എപസോസുഗാറാര് 1:12 - സാമി സേദി

¹² അദേപാസെ എല്ലാവാര്‌ക്ക് ബ്‌ഡ മുദാല് ക്‌റ്‌സ്‌ത്ത്‌ന നമ്പിര്‌ക്കുവ ഇസ്‌റവേല്‌ഗാറാര് ആയിര്‌ക്കുവ നമ്മ സാമിന പാഡി പെരിമെപഡുസുഡൊ എന്നുവാദ്‌നാമ് സാമി മുദാല് താനെ നെനേത്ത് ബെത്തിന്താന്.

എപസോസുഗാറാര് 1:12 ပူးပေါင်းရင်းမြစ်များ

ഓഗന്നാന് 14:1

പ്‌റ ഏസ്സ് അവാര്‌ക്ക് ഇത്തെ സൊന്നാന്: <<നിമ്മ അര്‌ക്കപട്ട് അര്‌ക്കപട്ട് ബേജാറാഗാദേന്, സാമിനാമ് നമ്പ്‌ന്, എനനാമ് നമ്പ്‌ന്.

എപസോസുഗാറാര് 1:6

ഇത്തെ സാമിക്ക് മെച്ച്‌പ്‌ഡിത്ത ഏസ്സ് ക്‌റ്‌സ്‌ത്ത്‌ന ബെത്ത് നമാന തന്ന് മക്കാളായി എ്ഡ്‌ക്ക്യ ബേ്ണ്ടി സാമി നമാക്ക് പ്‌ണ്ണ്യ ഗേന്ത്‌റ്‌ന്റാന്. അദ്‌നാലെ അയി സാമി ഗേന്ത പ്‌ണ്ണ്യന നെനേത്ത് നമ്മ നണ്ണ്യുള്ളവാര് ആയിര്‌ക്ക്‌ല.

എപസോസുഗാറാര് 2:7

ഏസ്സ് ക്‌റ്‌സ്‌ത്ത് പേര്‌ല് സാമി നമാന പട്ട ഗവ എത്ത്‌റ ദൊഡ്ഡാദെന്റ് ഇന്നി ബരുവ കാലാത്ത്‌ല ആള്‌ഗാള് കാണ്യ ബേ്ണ്ടിത്തെ സാമി ഇത്തെ ഗവ പട്ടാദ്.

2 തെസെലോനിക്ക്യഗാറാര് 2:13

ആണ്ടവാന് സീവാന്‌ബെത്ത് ഏസ്സ്‌ഗാറാര് ആയിര്‌ക്ക്‌ന്റവാരെ, സാമിനിഗാല് നിമാന കവാഡില്ലാത്തവാര് മാഡ്യ ബേ്ണ്ടിമ് നിമ്മ സത്ത്യന നമ്പി തപ്പിസി കഡാക്ക്യ ബേ്ണ്ടിമ്‌ത്തെ മുദാല് താനെ സാമി നിമാന തെരിന്തെ്ഡ്‌ത്ത്‌റ്‌ക്കുവാദ്. അദ്‌നാലെ നിമാക്ക് ബേ്ണ്ടി എമ്മ ഒപ്പ സാമിക്ക് നണ്ണി സൊന്റേമ്.

2 തിമിത്തോസു 1:12

അദ്‌നാലെത്തെ നാന് ഇന്നാലീ കജട്ട പഡുവാദ്. എന്റാല്‌മ് അത്തെ കജട്ട പഡുവാദ്‌ല് നാന് നാണപഡുവാദില്ലെ. എന്ത്‌ക്കെന്റ് സൊന്ന നാന് ആര്‌ന നമ്പിര്‌ന്റേന് എന്റ് എനാക്ക് തെരിമ്. ആണ്ടവാന് തിരിഗി ബരമാട്ട്‌ക്ക്, എനാക്ക് ഒപ്പിസി തന്ത്‌റ്‌ക്കുവ ഈ കാര്യന പാദ്‌ഗാത്ത് ബെക്ക്യ അയാള്‌ക്ക് മുഡിമെന്റ് എനാക്ക് ഒറേപ്പിര്‌ക്ക്‌ന്റ്.

ആക്കോവു 1:18

താന് ദ്‌ട്ടിസിര്‌ക്കുവ എല്ലാദ്‌ന ബ്‌ഡ നമ്മ ഉജാന്തവാരായി ഇര്‌ക്ക്യ ബേ്ണ്ടി സാമി ആസെപഡ്‌ന്റാന്. അദ്‌നാലെ സാമി തന്ന് സത്ത്യമാന സൊല്ലുസുലാക്കാന നമാക്ക് സൊല്ലി തന്ത് നമാന പുദ്യ മന്‌സാന് മാഡിര്‌ക്ക്‌ന്റാന്.

1 പത്ത്‌റോസു 1:21

അയാള്‌നാലെത്തെ നിമ്മ സാമിന നമ്പ്‌ന്റ്‌റ്. സാമി ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്കി അയാള്‌ക്ക് മദ്‌പ്പ് കൊഡുത്ത്‌റ്‌ന്റാന്. അദ്‌നാലെ നിമ്മ സാമിന നമ്പ്‌ന്റവാര്‌മ് നെഞ്ചഡെ ബെത്ത്‌റ്‌ക്ക്‌ന്റവാര്‌മ് ആയിര്‌ക്ക്‌ന്റ്‌റ്.