എപസോസുഗാറാര് 1:4 - സാമി സേദി4 അദ് എത്തെന്റ് സൊന്ന, ഇന്നാല് ഏസ്സ് ക്‌റ്‌സ്‌ത്ത്‌ന നമ്പി ഒന്റായി പെ്ളേക്ക്‌ന്റവാര്‌ന സാമി ഉലഗാന ഉണ്ടാക്കാത്ത മുദാലെ തെരിന്തെ്ഡ്‌ത്താന്. സാമി കണ്ണ്‌ക്ക് കുറ്റകൊറേവു ഇല്ലത്തവാര് ആയിര്‌ക്ക്യ ബേ്ണ്ടിമ് സാമിക്ക് പട്ടവാര് ആയിര്‌ക്ക്യ ബേ്ണ്ടിമ്‌ത്തെ അവാര്‌ന അത്തെ തെരിന്തെ്ഡ്‌ത്താദ്. സാമി സീവാന്‌ബെത്ത്‌റ്‌ക്കുവാദ്‌നാലെ အခန်းကိုကြည့်ပါ။ |
എപസോസുഗാറാര് 1:4
55 ပူးပေါင်းရင်းမြစ်များ
നിമ്മ എനാന തെരിന്തെ്ഡ്‌ക്കാലെ, നാന്‌ത്തെ നിമാന തെരിന്തെ്ഡ്‌ത്ത്‌റ്‌ക്കുവാദ്. നിമ്മ പോയി കായി ബ്‌ഡ്യാമ് അയി ബ്‌ഡുവ കായി എന്നാല്‌ക്ക്‌മ് കൊട്ടാദിര്‌ക്ക്യാമ് ബേ്ണ്ടി നാന് നിമാന എ്ഡ്‌ത്ത് ബെത്ത്‌റ്‌ക്ക്‌ന്റെ. അന്നാപ്പ് നിമ്മ എന്ന് പേര്‌ല് അപ്പാന് സാമ്യോഡ കേ്ള്‌ക്കുവാദ്‌ന ഒട്ടുക്കുമു അയാള് നിമാക്ക് തരുവാന്.
ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ.
അത്തെ ഗേന്തദാന കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല്‌മ് കവാഡില്ലാത്തവാരായിമ് കുറ്റകൊറേവു കാണ്യ മുഡ്യാത്ത സാമി മഗാനാര്‌മഗളാരായിമ് നിമാന കാണ്യ മുഡിമ്. എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന സൊല്ലുവ നല്ല സേദിക്ക് നിമ്മ കെ്ട്ട്‌പട്ട് നഡാക്ക്‌ന്റ്‌റല്ല. അത്തെ ഇര്‌ക്കുവ നിമ്മ ബാന്‌ല് പൊരിന്ത്‌റ്‌ക്കുവ ബെ്ള്ളിഗാള്‌ന പാസെ കേ്ഡ്‌ഗെ്ട്ട് പാവ ഗേന്ത് നഡാക്ക്‌ന്റവാര് പട്ട്‌ല് ബെ്ള്‌സഗാളായി ഇര്‌ക്ക്‌ന്റ്‌റ്. അത്തെ നാന് കജട്ടപട്ടാദ്‌മ് പാഡ്‌പട്ടാദ്‌മ് ബെ്റ്‌ദാഗാലെ എന്റ് ക്‌റ്‌സ്‌ത്ത് തിരിഗി ബരുവ നാള്‌ല് എനാക്ക് നിമാന പറ്റി പെരിമെപഡ്യ മുഡിമ്.
സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.
അപ്പാന് സാമി മുന്നുക്കെ തെരിന്തിന്ത പാസെ സാമിനിഗാല്‌ന ബെത്ത് സാമിക്ക് പട്ടവാര് മാഡ്‌നവാര്‌മ് അയാള് സൊല്ലുപഡിക്ക് ഇര്‌ക്ക്യ ബേ്ണ്ടി ഏസ്സ് ക്‌റ്‌സ്‌ത്ത് സോരെന തളിത്ത് സുത്താപ്പുള്ളവാര് മാഡ്‌നവാര്‌മ്‌ത്തെ നിമ്മ. നിമാക്ക് സേത്തി സേത്തി സാമി പ്‌ണ്ണ്യാമ് കെ്ഡേക്കുഡൊ, നിമ്മ നല്ല നിമ്മ്‌ദ്യായിമ് ഇര്‌ക്കുഡൊ.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
നീ കണ്ട ബേ്ണ്ട് എന്നുവാദൊ മുന്നുക്കു ഇന്താദ്‌മ് ആന ഇന്നാല് ഇല്ലാത്താദ്‌മ്‌ത്തെ. അഡി അറ്റ ഇല്ലാത്ത കുയിലിന്ത് ഇന്നി ഏ്റി ബന്ത് അള്യ പോവാദ്‌മ്‌ത്തെ. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു ഉലഗാന ഉണ്ടാക്കുവാദ്‌ക്ക് മുദാല് താനെ പേര് എ്ള്‌ദാത്ത ബൂമില് ഇര്‌ക്കുവ ആള്‌ഗാള് മുദാല് ഇന്താദ്‌മ് ഇന്നാല് ഇല്ലത്താദ്‌മ് ഇന്നി ബര്യ പോവാദ്‌മ് ആന അയി ബേ്ണ്ട്‌ന കണ്ട് അദിസ്യപഡുവാര്.
ကြော်ငြာတွေ