എപസോസുഗാറാര് 1:7 - സാമി സേദി7 സാമി നമാക്ക് ഗേന്ത പ്‌ണ്ണ്യ എത്ത്‌റ ദൊഡ്ഡാദെന്റ് കാട്ടി തര്യ ബേ്ണ്ടി ക്‌റ്‌സ്‌ത്ത് തനാന താനെ സോരെ പലി കൊഡുത്തു നമ്മ് പാവാന തീത്ത് തന്താന്. അത്തെ സാമി നമാന അളിന്ത് പോവ പെ്ളേപ്പ്‌ലിന്ത് തിരിക്കി എ്ഡ്‌ത്താന്. အခန်းကိုကြည့်ပါ။ |
എപസോസുഗാറാര് 1:7
67 ပူးပေါင်းရင်းမြစ်များ
ക്‌റ്‌സ്‌ത്ത് ഏസ്സ്‌ന നമ്പ്‌ന്റവാര്‌ക്ക് അയാള് സൂസുന സോരെനാലെ തപ്പ് കെ്ട്ടി പാവ തീര്യ ബേ്ണ്ടി സാമി അയാള്‌ന എല്ലാര്‌ക്ക് ബേ്ണ്ടി ഒപ്പ്‌സി കൊഡുത്ത്‌റ്‌ന്റാന്. താന് നേര്‌മെഗാറാന് എന്റ് കാട്ട്യ ബേ്ണ്ടിത്തെ സാമി അത്തെ ഗേന്ത്‌റ്ക്കുവാദ്. എന്ത്‌ക്കെന്റ് സൊന്ന തനാക്കിര്‌ക്കുവ പൊറിമേല് അവാര് മുന്നുക്കു ഗേന്ത പാവഗാള്‌ന പൊറുത്തു തന്താനല്ല.
സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.
ആന അളാവുക്കു മീ്റി സീവാന് പട്ട സാമി തന്ന് സൊല്ലുപഡിക്ക് നഡാക്കാദെ പാവ ഗേന്ത് കൊണ്ടു സത്തവാര്‌ന പാസെ ആയിന്ത നമാന ക്‌റ്‌സ്‌ത്തോഡൊപ്പ ഉജുരുളാക്ക്‌നാന്. സാമി നമാക്ക് പ്‌ണ്ണ്യ ഗേന്ത് സാമി മൊനേക്ക് ആളായിന്ത നമാന അദ്‌ലിന്ത് കാപാറ്റ്‌നാന്. അദ്‌നാലെ സാമി നമ്മോഡ ബെത്തിന്ത മൊനേന ബ്‌ഡ സാമി നമാന പട്ട ഗവാത്തെ എത്ത്‌റാഗോ ദൊഡ്ഡാദ്.
എന്ത്‌ക്കെന്റ് സൊന്ന നിമ്മ ഗേവ പാവഗാള്‌ന അഡ്യോഡ പ്‌ഡിങ്കി തള്ളാദെ പെ്ളേത്ത പെ്ളേപ്പ്‌ല് സാമി കണ്ണ്‌ക്ക് നിമ്മ സത്തവാര്‌ന പാസെ ഇന്ത്‌റ്. ആന നിമ്മ ഗേവ പാവഗാള്‌ക്ക് ബേ്ണ്ടി ഏസ്സ് തന്ന് സാവുനാലെ ഗേന്താദ്‌ന നിമ്മ നമ്പ്‌ഗാട്ടി നിമ്മ ഗേവ പാവഗാള്‌ക്ക് പൊറിമെ കെ്ഡേത്ത് ക്‌റ്‌സ്‌ത്തോഡ നിമ്മ ഉജുര്‌ളാഗ്‌ന്റ്‌റ്.
ഇവാര് പെ്ണ്ണ്‌മക്കാളോഡ ഉറാങ്കി തമാന കെ്ഡ്‌സാദെ കന്നി പെ്ണ്ണ്‌ഗാള്‌ന പാസെ ഇന്താര്. അവാര് കൊറ്യാഡ് കുട്ടി പിന്ന്‌മേലെ അദ് പോവ സാര്യെല്ല പോന്റാര്. മന്‌സാര്‌ഗാള്‌ലിന്ത് ബെലേക്ക് ബാങ്ക്‌നവാര്‌മ് അറ്‌ക്കാട്ടി മുദാല് കെ്ഡേക്കുവ ബെ്ള്ളാമെന സാമിക്ക് കൊഡുക്കുവ പാസെ സാമിക്ക്‌മ് കൊറ്യാഡ് കുട്ടിക്ക്‌മ് കൊഡുത്തവാര്‌മ്‌ത്തെ ഇവാര്.
അവാര് പുദ്യ ഒന്റു പാട്ട് പാഡ്‌നാര്, <<ബൊക്കുന എ്ഡ്‌ക്ക്യാമ് മുദ്ദുറെഗാള്‌ന പൊട്ടിസ്യാമ് തഗ്‌ദ്യുള്ളവാന് നീത്തെ. എന്ത്‌ക്കെന്റ് സൊന്ന നിനാന അറ്‌ത്ത് കൊന്റാര്. എല്ലാ കുലഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ ജാദിഗാള്‌ലിന്ത്‌മ് ആള്‌ഗാള്‌ന നീ സാമിക്ക് ബേ്ണ്ടി നിന്ന് സോരെന കൊഡുത്തു ബാങ്ക്യെ്ഡ്‌ത്തായി.
ကြော်ငြာတွေ