എപസോസുഗാറാര് 2:10 - സാമി സേദി10 ആന ക്‌റ്‌സ്‌ത്ത് ഏസ്സ് നല്ല കാര്യഗാള് ഗേന്ത പാസെ നമ്മാമ് നല്ല കാര്യഗാള് ഗേയ ബേ്ണ്ടിത്തെ ക്‌റ്‌സ്‌ത്ത് ഏസ്സോഡൊപ്പ സാമി നമാനാമ് പുദ്യ മന്‌സാര് മാഡ്‌നാദ്. ഇത്തെ നമ്മ നല്ല കാര്യഗാള് ഗേന്ത് പെ്ളേക്കുഡൊ എന്റ് സാമി മുദാല് താനെ നെനേത്തിന്താന്. အခန်းကိုကြည့်ပါ။ |
എപസോസുഗാറാര് 2:10
58 ပူးပေါင်းရင်းမြစ်များ
ഓപ്പാല് തവീദ എന്നുവ ഒന്റു ഏസ്സ് സൊല്ലുപഡി നഡാക്ക്‌ന്റവാള് ഇന്തിന്താള്. (തവീദ എന്നുവ പേര്‌ക്ക് എവന നായാത്ത്‌ല് <<ദോറുക്കാസ്>> എന്റ്‌ത്തെ സൊല്ലുവാദ്. <<ഒന്റു കഡാവെ>> എന്റ്‌ത്തെ ഇദ്‌ക്ക് അര്‌ത്ത). അവാള് എഞ്ച്‌ക്കൊ നല്ലാദ് ഗേന്തിന്താള്. അദേപാസെ ഒന്റുമു ഇല്ലത്തവാര്‌ക്ക് എഞ്ച്‌ക്കൊ ദറ്‌മ്മാമ് ഗേന്തിന്താള്.
അദ് എത്തെന്റ് സൊന്ന, ഇന്നാല് ഏസ്സ് ക്‌റ്‌സ്‌ത്ത്‌ന നമ്പി ഒന്റായി പെ്ളേക്ക്‌ന്റവാര്‌ന സാമി ഉലഗാന ഉണ്ടാക്കാത്ത മുദാലെ തെരിന്തെ്ഡ്‌ത്താന്. സാമി കണ്ണ്‌ക്ക് കുറ്റകൊറേവു ഇല്ലത്തവാര് ആയിര്‌ക്ക്യ ബേ്ണ്ടിമ് സാമിക്ക് പട്ടവാര് ആയിര്‌ക്ക്യ ബേ്ണ്ടിമ്‌ത്തെ അവാര്‌ന അത്തെ തെരിന്തെ്ഡ്‌ത്താദ്. സാമി സീവാന്‌ബെത്ത്‌റ്‌ക്കുവാദ്‌നാലെ
നല്ല കാര്യഗാള് ഗേന്ത് പേരെ്ഡ്‌ത്തവാള്‌മ് ആയിര്‌ക്കുഡൊ. അയി നല്ല കാര്യഗാള് എന്നുവാദ് മക്കാള്‌ഗാള്‌ന സൊക്കാന നോഡിന്താദ്‌മ്, നട്ടാരുട്ടാര്‌ന പേര്‌ഗെ്ളേത്തിന്താദ്‌മ്, ഏസ്സ്‌ഗാറാര് കാല്‌ന കച്ചിന്താദ്‌മ്, കജട്ടാത്ത്‌ലിന്തവാര്‌ന കയിതാങ്കിന്താദ്‌മ്, പല ദിന്‌സ്‌ല് ആള്‌ഗാള്‌ന കയിതാങ്കി കൊണ്ടേ ഇന്താദ്‌മ്‌ത്തെ.
അദേപാസെ ഒന്റൊരുത്താന് എല്ലാ കെ്ട്ട കാര്യഗാള്‌നാമ് തെ്റിന്ത് തള്ളി കവാഡില്ലാത്തവാന് ആനദാന അയാള്‌ന നല്ല കാര്യഗാള്‌ക്ക് ബേ്ണ്ടി സാമി എ്ഡ്‌ത്ത് ബെക്കുവാന്. എന്ത്‌ക്കെന്റ് സൊന്ന അയാള് അയി കാര്യാക്ക് ബേ്ണ്ടി തെരിന്തെ്ഡ്‌ത്ത് ബെത്ത്‌റ്‌ന്റവാന്‌മ്, എല്ലാ കാര്യഗാള്‌ല്‌മ് പണ്ണാഡിക്ക് ഉവഗരപഡ്‌ന്റവാന്‌മ്, എല്ലാ നല്ല ഗിലാസാമ് ഗേയ ഒരുങ്കിര്‌ന്റവാന്‌മ്‌ത്തെ.
ကြော်ငြာတွေ