എപസോസുഗാറാര് 2:14 - സാമി സേദി14-15 അദ് എത്തെന്റ് സൊന്നദാന സാമി ഇസ്‌റവേല്‌ഗാറാര്‌ക്ക് കൊഡുത്ത സട്ടഗാള്‌ക്ക്‌മ് കല്‌പനെഗാള്‌ക്ക്‌മ് നിമ്മ കെ്ട്ട്‌പട്ട് നഡാക്കാത്താദ്‌നാലെ നിമാക്ക് ഇന്നമാട്ട്‌ക്ക് സാമ്യോഡ എ്ണേവു ബെത്ത് നഡാക്ക്യ മുഡ്യാദെ നിമ്മാമ് സാമിമ് ആങ്കീങ്ക് പഗെഗാറാര് ആയിന്ത്‌റ്. അത്തെ ഗോഡെന പാസെ തഡെ ഇന്ത ഈ പഗെന ഏസ്സ് ക്‌റ്‌സ്‌ത്ത് മന്‌സാനായി ബന്ത് സത്താദ്‌നാലെ ഇല്ലദാറ്റ്. അദ്‌നാലെ ഏസ്സ് ക്‌റ്‌സ്‌ത്തോഡ എ്ണേന്ത് പുദ്യ മന്‌സാനായി സാമ്യോഡാമ് ഇസ്‌റവേല്‌ഗാറാരോഡാമ് രാജി കൂഡുവ ബാഗ്യ നിമാക്ക് കെ്ഡേത്ത്‌ദ്. အခန်းကိုကြည့်ပါ။ |
എപസോസുഗാറാര് 2:14
28 ပူးပေါင်းရင်းမြစ်များ
അദല്ലാദെ താനെ ഒന്റു സരിഗലാത്ത്‌ല് ഇര്‌ക്കുവ ഒന്റൊന്റു മൂട്ടുമുറിഗാള് ഒന്റുക്കൊന്റു മൂണ്ടു അദാദ് ഗിലാസ ഗേന്ത് അയി സരിഗലന എത്തെ ദൊഡ്ഡുസുന്റൊ അദേപാസെ ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ നമ്മൊട്ടുക്കുമു ആങ്കീങ്ക് സീവാന്‌ബെത്ത് അവനവാന് ഗിലാസഗാള്‌ന ഗേന്ത് നമ്മൊട്ടുക്കു സാമിക്കിര്‌ക്കുവ ഗുണ ഉള്ളവാരായി തീരുഡൊ.
അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.
സാമി ആസെപഡുവാദ്‌ന നിമ്മ ഗേയ ബേ്ണ്ടി നിമാക്ക് ബേ്ഡ്‌മാന എല്ലാ നല്ല കാര്യഗാള്‌നാമ് നിമ്മ്‌ദ്യായി ബെക്കുവ സാമി നിമാക്ക് തരുഡൊ എന്റ് നാന് പരേസ്‌ന്റെ. കൊറ്യാഡ്‌ഗാള്‌ത്ത് മുക്ക്യമാന മാട്ട്യാനാന നമ്മ് ആണ്ടവാന് ഏസ്സ്‌ന താന് സൂസുന സോരെനാലെ സാമി സത്തവാര് പട്ട്‌ലിന്ത് ഉജുര്‌ളാക്ക്‌നാന്. സാമി മന്‌സാരോഡ ബെത്ത എന്നാല്‌ക്ക്‌മ് ഇര്‌ക്കുവ ഒപ്പന്ത അയി സോരെന ബെത്ത്‌ത്തെ നഡാക്ക്യ പ്‌ഡിത്താദ്. അയി സാമി ഏസ്സ് ക്‌റ്‌സ്‌ത്ത്‌ന ബെത്ത് തനാക്ക് മെച്ച്‌പ്‌ഡിത്താദ്‌ന നിമ്മ് മനേസ്സ്‌കുള്ളുക്കു ഗേഡൊ എന്റ്‌മ് നാന് പരേസ്‌ന്റെ. അയാള്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.
ကြော်ငြာတွေ