എപസോസുഗാറാര് 1:14 - സാമി സേദി

¹⁴ അത്തെ നമാന സാമിനിഗാല്‌ല് അഡ്യാള ബെത്ത് നമ്മ സാമിപ്‌ള്ളെഗാള് എന്റ് ഒറേപ്പ് മാഡ്‌നാന്. നമ്മ സാമിക്ക് സൊന്ത പ്‌ള്ളെഗാളായി നമ്മ സാമിന ദൊഡ്ഡവാനെന്റ് പെരിമെപഡിസ്യ ബേ്ണ്ടി അളിന്ത് പോവ പെ്ളേപ്പ്‌ലിന്ത് സാമി നമാന തിരിക്കി എ്ഡ്‌ത്താന്.

എപസോസുഗാറാര് 1:14 ပူးပေါင်းရင်းမြစ်များ

ലൂക്കോസു 21:28

ഇദ്‌ഗാളെല്ല നഡാക്ക്യ പ്‌ഡിക്കാട്ടി നിമ്മ ഇ്ളാഗി അണ്ണാന്ത് നോഡുനു. എന്ത്‌ക്കെന്റ് സൊന്ന സാമി നിമാന കാപാറ്റുവ കാല നെര്‌ങ്ക്‌റ്റ്.>>

അപ്പോസുത്തലാര് 20:28

നിമ്മ നിമാന താനേമ് സൂസാരിത്ത് സാമിനിഗാല് നോഡി നഡാത്ത്യ ബേ്ണ്ടി നിമാക്ക് തന്ത്‌റ്‌ക്കുവ ആള്‌ഗാള്‌നാമ് നിമ്മ പാദ്‌ഗാക്കുഡൊ. ആഡ്‌മേസ്‌ന്റവാന് തന്ന് ആഡ്‌ഗാള്‌ന നോഡുവ പാസെ സാമി തന്ന് സൊന്തമഗാന് ഉജുരുന കൊഡുത്തു ബാങ്കിര്‌ക്കുവ ഏസ്സ്‌ഗാറാര് കൂട്ടന നിമ്മ നോഡി നഡാത്തുഡൊ.

അപ്പോസുത്തലാര് 20:32

സാമി നിമാന നോഡി നഡാത്ത്യ ബേ്ണ്ടി സാമി കയിക്ക്‌മ് നിമാക്ക് പ്‌ണ്ണ്യ കെ്ഡേക്കുവ തന്ന് നല്ല സേദിക്ക്‌മ് നാന് ഇന്നാല് നിമാന ഒപ്പുസുന്റെ. അത്തെ സാമിക്ക് ബേ്ണ്ടി പെ്ളേക്ക്യ നിമാക്ക് ബില കെ്ഡേക്ക്‌മ്. അദല്ലാദെ സാമി തന്ന് ആള്‌ഗാള്‌ക്ക് ഒട്ടുക്കു നല്ലാദ്‌ന കൊഡുക്കുവ പാസെ നിമാക്ക്‌മ് നല്ലാദ്‌ന തരുവാന്.

റോമഗാറാര് 8:23

സാമിനിഗാല് എന്നുവ ദാനന മുദാല് കെ്ഡേസിര്‌ക്കുവ നമ്മാമ് അളിവിര്‌ക്കുവ ഈ സരിഗലാത്ത്‌ലിന്ത് തപ്പിസി കഡാന്ത് സാമി മഗാനാര്‌മ് മഗളാര്‌മ് ആയ ബേ്ണ്ടി കാത്ത്‌കൊണ്ടു മനേസ്സ്‌കുള്ളുക്കു മുട്ടുമുട്ടുത്തു കൊണ്ടു ഇര്‌ക്ക്‌ന്റാമ്.

1 കൊരിന്ത്യഗാറാര് 1:30

സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.

