എപസോസുഗാറാര് 2:20 - സാമി സേദി20 എത്തെന്റ് സൊന്ന ഒന്റു ബീ്ഡ്‌ന ഒറേപ്പ് മാഡി നില്ല്‌സുവ മൂലെകല്ല്‌ന പാസെത്തെ ക്‌റ്‌സ്‌ത്ത് ഏസ്സ്. അയി ബീ്ഡ്‌ക്കിര്‌ക്കുവ ബേസ്‌മട്ടന പാസെത്തെ സാമിദാസ്‌ഗാള്‌മ് അപ്പോസുത്തലാര്‌മ് ആയിര്‌ക്കുവ എമ്മാമ്. အခန်းကိုကြည့်ပါ။ |
എപസോസുഗാറാര് 2:20
20 ပူးပေါင်းရင်းမြစ်များ
ഏസ്സ് അവാര്‌ക്ക്: << <ബീ്ഡ് ഗിലാസ ഗേന്റവാര് മോസ എന്റ് തെ്റിന്ത് തള്ള്‌ന കല്ല്‌ത്തെ ബീ്ഡ് എ്ഡ്‌ക്കാട്ടി എല്ലാ കല്ല്‌ഗാള്‌ന ബ്‌ഡ മുക്ക്യമാന കല്ല് ആയി തള്ള്‌ട്ട്, ഇദ് ആണ്ടവാന്‌നാലെ നഡാന്താദ്, അദ് നമ്മ് കണ്ണ്‌ക്ക് അദിസ്യുള്ള കാര്യ ആയിര്‌ക്ക്‌ന്റ്> എന്റ് സാമി ബൊക്കുലു എ്ള്‌ദിര്‌ക്കുവാദ്‌ന നിമ്മ ഇന്നമാട്ട്‌ക്ക് പഡിത്ത് നോഡാലേഗ?
ക്‌റ്‌സ്‌ത്ത് സരിഗല ആയിര്‌ക്കുവ ഏസ്സ്‌ഗാറാര് കൂട്ടാത്ത്‌ല മൂട്ടുമുറിഗാളായി സാമി മുദാല് അപ്പോസുത്തലാര്‌നാമ്, റണ്ടാവാദ് സാമി സാമിദാസ്‌ഗാള്‌നാമ്, മൂണാവാദ് ബേദബാത്ത്യനാമ്‌ഗാള്‌നാമ് എ്ഡ്‌ത്ത് ബെത്തറ്‌ന്റാന്. പിന്നെ അദിസ്യുള്ള കാര്യഗാള് ഗേന്റവാര്‌നാമ്, നോയി തെ്ള്‌സുവ ബര ഇര്‌ക്ക്‌ന്റവാര്‌നാമ്, ഉദാവി ഗേവ ബര ഇര്‌ക്ക്‌ന്റവാര്‌നാമ്, ഏസ്സ്‌ഗാറാര് കൂട്ടന നഡാത്തുവ ബര ഇര്‌ക്ക്‌ന്റവാര്‌നാമ്, പല ദിന്‌സ് നായഗാള്‌ല് നായനൊഡിവ ബര ഇര്‌ക്ക്‌ന്റവാര്‌നാമ് എ്ഡ്‌ത്ത് ബെത്ത്‌റ്‌ന്റാന്.
ഈ ഗിലാസ ഗേയ സാമി എനാക്ക് ബര തന്ത്‌റ്‌ന്റാനെന്റ് മുക്ക്യമാന തലെവാര്‌ഗാളാന ആക്കോവു, പത്ത്‌റോസു, ഓഗന്നാന് എന്റവാര്‌ക്ക് തെരിന്ത്‌ദ്. അദ്‌നാലെ അവാര് എനനാമ് ബറ്‌ണവാസ്‌നാമ് തമ്മോഡൊപ്പ സാമി ഗിലാസ ഗേന്റവാരായി എന്റ് കാട്ട്യ കയികൊഡുത്തു സേത്ത്‌നാര്. <<അത്തെ എമ്മ എഗുദാര് പട്ട്‌ല് താനെ നല്ല സേദിന സൊല്ല്യ അവാര്‌മ് എഗുദാരല്ലാത്ത ജാദിഗാള് പട്ട്‌ല് നല്ല സേദിന സൊല്ല്യ നാന്‌മ് ബറ്‌ണവാസ്‌മ് എമ്മ ഒത്തുപട്ടേമ്.>>
അദ് എന്തെന്റ് സൊന്ന, സാമി ഏസ്സ് ക്‌റ്‌സ്‌ത്ത്‌ന ബെത്ത് ഇസ്‌റവേല്‌ഗാറാര്‌ക്ക് ഏദേദ്‌നെല്ല കൊഡുക്കുവേന് എന്റ് ബാക്ക് കൊഡുത്തിന്താനൊ അയി നല്ല സേദിന നിമ്മ നമ്പി ഇന്നമാട്ട്‌ക്ക് സാമിക്ക് അന്ന്യ ജാദിഗാളായി പെ്ളേത്ത് ബന്ത നിമ്മാമ് അവാരോഡ എ്ണേന്ത് പങ്ക്‌ഗാറാരായി അവാര്‌ക്ക് കൊഡുത്ത ബാക്ക്‌ക്ക് ഉരിമെഗാറാര് ആന്‌റ്. ഇദ്‌ന സാമി ഇന്നാലിര്‌ക്കുവ തന്ന് സാമിദാസ്‌ഗാള്‌ക്ക്‌മ് അപ്പോസുത്തലാര്‌ക്ക്‌മ് തന്ന് നിഗാല്‌ന ബെത്ത് സൊല്ലി കൊഡുത്ത പാസെ മുന്തെല കാലാത്ത്‌ല് പെ്ളേത്തിന്തവാര്‌ക്ക് സൊല്ലി കൊഡുക്കാലെ.
ကြော်ငြာတွေ