ആന മന്‌സാനായി പ്‌റാന്തവാന് എല്ലാ ആള്‌ഗാള്‌നാമ് പാസെ തിന്റ് കൊണ്ടുമു കുഡിത്ത് കൊണ്ടുമു ബന്താന്. <തീനിപോറാന്‌മ്, കുഡിഗാറാന്‌മ് എന്റ്‌മ്, കന്ത്യ കെ്ട്ടുവ കാസ് പിരിക്ക്‌ന്റവാര്‌മ് കേ്ഡ്‌ഗെ്ട്ടവാര്‌മ് എ്ണേവുഗാറാന്> എന്റ്‌മ് അവാര് അയാള്‌ന പറ്റി സൊന്റാര്. ആന ഒരുത്താന്‌ക്ക് സാമി കൊഡുത്ത ബുദ്ദിത്തെ ആയിന്തദാന അയാള് ഗേവ കാര്യാത്ത്‌ല് അദ്‌ന കാണ്‌ല.>>
എപസോസുഗാറാര് 2:2 - സാമി സേദി2 അയി ഗളിഗേല് നിമ്മ ഉലഗാത്ത്‌ല് ബേ്റെ ആള്‌ഗാള്‌ന പാസെ സാമി സൊല്ലുപഡിക്ക് നഡാക്കാദെ പെ്ളേത്തിന്ത്‌റ്. എന്ത്‌ക്കെന്റ് സൊന്ന സാമി സൊല്ലുപഡിക്ക് നഡാക്കാത്തവാര്‌ന ഇന്നാല്‌മ് നഡാത്തുവാദ് മാഗെലോഗന ആണ്ട്‌റ്‌ക്കുവ ഗരഗഗാള്‌ത്തെ. ഈ ഗരഗഗാള്‌ത്തെ മുന്നുക്കു നിമ്മ് പെ്ളേപ്പ്‌നാമ് നഡാത്തിന്താദ്. အခန်းကိုကြည့်ပါ။ |
എപസോസുഗാറാര് 2:2
64 ပူးပေါင်းရင်းမြစ်များ
നിമ്മ നിമ്മ് അപ്പാന് സെയിത്താന് എന്റവാന് പ്‌ള്ളഗാള്‌ത്തെ. അദ്‌നാലെ അയാള് ആസെപഡുവ കാര്യഗാള്‌നത്തെ നിമ്മ ഗേന്റ്‌റ്. അയാള് മുദാലിന്തെ കൊലെ ഗേന്തവാന്‌മ് സത്ത്യാക്ക് എ്ണേഗത്തവാന്‌മ്‌ത്തെ ആയിന്താന്. എന്ത്‌ക്കെന്റ് സൊന്ന, അയാളോഡ സത്ത്യ ഇല്ലെ. അയാള് പൊയി സൊല്ലുഗാട്ടി തനാക്കിര്‌ക്കുവ പൊയി സൊല്ലുവ പളാക്കാത്ത്‌ലിന്ത് സൊന്റാന്. എന്ത്‌ക്കെന്റ് സൊന്ന അയാള് പൊയി സൊന്റവാന്‌മ് എല്ലാ പൊയിഗാള്‌മ് അയാള്‌ലിന്ത്‌മ്‌ത്തെ ബരുവാദ്.
അദ്‌നാലെ ഒന്റു കാലാത്ത്‌ല് നിമ്മ സാമി സൊല്ലുപഡിക്ക് പെ്ളേക്കാദെ എഗുദാരല്ലാത്ത ജാദിഗാളായിന്ത്‌റ് എന്റ് നിമ്മ നെനേത്ത്‌ക്കൊള്ളുഡൊ. എന്ത്‌ക്കെന്റ് സൊന്ന തമ്മ് സരിഗലാത്ത്‌ല് പരിസേദനെ സാത്ത്‌റ ഗേന്തവാര് സാമി സൊല്ലുപഡിക്ക് നഡാക്ക്‌ന്റവാര് എന്റ്‌മ് പരിസേദനെ സാത്ത്‌റ ഗേഗാത്തവാര് സാമി സൊല്ലുപഡിക്ക് നഡാക്കാത്ത എഗുദാരല്ലാത്ത ജാദിഗാള് എന്റ്‌മ് ഇസ്‌റവേല്‌ഗാറാര് നെനേത്തിന്താര്.
സാമി സൊല്ലുപഡിക്ക് നഡാക്കാത്ത ആള്‌ഗാള് ഗേവ കാര്യഗാള്‌ന ഗേന്ത് കൊണ്ടു നിമ്മ മുന്നുക്കു പെ്ളേത്തിന്ത്‌റ്. അത്തെ പെ്ളേത്ത്‌റ്‌ക്കാട്ടി ബേസ്യാഡി നഡാക്കുവാദ്‌ല്‌മ്, ആസെപാഡ് പട്ട് നഡാക്കുവാദ്‌ല്‌മ്, ബോദേ്റുവ ജാദിഗാള്‌ന കുഡിക്കുവാദ്‌ല്‌മ്, കുഡിത്ത്‌കൂത്താഡി നഡാക്കുവാദ്‌ല്‌മ്, കൂട്ട കൂഡി കുഡിത്ത് പിര്യാക്കിക്കി നഡാക്കുവാദ്‌ല്‌മ്, കുമ്മുഡ ബേ്ഡ എന്റ് സൊല്ലിര്‌ക്കുവ സെലെന കുമ്മുഡുവ കാര്യാല്‌മ് നിമ്മ എഞ്ചോ കാല മദിമറാന്തിന്താദ് മദി.
അവാര് പെ്ണ്ണ്‌മക്കാള്‌ന കണ്ടദാന അവാരോഡ എ്ണേന്ത് ബേസ്യാഡി നഡാക്ക്യ ആസെപട്ട് നഡാക്ക്‌ന്റാര്. ഇത്തെ ഒപ്പ പാവ ഗേന്ത് നഡാക്കുവാദ് പറ്റ എന്റ് അവാര് പെ്ളേക്ക്‌ന്റാര്. ദൊഡ്ഡ നമ്പിക്കെ ഇല്ലാത്ത ആള്‌ഗാള്‌ന പാവ ഗേയ സിക്ക്‌സ്‌ന്റാര്. അവാര് ആസെപട്ട കാര്യ എത്തെ കെ്ഡേസുഡൊ എന്റ് അവാര് പഡിത്ത്‌ര്‌ന്റാര്. ഇത്തെ ഗേവാദ്‌നാലെ അവാര് സാമി സാപ്പാക്ക് സിക്കിര്‌ക്ക്‌ന്റാര്.
ကြော်ငြာတွေ