2 കൊരിന്ത്യഗാറാര് 1:22

നമ്മ സാമിക്ക് സൊന്തഗാറാര് എന്റ്‌മ് നമാക്ക് ബേ്ണ്ടി സാമി സേത്തി ബെത്ത്‌റ്‌ക്കുവാദ് ഒട്ടുക്കു നമാക്ക് കെ്ഡേക്ക്‌മ് എന്റ്‌മ് ഒറേപ്പ് മാഡ്യ ബേ്ണ്ടി സാമി തന്ന് നിഗാല്‌ന അഡ്യാളായി മുദാല് താനെ നമ്മ് മനേസ്സ്‌ക്ക് തന്ത്‌റ്‌ന്റാന്.

2 കൊരിന്ത്യഗാറാര് 5:5

സാമിത്തെ ഇദ്‌ക്ക് ബേ്ണ്ടി എമാന ഒരിക്കി എ്ഡ്‌ത്താദ്. സാമി അദ് എമാക്ക് ബേ്ണ്ടി ഗേന്ത് തരുവാന് എന്നുവ ഒറേപ്പ്‌ക്ക് ബേ്ണ്ടി തന്ന് നിഗാല്‌ന എമാക്ക് തന്ത്‌റ്‌ന്റാന്.

ഗലാത്ത്യഗാറാര് 4:6

നിമ്മ തന്ന് പ്‌ള്ളെഗാള് ആനാദ്‌നാലെ സാമി തന്ന് മഗാന് നിഗാല്‌ന നമ്മ് മനേസ്സ്‌കുളാക്ക് സൊല്ലി ബ്‌ട്ട്‌റ്‌ന്റാന്. അയി നിഗാല് നമ്മ് മനേസ്സ്‌ലിര്‌ക്കുവാദ്‌നാലെ നമാക്ക് സാമിന അപ്പാ, എന്നപ്പാ, എന്റ് ബ്‌ളിക്ക്യ മുഡിന്റ്.

എപസോസുഗാറാര് 1:11

അയി ക്‌റ്‌സ്‌ത്ത്‌ന ബെത്ത്‌ത്തെ തന്ന് പ്‌ള്ളെഗാള് എന്നുവ ഉരിമെന സാമി നമാക്ക് തന്ത്‌റ്‌ക്കുവാദ്. ഇത്തെ ഗേയ തനാക്കിര്‌ക്കുവ അളാവുക്കു മീ്റ്‌ന ബുദ്ദില് സാമി മുദാല് താനെ നെനേത്ത് ബെത്തിന്താന്. അയി സാമി താന് നെനേത്ത് ബെത്ത്‌റ്‌ക്കുവ പാസെത്തെ ഈ എല്ലാ കാര്യഗാള്‌നാമ് നഡാത്തി ബരുവാദ്.

എപസോസുഗാറാര് 1:12

അദേപാസെ എല്ലാവാര്‌ക്ക് ബ്‌ഡ മുദാല് ക്‌റ്‌സ്‌ത്ത്‌ന നമ്പിര്‌ക്കുവ ഇസ്‌റവേല്‌ഗാറാര് ആയിര്‌ക്കുവ നമ്മ സാമിന പാഡി പെരിമെപഡുസുഡൊ എന്നുവാദ്‌നാമ് സാമി മുദാല് താനെ നെനേത്ത് ബെത്തിന്താന്.

എപസോസുഗാറാര് 4:30

അത്തെ സൊല്ലാദെ നഡാന്തദാന എന്നാല്‌ക്ക്‌മ് അളിന്ത് പോവ പെ്ളേപ്പ്‌ലിന്ത് നിമാന പാദ്‌ഗാക്കുവ സാമിനിഗാല്‌ന നിമ്മ ദുക്കപഡുസുവുറു. എന്ത്‌ക്കെന്റ് സൊന്ന സാമിനിഗാല്‌ല്‌ത്തെ സാമിക്ക് നിമ്മ സൊന്തഗാറാരെന്റ് അഡ്യാള ബെത്ത്‌റ്‌ക്കുവാദ്.

1 പത്ത്‌റോസു 2:9

നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.