കൊലേസ്യഗാറാര് 3:25 - സാമി സേദി

²⁵ അയി ആണ്ടവാന് സ്‌ന്നവാനൊ ദൊഡ്ഡവാനൊ എന്റ് നോഡുവാദില്ലെ. അദ്‌നാലെ നേര്‌മോഡ ഗേന്റവാന്‌ക്ക് അദ്‌ക്ക് തഗ്‌ന്ത കൂലി കെ്ഡേക്കുവ പാസെ നേര്‌മോഡ ഗേഗാത്തവാന്‌ക്ക്‌മ് അദ്‌ക്ക് തഗ്‌ന്ത ദെ്ണ്ടണെ ആണ്ടവാന്‌ലിന്ത് കെ്ഡേക്ക്‌മ്.

കൊലേസ്യഗാറാര് 3:25 ပူးပေါင်းရင်းမြစ်များ

മത്തായി 16:27

മന്‌സാനായി പ്‌റാന്തവാന് തന്ന് അപ്പാന് സാമിക്ക് ഇര്‌ക്കുവ മദ്‌പ്പ്‌ല് തന്ന് ദൂദാര്‌ഗാളോഡ ബരുവാന്. അദുക്കുള ഒന്റൊന്റാള് ഗേന്ത കാര്യഗാള്‌ക്ക് തഗ്‌ന്ത കൂലി അയാള് കൊഡുക്കുവാന്.

ലൂക്കോസു 20:21

അവാര് ബന്ത് ഏസ്സ്‌ന: <<ഗുരുവെ, നീ പഡുസുവാദ്‌മ് സൊല്ലുവാദ്‌മ് സത്ത്യത്തെ എന്റ് എമാക്ക് തെരിമ്. സ്‌ന്നവാനെന്റൊ ദൊഡ്ഡവാനെന്റൊ നോഡാദെ ആള്‌ഗാള് എത്തെ പെ്ളേത്ത് പോഡൊ എന്റ് സാമി സൊല്ലിര്‌ക്കുവാദ്‌ന അദേപാസെ പഡ്‌സ്‌ന്റവാന് എന്റ്‌മ് എമാക്ക് തെരിന്റ്.

അപ്പോസുത്തലാര് 10:34

പത്ത്‌റോസു നായ സൊല്ല്യ പ്‌ഡിത്താന്: <<സാമിക്ക് ആള്‌ഗാള് ഒട്ടുക്കു ഒന്റേ പാസെത്തെ എന്റ് എനാക്ക് തെരിന്ത്‌ദ്.

റോമഗാറാര് 2:11

ഈ കാര്യാത്ത്‌ല് സാമി ആര്‌നാമ് പ്‌റ്‌ത്ത് നോഡുവാദില്ലെ.

2 കൊരിന്ത്യഗാറാര് 5:10

എന്ത്‌ക്കെന്റ് സൊന്ന ഒന്റൊന്റാള്‌മ് നമ്മ സരിഗലാത്ത്‌ല് ഇര്‌ക്കാട്ടി ഗേന്താദ് കെ്ട്ടാദ് ആനാല്‌മ് സെരി നല്ലാദ് ആനാല്‌മ് സെരി അദ്‌ക്ക് തഗ്‌ന്ത കൂലി കെ്ഡേക്ക്‌മ്. അദ്‌ക്ക് ബേ്ണ്ടി നമ്മ എല്ലാവാര്‌മ് ക്‌റ്‌സ്‌ത്ത് നായ ബിദിക്കുവ പട്ട്‌ക്ക് പോയി നില്ല്യ ബേ്ണ്ടി ബര്‌മ്.

എപസോസുഗാറാര് 6:8

ഗിലാസഗാറാന് ആനാല്‌മ് സെരി പണ്ണാഡി ആനാല്‌മ് സെരി ഒന്റൊന്റാള്‌മ് അവനവാന് ഗേവ ഗിലാസാന എത്ത്‌റാക്ക് സൊക്കാന ഗേന്റാരൊ അദ്‌ക്ക് തഗ്‌ന്ത കൂലിത്തെ ക്‌റ്‌സ്‌ത്തോഡിന്ത് കെ്ഡേസ്യ പോന്റാര്.

