എപസോസുഗാറാര് 1:21 - സാമി സേദി

²¹ അത്തെ മാഗെലോഗനാമ് ബൂലോഗനാമ് ആള്‌ന്റവാര്‌ക്ക് ഇര്‌ക്കുവ അദിഗരഗാള്‌ക്ക്‌മ് എല്ലാ ലോഗാത്ത്‌ല് പേരെ്ഡ്‌ത്തവാര്‌ക്ക് ഇര്‌ക്കുവ അദിഗരഗാള്‌ക്ക്‌മ് ഇന്നാലിര്‌ക്കുവ ഉലഗാക്ക്‌മ് ഇന്നി ബരുവ ഉലഗാക്ക്‌മ് ഇര്‌ക്കുവ അദിഗരഗാള്‌ക്ക് ബ്‌ഡ ദൊഡ്ഡ അദിഗര സാമി ഏസ്സ്‌ക്ക് കൊഡുത്താന്.

എപസോസുഗാറാര് 1:21 ပူးပေါင်းရင်းမြစ်များ

മത്തായി 12:32

ആരാറ്റ മന്‌സാനായി പ്‌റാന്തവാന്‌ന പറ്റി കുറ്റ സൊന്നദാന അദ്‌ക്ക് പൊറിമെ കെ്ഡേക്ക്‌മ്. ആന സാമിനിഗാല്‌ന പറ്റി കുറ്റ സൊന്നദാന ഈ ഉലഗാത്ത്‌ല്‌മ് ബര്യ പോവ ഉലഗാത്ത്‌ല്‌മ് അവാന്‌ക്ക് പൊറിമെ കെ്ഡേക്കഗേമാട്ട.>>

അപ്പോസുത്തലാര് 4:12

ഏസ്സ് താനെത്തെ മന്‌സാന്‌ന കാപാറ്റ്‌ന്റവാന്, നമാന കാപാറ്റ്യ സാമി അയാള്‌ന അല്ലാദെ ബേ്റെ ആര്‌നാമ് ഉലഗാക്ക് സൊല്ലി ബ്‌ഡാലെ.>>

എപസോസുഗാറാര് 2:2

അയി ഗളിഗേല് നിമ്മ ഉലഗാത്ത്‌ല് ബേ്റെ ആള്‌ഗാള്‌ന പാസെ സാമി സൊല്ലുപഡിക്ക് നഡാക്കാദെ പെ്ളേത്തിന്ത്‌റ്. എന്ത്‌ക്കെന്റ് സൊന്ന സാമി സൊല്ലുപഡിക്ക് നഡാക്കാത്തവാര്‌ന ഇന്നാല്‌മ് നഡാത്തുവാദ് മാഗെലോഗന ആണ്ട്‌റ്‌ക്കുവ ഗരഗഗാള്‌ത്തെ. ഈ ഗരഗഗാള്‌ത്തെ മുന്നുക്കു നിമ്മ് പെ്ളേപ്പ്‌നാമ് നഡാത്തിന്താദ്.

എപസോസുഗാറാര് 3:10

ഏസ്സ്‌ഗാറാര് കൂട്ടായി പെ്ളേക്കുവ നമാന ബെത്ത് ഇന്നമാട്ട് സൊല്ലാദെ ബെത്തിന്ത സാമിക്കിര്‌ക്കുവ ഈ അറുവു എത്ത്‌റ ദൊഡ്ഡാദെന്റ് മാഗെലോഗന ആളുവ കെ്ട്ട നിഗാല്‌ഗാള്‌ക്ക് സാമി കാട്ടി കൊഡുത്താന്.

എപസോസുഗാറാര് 6:12

എത്തെന്റ് സൊന്ന നമ്മ ജുദ്ദ ഗേവാദ് മന്‌സാരോഡല്ല. അദ്‌ക്ക് ബദ്‌ല കണ്ണ്‌ക്ക് കാട്ടാത്ത സെയിത്താന് പട്ടളഗാളോഡാമ് അവാര്‌ക്കിര്‌ക്കുവ അദിഗരഗാളോഡാമ് മാഗേലിന്ത് കൊണ്ടു തമാക്കിര്‌ക്കുവ ഏമാത്തുവ സക്‌തില് ഈ ഉലഗാന നഡാത്തി ബന്റവാരോഡാമ്‌ത്തെ ജുദ്ദ ഗേയ ഇര്‌ക്കുവാദ്.

കൊലേസ്യഗാറാര് 2:10

എല്ലാ സക്‌തിക്ക്‌മ് അദിഗരഗാള്‌ക്ക്‌മ് തലെ ആയിര്‌ക്കുവ ക്‌റ്‌സ്‌ത്ത്‌ക്ക് നിമ്മ എ്ണേന്താദ്‌നാലെ അയാള് കയിലിന്ത് നിമാക്ക് ബേ്ഡ്‌മാന എല്ലാ അറുവുഗാള്‌മ് കെ്ഡേക്ക്‌ന്റ്.

കൊലേസ്യഗാറാര് 2:15

ഏസ്സ് അത്തെ ഗേന്താദ്‌നാലെ നമാന കുറ്റഗാറാര് മാഡുവ സട്ടഗാള്‌ന ബെത്ത് ദെ്ണ്ടിക്ക്യ ഒരിങ്കിന്ത മാഗെ ലോഗാത്ത്‌ല എല്ലാ അദിഗാരിഗാള്‌നാമ് ആള്‌ന്റവാര്‌നാമ് തന്ന് കാല്‌കഡി മാഡി താന് ഗെലിസി കഡാന്ത് അവാര്‌ന നാണഗെ്ഡ്‌സ്‌നാന്.

എവുറായാര് 1:4

അത്തെ സാമി അയാള്‌ക്ക് ദൂദാര്‌ഗാള്‌ന ബ്‌ഡ ഉജാന്ത പേര് ബെത്ത്‌റ്‌ക്കുവ പാസെ അയാള് ദൂദാര്‌ഗാള്‌ന ബ്‌ഡ ദൊഡ്ഡവാന് ആനാന്.

എവുറായാര് 2:5

നമ്മ നായനൊഡിന്ത് കൊണ്ട്‌റ്‌ക്കുവ ബര്യ പോവ ഉലഗാന ആള്‌ന്റവാരായി ദൂദാര്‌ഗാള്‌ന സാമി എ്ഡ്‌ത്ത് ബെക്കാലെ.

എവുറായാര് 4:14

സാമി പട്ട്‌ക്ക് ഏ്റി പോന മുക്ക്യമാന ഒന്റു ദൊഡ്ഡ പൂസാരി നമാക്ക് ഇര്‌ക്ക്‌ന്റാന്. അദ് സാമിമഗാന് ഏസ്സ്‌ത്തെ. അദ്‌നാലെ നമ്മ നമ്പ്‌ന്റെ എന്റ് സൊല്ലുവാദ്‌ല് ഒറേത്ത് നില്ലുഡൊ.

1 പത്ത്‌റോസു 3:22

അയാള് മേലോഗാക്ക് പോയി സാമി ബല സാരി ഇര്‌ക്ക്‌ന്റാന്. ദൂദാര്‌ഗാള്‌മ് അദിഗരഗാള്‌മ് സക്‌തിഗാള്‌മ് അയാള് കാല്‌കഡി ആയിര്‌ക്ക്‌ന്റാര്.