കൊലേസ്യഗാറാര് 3:8 - സാമി സേദി8 അദ് താനേമല്ല ഇന്നി നിമ്മ മൊനേക്ക് തെ്ട്ടുവാദ്‌നാമ്, മൊനേക്ക് തെ്ട്ടി ദൂളുസുവാദ്‌നാമ്, കീ്ട്ട്‌ഗ ബെത്ത് നഡാക്കുവാദ്‌നാമ് ബ്‌ട്ട് തള്ള്‌ന്. നാണഗെ്ഡ്‌സുവ നായഗാളൊ, സാപ്പ ഇക്കുവ നായഗാളൊ നിമ്മ് ബായിലിന്ത് ബര്യ പാങ്കില്ലെ. အခန်းကိုကြည့်ပါ။ |
കൊലേസ്യഗാറാര് 3:8
35 ပူးပေါင်းရင်းမြစ်များ
എന്ത്‌ക്കെന്റ് സൊന്ന ഇന്നാല്‌മ് നിമ്മ അവനവാന് ആസെപഡി പെ്ളേക്കുവ ഈ ഉലഗാത്ത്‌ലവാര്‌ന പാസെത്തെ പെ്ളേക്ക്‌ന്റ്‌റ്. നിമ്മ് പട്ട്‌ല് കണ്ണ്‌കഡിമ് ആങ്കീങ്ക് മല്ല്‌മ് ഇര്‌ക്കുവാദ്‌നാലെ അവനവാന് ആസെപഡി പെ്ളേക്കുവ ഈ ഉലഗാത്ത്‌ലവാര്‌ന പാസേമ് സാമിന തെര്യാത്ത ആള്‌ഗാള്‌ന പാസേമ്‌ത്തെ നിമ്മ പെ്ളേക്ക്‌ന്റ്‌റ് എന്നുവാദ്‌ന കാട്ട്‌ന്റ്.
നാന് അദ്‌ക്ക് ബര്‌ഗാട്ടി നാന് ആസെപഡാത്ത ദിന്‌സ്‌ല് നിമാന കാണുവേന് എന്റ്‌മ് നിമ്മ ആസെപഡാത്ത ദിന്‌സ്‌ല് നിമ്മ എനാന കാണുവുറു എന്റ്‌മ് നാന് അഞ്ച്‌ന്റെ. ആങ്കീങ്ക് മല്ല്, കണ്ണ്‌കഡി, മുട്ടുമൊനെ, അവനവാന് കാര്യ താനെ നോഡുവാദ്, അഡ്‌ത്തവാര്‌ന നാണഗെ്ഡ്‌സുവാദ്, നൊണ്ടു സൊല്ലുവാദ്, ആര്‌ക്ക്‌മ് ഒദുങ്കാദെ ഇര്‌ക്കുവാദ്, കലമ്പാല് മാഡിര്‌ക്കുവാദ് എല്ലാ നിമ്മ് പട്ട്‌ല് ഇര്‌ക്കുമൊ എന്റ് നാന് അഞ്ച്‌ന്റെ.
തമാക്ക് ഇര്‌ക്കുവ നമ്പിക്കെനാലെ തമ്മ എത്തെ പെ്ളേത്താര് എന്റ് നമാക്ക് സൊല്ലി തന്ത ഈ ദൊഡ്ഡ ഒന്റു കൂട്ട ആള്‌ഗാള് നമാക്ക് സുറ്റുമു ഇര്‌ക്ക്‌ന്റാര്. അദ്‌നാലെ നമ്മ് ബട്ടേല് തഡേസ ആയി നിന്റ്‌റ്‌ക്കുവ എല്ലാദ്‌നാമ് നമാന സട്ടന പിന്ന്‌കാല് മെ്ട്ട്യ ബെക്കുവ പാവഗാള്‌നാമ് ബ്‌ട്ട്‌തള്ളി നമാക്ക് ഓഡ്യ ബെത്ത്‌റ്‌ക്കുവ ഓട്ടന ഒറേത്ത മുഡിവോഡ ഓഡി മുഡിക്ക്‌ഗാന്.
കഡാല്‌ക്ക് എജ്ജുസുവ എ്ള്‌ക്ക് പ്‌ഡിത്ത സണ്ട്‌സളാങ്ക്‌ഗാള്‌ന കഡാല് തെരെഗാള് ഏ്ട്ടിക്ക് ഏ്റ്‌സുവ പാസെത്തെ ഇവാര് ഗേവ കെ്ട്ട കാര്യഗാള്. തനാക്ക് ബേ്ണ്ടി സാമി ബെത്ത്‌റ്‌ക്കുവ എ്ഡേലിന്ത് തപ്പി പോവ ബെ്ള്ളിഗാള്‌ന പാസെത്തെ എന്ത്‌ക്ക് ബേ്ണ്ടി പെ്ളേക്കുഡൊ എന്നുവ നെനേവു ഇല്ലാദിര്‌ക്കുവ ഇവാര് പെ്ളേപ്പ്. ഇത്തവാള്‌ഗാള് കഡേസില് പോയി എജ്ജുവാദ് എന്നാല്‌ക്ക്‌മ് ഇ്റ്‌ട്ട് കെ്ട്ടിര്‌ക്കുവ എ്ഡേക്ക്‌ത്തെ.
എന്ത്‌ക്കെന്റ് സൊന്ന അവാര്‌ന പാസെത്തെ ഇവാര്‌മ് തമ്മ് പെ്ളേപ്പ്‌ന കെ്ഡിസി കൊണ്ടു തമ്മ കണ്ട കനേസ്‌ല്‌ഗാള്‌നാമ് തമ്മ കണ്ട കാര്യഗാള്‌നാമ് ദൊഡ്ഡ കാര്യ എന്റ് നെനേക്ക്‌ന്റാര്. സാമി അവാര്‌ക്ക് ബെത്ത്‌റ്‌ക്കുവ തലെവാര്‌ഗാള്‌നാമ് അയി തലെവാര്‌ഗാള് സൊല്ലുപഡിക്ക് ഇര്‌ക്കുവാദ്‌നാമ് അവാര് ദൊഡ്ഡാദെന്റ് നെനേക്കാദെ തമ്മ നല്ല മദിസി നഡാക്കുവ കാര്യഗാള്‌ന ബെലെ ഇല്ലാത്ത കാര്യഗാളെന്റ് സൊല്ലി നഡാക്ക്‌ന്റാര്.
ကြော်ငြာတွေ