എപസോസുഗാറാര് 6:9

അദ്‌നാലെ പണ്ണാഡിഗാളെ, നിമ്മ ഗേവ ഗിലാസാന എത്ത്‌റാക്ക് സൊക്കാന ഗേന്റ്‌റ് എന്റ് നോഡികൊണ്ടു ഗിലാസഗാറാര്‌ന ഗിലാസ ഗേസ്‌ന്. നിമാക്ക് ബേ്ണ്ടി ഗിലാസ ഗേന്റവാര്‌ന മെ്റ്‌ട്ടദേന്. എന്ത്‌ക്കെന്റ് സൊന്ന നിമാക്ക്‌മ് ഗിലാസഗാറാര്‌ക്ക്‌മ് അദാദ് ഗിലാസാന തന്തവാന് മേലോഗാത്ത്‌ലിന്ത് നോഡി കൊണ്ട്‌റ്‌ന്റാന്. അയാള് ആര്‌നാമ് ദൊഡ്ഡവാനെന്റൊ സ്‌ന്നവാനെന്റൊ നോഡി നഡാത്ത്‌ന്റവാനല്ല എന്നുവാദ്‌ന തെരിന്ത്‌റ്‌ന്.

കൊലേസ്യഗാറാര് 4:1

പണ്ണാഡിഗാളെ, നിമാക്ക്‌മ് മേലോഗാത്ത്‌ല് ആണ്ടവാനായിര്‌ക്കുവ പണ്ണാഡി ഇര്‌ക്ക്‌ന്റാന് എന്റ് തെരിന്ത് നിമ്മ് ഗിലാസഗാറാരോഡ നേര്‌മോഡാമ് നായത്തോഡാമ് നഡാന്ത്‌പ്‌ഡിത്ത് ഗേന്.

1 തെസെലോനിക്ക്യഗാറാര് 4:6

ഈ കാര്യാത്ത്‌ല് ഏസ്സ്‌ഗാറാര് ആയിര്‌ക്കുവ നിമ്മ് കൂട്ടാത്ത്‌ല ആര്‌ക്ക്‌മ് ഇത്തവ ദിന്‌സ് കെ്ട്ട കാര്യഗാളൊ ബഞ്ചിക്കുവ കാര്യഗാളൊ ഗേഗാദേന്. ഇദ്‌ക്കെല്ല പളി എ്ഡ്‌ക്ക്‌ന്റവാന് ആണ്ടവാന്‌ത്തെ എന്റ് എമ്മ മുദാല് താനെ നിമാക്ക് സൊല്ലിര്‌ക്ക്‌ന്റേമ്.

2 തെസെലോനിക്ക്യഗാറാര് 1:6

ആണ്ടവാന് ഏസ്സ് തന്ന് സക്‌ത്യുള്ള ദൂദാരോഡ തീ കത്തി എരേവ മേലോഗാത്ത്‌ലിന്ത് ഇ്റാഗി ബരുവാന്.

പിലെമോനു 1:18

അയാള് നിനാക്ക് എന്തൊന്റു കുറ്റ ഗേന്തൊ, ഇല്ലപോന എന്തൊന്റു തര്യാഗൊ ഇന്തദാന എനാന കേ്ട്ട മദി.

എവുറായാര് 2:2

ദൂദാര്‌ഗാള്‌ന ബെത്ത് സാമി സൊന്ന സേദി നേര് എന്റ് കാട്ടിര്‌ക്ക്‌ന്റ്. അയി സേദിന കേ്ള്‌ക്ക്യ നില്ലാദേമ് അയി സേദിന തള്ളിമ് നഡാന്തവാര്‌ക്ക് അദ്‌ക്ക് തഗ്‌ന്ത ദെ്ണ്ടണെ കെ്ഡേത്ത്‌ദ്.

1 പത്ത്‌റോസു 1:17

കച്ചി പ്‌ഡിക്കാദെ അവനവാന് ഗേവ ഗിലാസാക്ക് തഗ്‌ന്ത പാസെ ഒന്റൊന്റാള്‌നാമ് ബിദിക്ക്‌ന്റവാന്‌നാത്തെ അപ്പാന് എന്റ് നിമ്മ സൊല്ലുവദാന പരദേസിഗാളായി പെ്ളേക്കുവ ഇന്ന്യുള്ള നിമ്മ് പെ്ളേപ്പ് ബക്‌ത്യോഡ പെ്ളേന്.

ജൂദാന് 1:16

അവാര് തമ്മ് പിര്യാക്ക് പെ്ളേത്ത് തമ്മ് കാര്യഗാള് നഡാക്കാദെ ബര്‌ഗാട്ടി അവാര് ങ്കൊറുങ്കൊറുക്ക്‌ന്റവാര്‌മ് അഡ്‌ത്തവാര്‌ന പറ്റി കുറ്റ സൊല്ലുന്റവാര്‌മായി പെ്ളേക്ക്‌ന്റാര്. അദല്ലാദെ താനെ തമ്മാത്തെ ദൊഡ്ഡവാരെന്റ് സൊല്ലി നഡാന്ത് തമ്മ ആസെപഡുവ കാര്യ നഡാക്ക്യ ബേ്ണ്ടി അഡ്‌ത്തവാര്‌ന ഉജാത്തിമ് സൊല്ലുന്റാര്.