എപസോസുഗാറാര് 2:17 - സാമി സേദി

¹⁷ ഇത്തെ സാമ്യോഡ നിമ്മ്‌ദ്യായി പെ്ളേക്കുവ ഈ പുദ്യ മന്‌സാര് ജാദിക്ക് എ്ണേവ നല്ല സേദിന ക്‌റ്‌സ്‌ത്ത് കുരുസുലു സത്താദ്‌നാലെ നമാക്ക് സൊന്നാന്. സാമിപ്‌ള്ളെഗാള് എന്റ് സൊന്റവാര്‌ക്ക്‌മ് സാമിപ്‌ള്ളെഗാളല്ല എന്റ് സൊല്ലുവ അന്ന്യ ജാദിഗാള്‌ക്ക്‌മ് സൊല്ലുവ ഒന്റേ ഒന്റു സേദിത്തെ ഇദ്.

എപസോസുഗാറാര് 2:17 ပူးပေါင်းရင်းမြစ်များ

മത്തായി 10:13

അയി ബീ്ഡ്‌ലവാര് നിമാന സേത്ത്‌നദാന നിമാക്ക് ഇര്‌ക്കുവ നിമ്മ്‌ദി അവാര്‌ക്ക് ബരുഡൊ. അവാര് സേത്താദിന്തദാന നിമാക്ക് ഇര്‌ക്കുവ നിമ്മ്‌ദി നിമാക്ക് താനെ തിരിഗി ബരുഡൊ.

ലൂക്കോസു 15:8

<<ഒന്റൊരുത്തിക്ക് പത്ത് ബെ്ള്ളി പണ ഇര്‌ക്ക്‌ന്റ് എന്റ് ബെ്യ്‌ന്. അദ്‌ല് ഒന്റു പണ കാണദ്യാന അവാള് ബ്‌ളാക്ക്‌ന കത്തിസി അദ്‌ന കെ്ഡേസ മാട്ട്‌ക്ക് ബീ്ഡ്‌ന പൂര ഒഡുക്കിപഡിക്കി പരാക്കാദെ ഇര്‌ക്കുവാള?

ലൂക്കോസു 2:14

<<മേലോഗാത്ത്‌ലിര്‌ക്കുവ സാമിന മദ്‌സ്‌ന്റേമ്. സാമിക്ക് മെച്ച്‌പ്‌ഡിത്തവാര് ബൂമില് നിമ്മ്‌ദ്യോഡ ഇര്‌ക്കുവാര്.>>

അപ്പോസുത്തലാര് 10:36

എല്ലാ ആള്‌ഗാള്‌ത്ത്‌മ് ആണ്ടവാന് ആയിര്‌ക്കുവ ഏസ്സ് ക്‌റ്‌സ്‌ത്ത്‌ത്തെ നിമ്മ്‌ദി തരുവാദ്. ഏസ്സ് നിമ്മ്‌ദി തന്റവാന് എന്നുവ സേദി ഇസ്‌റവേല് ജനഗാള്‌ക്ക് സാമി കൊഡുത്താന് എന്റ് നിമാക്ക് തെരിവു.

അപ്പോസുത്തലാര് 2:39

സാമി തന്റെ എന്റ് സൊന്ന ഈ ദറ്‌മ്മ നിമാക്ക്‌മ് നിമ്മ് മക്കാള്‌മറിക്ക്‌മ് കെ്ഡേക്കു. ദൂര ദൂര ഇര്‌ക്ക്‌ന്റവാര്‌നാമ് നമ്മ് സാമി ആണ്ടവാന് തന്ന് പട്ട്‌ക്ക് ബ്‌ളിത്ത് ബരുസ്സുവാന്. അവാര്‌ക്ക്‌മ് ഈ ദറ്‌മ്മ കെ്ഡേക്കുവു.>>

റോമഗാറാര് 10:14

ആന അവാര് നമ്പാത്തവാന്‌ന എത്തെ ബേ്ണ്ടി കൊള്ളുവാര്? അവാര് കേ്ള്‌ക്കത്തവാന്‌ന എത്തെ നമ്പുവാര്? നായ സൊല്ലുന്റവാന് ഇല്ലാദെ എത്തെ കേ്ള്‌ക്കുവാര്?

റോമഗാറാര് 5:1

ഏസ്സ് ക്‌റ്‌സ്‌ത്ത്‌ന നമ്പ്‌നാദ്‌നാലെ നമ്മ സാമി കണ്ണ്‌ക്ക് നേര്‌മെഗാറാര് ആനാമ്. അത്തെ നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് ഗേന്ത കാര്യനാലെ സാമിമ് നമ്മാമ് രാജി കൂഡിര്‌ന്റാമ്.

2 കൊരിന്ത്യഗാറാര് 5:20

അത്തെ ക്‌റ്‌സ്‌ത്ത്‌ക്ക് ബേ്ണ്ടി നായ സൊല്ല്യ ക്‌റ്‌സ്‌ത്ത് തനാക്ക് ബദ്‌ലായി എമാന എ്ഡ്‌ത്ത് ബെത്ത്‌റ്‌ന്റാന്. അദ്‌നാലെ സാമ്യോഡ രാജി കൂഡുനു എന്റ് എമ്മ ക്‌റ്‌സ്‌ത്ത്‌ക്ക് ബേ്ണ്ടി നിമാന ബേ്ണ്ടി കൊള്ളുന്റേമ്.

എപസോസുഗാറാര് 4:21

പിന്നേഗൊ ഏസ്സ് എത്തെ സത്ത്യത്തോഡ പെ്ളേത്താനൊ അദേപാസെ പെ്ളേക്ക്യത്തെ നിമ്മ അയാള് പഡ്‌സ്‌ന കാര്യഗാള്‌ന കേ്ട്ട് പഡിത്താദ്.