എപസോസുഗാറാര് 2:12 - സാമി സേദി12 അദേപാസെ നിമ്മ സാമി സൊല്ലുപഡിക്ക് പെ്ളേക്കാദിന്ത കാലാത്ത്‌ല് നിമ്മ് പെ്ളേപ്പ്‌ല് ക്‌റ്‌സ്‌ത്ത് ഇര്‌ക്കാലെ. അദ്‌നാലെ സാമിപ്‌ള്ളെഗാള് എന്നുവ മദ്‌പ്പിര്‌ക്കുവ ഇസ്‌റവേല്‌ഗാറാര്‌ക്ക് എ്ണേയ മുഡ്യാദെ അന്ന്യ ജാദിഗാളായി ഇന്ത്‌റ്. അയി ഗളിഗേല് സാമി ഇസ്‌റവേല്‌ഗാറാരൊപ്പ ബെത്ത ഒപ്പന്തനാമ് സാമി കൊഡുത്ത ബാക്ക്‌നാമ് നിമ്മ നമ്പാലെ. സാമിക്ക്‌മ് നിമാക്ക്‌മ് എ്ണേവില്ലാദേമ് ഇന്ത്‌ദ്. အခန်းကိုကြည့်ပါ။ |
എപസോസുഗാറാര് 2:12
51 ပူးပေါင်းရင်းမြစ်များ
സാമി നിമാക്ക് തരുവ ബാക്ക്‌വരഗാള്‌ന തന്ന് ദാസ്‌ഗാള് കയിക്ക് കൊഡുത്താന്. സാമിമ് നിമ്മ് പാട്ടനാമ്‌മ് തമ്മ ആങ്കീങ്ക് ബാക്ക് കൊഡുത്തിന്താര്. അദ്‌ക്കെല്ല നിമ്മ സൊന്തഗാറാര്‌ത്തെ. സാമി അവുറഗാമ്‌ക്ക്, <ബൂമില് ഇര്‌ക്കുവ ആള്‌ഗാള്‌ക്ക് ഒട്ടുക്കു നല്ലാദ് കെ്ഡേക്കുവാദ് നിന്ന് കാല്‌കെ്ളെ കയിലിന്ത്‌ത്തെ> എന്റ് സാമി അവുറഗാമ്‌ക്ക് സൊല്ലിര്‌ക്ക്‌ന്റാനല്ല?
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
ക്‌റ്‌സ്‌ത്ത് ഏസ്സ്‌ന നമ്പുവാദ്‌നാലെ എനാക്ക് സൊന്ത മഗാനായിര്‌ക്കുവ തിമിത്തോസെ, നമാന കാപാറ്റുവ സാമിമ്, നമ്മ നെഞ്ചഡെ ബെത്ത്‌റ്‌ക്കുവ ക്‌റ്‌സ്‌ത്ത് ഏസ്സ്‌മ് തന്ത അദിഗര കണാക്ക്‌ല് ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.
ആന ക്‌റ്‌സ്‌ത്ത്‌ക്ക് കെ്ഡേത്ത്‌റ്‌ക്കുവ പൂസാരി ഗിലാസ ബേ്റെ പൂസാരിഗാള്‌ക്ക് കൊഡുത്തിന്താദ്‌ന ബ്‌ഡ എത്ത്‌റാഗോ ദൊഡ്ഡാദ്‌ത്തെ. അദേപാസെ സാമിനാമ് മന്‌സാര്‌ഗാള്‌നാമ് എ്ണേത്ത് ക്‌റ്‌സ്‌ത്ത് ബെത്ത പുദ്യ ഒപ്പന്ത പള്യാദ്‌ന ബ്‌ഡ എത്ത്‌റാഗോ മ്‌ഗ്‌ന്താദ്‌ത്തെ. മ്‌ഗ്‌ന്ത നല്ല കാര്യഗാള്‌ന തരുവെ എന്റ് സാമി ബാക്ക് തന്ത് കൊണ്ടുത്തെ ഈ പുദ്യ ഒപ്പന്ത ബെത്താദ്.
നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്.
ആണ്ടവാനാന ക്‌റ്‌സ്‌ത്ത്‌ന നിമ്മ് മനേസ്സ്‌ല് മദ്‌സുഡൊ. നിമാക്കിര്‌ക്കുവ നെഞ്ചഡെന പറ്റി കേ്ള്‌വി കേ്ള്‌ക്ക്‌ന്റവാരോഡെല്ല തണിമോഡാമ് മര്യാദോഡാമ് ബദ്‌ല് സൊല്ല്യ നിമ്മ ഏദ്‌ഗളിഗേമ് ഒരിങ്കിര്‌ക്കുഡൊ. ക്‌റ്‌സ്‌ത്ത് സൊല്ലുപഡിക്ക് പെ്ളേക്കുവാദ്‌നാലെ നിമ്മ ഗേവ നല്ല കാര്യഗാള്‌ന പറ്റി കുറ്റ സൊന്റവാര് തമ്മ സൊന്ന കുറ്റന നെനേത്ത് നാണഗെ്ട്ട് പോയ ബേ്ണ്ടി നിമ്മ് മനേസ്സ് സുത്താപ്പുള്ളാദ് ആയിര്‌ക്കുഡൊ.
ကြော်ငြာတွေ