല്ലുവ അന്ന്യ ജാദിഗാള് എന്റ് റാഡായി പ്‌റ്‌ന്തിന്ത നമ്മൊട്ടുക്കുമു അയി സേദിന നമ്പുവാദ്‌നാലെ ഒന്റേ സാമിനിഗാല്‌ല് അപ്പാനായിര്‌ക്കുവ സാമിക്ക് എ്ണേവ ബാഗ്യ നമാക്ക് കെ്ഡേത്ത്‌ദ്.

എവുറായാര് 10:35

അദ്‌നാലെ നിമാക്ക് മുദാല് ഇന്ത ദയിരന നിമ്മ കയി ബ്‌ഡാദേന്. എന്ത്‌ക്കെന്റ് സൊന്ന അദ്‌ക്ക് മ്‌ഗ്‌ന്ത കൂലി ഇര്‌ക്ക്‌ന്റ്.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.

1 പത്ത്‌റോസു 3:18

എന്ത്‌ക്കെന്റ് സൊന്ന നേര്‌മല്ലത്തവാര് ആയിര്‌ക്കുവ നിമാന സാമി പട്ട്‌ക്ക് എ്ഡ്‌ത്ത് പോയ ബേ്ണ്ടി നേര്‌മെഗാറാനാന ക്‌റ്‌സ്‌ത്ത് നിമ്മ് പാവാക്ക് ബേ്ണ്ടി ഒന്റു ജമ്പ് സത്താന്. അയാള് സരിഗലാത്ത്‌ല് സത്താല്‌മ് നിഗാല്‌നാലെ പെ്ളേക്ക്‌ന്റാന്.

1 ഓഗന്നാന് 2:28

അദ്‌നാലെ പ്‌ള്ളെഗാളെ, ക്‌റ്‌സ്‌ത്ത് എല്ലാര് കണ്ണ്‌ക്ക് എദ്‌ക്ക കാട്ട്‌ഗാട്ടി നമ്മ ദയിരത്തോഡ ഇര്‌ക്ക്യ ബേ്ണ്ടിമ് അയാള് മുന്നുക്കു നാണഗെ്ഡാദിര്‌ക്ക്യ ബേ്ണ്ടിമ് എന്നാല്‌ക്ക്‌മ് നമ്മ ക്‌റ്‌സ്‌ത്തോഡ എ്ണേവു ബെത്ത് പെ്ളേക്കുഡൊ.

1 ഓഗന്നാന് 3:21

അദ്‌നാലെ എന്ന് എ്ണേവുഗാറാരെ, നമ്മ കുറ്റഗേന്തവരല്ല എന്റ് നമ്മ് മനേസ്സ് സൊല്ലുവദാന നമാക്ക് ദയിരത്തോഡ സാമ്യോഡ എ്ണേവു ബെത്ത് നഡാക്ക്യ മുഡിമ്.