കൊലേസ്യഗാറാര് 3:6 - സാമി സേദി

⁶ എന്ത്‌ക്കെന്റ് സൊന്ന ഇത്തവ കാര്യഗാള് ഗേന്ത് കൊണ്ടു സാമി സൊല്ലുപഡിക്ക് പെ്ളേക്കാത്ത ഇവാര്‌ന സാമി മൊനേക്ക്‌പഡ്‌ന്റാന്.

കൊലേസ്യഗാറാര് 3:6 ပူးပေါင်းရင်းမြစ်များ

റോമഗാറാര് 1:18

മന്‌സാര് ഗേവ എല്ലാ കെ്ട്ട കാര്യഗാള്‌നാമ് പാവഗാള്‌നാമ് നോഡി സാമി പഡുവ മൊനെ മേലോഗാത്ത്‌ലിന്ത് ബെ്ളിപഡ്‌ന്റ്. എന്ത്‌ക്കെന്റ് സൊന്ന അവാര് കെ്ട്ട കാര്യഗാള് ഗേന്ത് ആള്‌ഗാള് സാമിന പറ്റ്യുള്ള സത്ത്യ തെരിവാദ്‌ന മുഡാക്ക്‌ന്റാരല്ല?

എപസോസുഗാറാര് 5:6

ഇത്തവാള്‌ഗാള് സൊല്ലുവ ബുദ്ദില്ലാത്ത നായഗാള്‌ന കേ്ട്ട് നിമ്മ ഏമാന്ത് പോഗാദേന്. എന്ത്‌ക്കെന്റ് സൊന്ന അവാര് സാമികാര്യഗാള്‌ക്ക് കെ്ട്ട്‌പട്ട് നഡാക്കാത്താദ്‌നാലെ സാമി മൊനേക്ക്‌പട്ട് അവാര്‌ന ദെ്ണ്ടിക്കുവാനല്ല?

1 പത്ത്‌റോസു 1:14

മുന്നുക്കു സത്ത്യമാന സാമിന തെര്യാദിന്ത കാലാത്ത്‌ല് നിമാക്കിന്ത കെ്ട്ട ആസെഗാള്‌ന പാസെ പെ്ളേക്ക്യ ബേ്ണ്ടി നിമ്മ ആസെപഡാദേന്. അദ്‌ക്ക് ബദ്‌ല നിമാന ബ്‌ളിത്ത സാമി പച്ചെപാലഗാന് ആയിര്‌ക്കുവ പാസെ നിമ്മ സൊല്ലുപേസ് കേ്ള്‌ക്ക്‌ന്റവാരായി നിമ്മ ഗേവ എല്ലാ കാര്യഗാള്‌ല്‌മ് നിമ്മ പച്ചെപാലഗനാമായി ഇര്‌ന്.

2 പത്ത്‌റോസു 2:14

അവാര് പെ്ണ്ണ്‌മക്കാള്‌ന കണ്ടദാന അവാരോഡ എ്ണേന്ത് ബേസ്യാഡി നഡാക്ക്യ ആസെപട്ട് നഡാക്ക്‌ന്റാര്. ഇത്തെ ഒപ്പ പാവ ഗേന്ത് നഡാക്കുവാദ് പറ്റ എന്റ് അവാര് പെ്ളേക്ക്‌ന്റാര്. ദൊഡ്ഡ നമ്പിക്കെ ഇല്ലാത്ത ആള്‌ഗാള്‌ന പാവ ഗേയ സിക്ക്‌സ്‌ന്റാര്. അവാര് ആസെപട്ട കാര്യ എത്തെ കെ്ഡേസുഡൊ എന്റ് അവാര് പഡിത്ത്‌ര്‌ന്റാര്. ഇത്തെ ഗേവാദ്‌നാലെ അവാര് സാമി സാപ്പാക്ക് സിക്കിര്‌ക്ക്‌ന്റാര്.

ബെ്ളിപട്ട കാര്യ 22:15

സാത്ത്‌റ പ്‌ഡിക്കുവ കാര്യഗാള് ഗേന്റവാര്‌മ്, മന്ത്‌റമായ ഗേന്റവാര്‌മ്, കണ്ടപഡിക്ക് നഡാക്ക്‌ന്റവാര്‌മ്, കൊലെ ഗേന്റവാര്‌മ്, സെലെന കുമ്മുഡുന്റവാര്‌മ്, പൊയി സൊല്ലുവാദ്‌ന പിര്യപട്ട്‌മ് പൊയി സൊല്ലി നഡാക്ക്‌ന്റവാര്‌മ് പട്ടണാക്ക് ബെ്ളിഗെത്തെ.