കൊലേസ്യഗാറാര് 3:2 - സാമി സേദി

² ഈ ഉലഗാത്ത്‌ല് നിമാക്കിര്‌ക്കുവ സൊത്തുക്കു ബേ്ണ്ട്യല്ല, അയാള് നാഡ്‌ല് നിമാക്ക് ബെത്ത്‌റ്‌ക്കുവ സൊത്തുക്കു ബേ്ണ്ടിത്തെ ആസെപട്ട് കൊണ്ടു പെ്ളേന്.

കൊലേസ്യഗാറാര് 3:2 ပူးပေါင်းရင်းမြစ်များ

മത്തായി 16:23

ആന ഏസ്സ് തിരിഗി പത്ത്‌റോസുക്കു: <<എന്ന് പട്ട്‌ലിന്ത് കഡാന്ത് പൊ സെയിത്താനെ. നീത്തെ എനാക്ക് തഡേസായിര്‌ക്കുവാദ്. സാമി നെനേക്കുവ പാസെ അല്ല നീ നെനേക്കുവാദ്. മന്‌സാന്‌ക്ക് ഇര്‌ക്കുവ നെനേവാക്കു നിനാക്ക് ഇര്‌ക്കുവാദ്>> എന്റ് സൊന്നാന്.

മത്തായി 6:19

<<സിദാല് തിന്നുവാദ്‌മ് തുരുമ്പുപ്‌ഡിക്കുവാദ്‌മ് ത്‌റ്‌ട്ടാര് ഓട്ടെ മാഡി ത്‌റ്‌ഡിമ് എ്ഡ്‌ക്കുവ ഈ ബൂമില് നിമാക്കുള്ള സൊത്തു സേത്തി ബെക്കാദേന്.

ലൂക്കോസു 12:15

പ്‌റസാരി ഏസ്സ് എല്ലാ ആള്‌ഗാള്‌ക്ക്‌മ്: <<എല്ലാ ദിന്‌സ്‌ല പേരാസെഗാള്‌ക്ക്‌മ് അഡിമെപഡാദിര്‌ക്ക്യ സൂസാരിത്തിര്‌ന്. ഒരുത്താന് എന്തെല്ല സമ്പാരിത്ത് സേത്തി ബെത്താല്‌മ് നേര്‌മാന പെ്ളേപ്പ്‌ന നല്ലാദ് മാഡുവാദ് അയാള്‌ക്ക് ഇര്‌ക്കുവ കാര്യഗാളല്ല>> എന്റ് സൊന്നാന്.

ലൂക്കോസു 16:11

ഈ ലോഗാത്ത്‌ല സൊത്തുഗാള്‌ന നോഡി നഡാത്തുവാദ്‌ല് നിമ്മ നമ്പ്യ മുഡ്യാത്തവാര് ആയിന്തദാന നിമാന നമ്പി സാമി തന്ന് കാര്യഗാള്‌ന എത്തെ നിമ്മ് കയിക്ക് നോഡ്യ തരുവാന്?

പിലിപ്പ്യഗാറാര് 1:23

സാവാദ പെ്ളേക്കുവാദ എന്നുവ ഈ റാഡ് നെനേവു എന്ന് മനേസ്സ്‌ല് എനാന ഓരാഡ്‌സ്‌ന്റ്. നാന് സത്ത് പോയി ക്‌റ്‌സ്‌ത്തോഡ പെ്ളേക്ക്യ ആസെപഡ്‌ന്റെ. എന്ത്‌ക്കെന്റ് സൊന്ന അദ്‌ത്തെ എത്ത്‌റാഗോ ദൊഡ്ഡ കാര്യ.

കൊലേസ്യഗാറാര് 3:1

അദ്‌നാലെ ഏസ്സ് ക്‌റ്‌സ്‌ത്ത് ഉജുര്‌ളാഗാട്ടി നിമ്മാമ് അയാളോഡൊപ്പ ഉജുര്‌ളാഗ്‌ന്റ്‌റ് എന്നുവാദ്‌ന നമ്പ്‌നദാന ഉജുര്‌ളാഗ്‌ന ഏസ്സ് സാമി തനാക്ക് കൊഡുത്ത പദാവിപട്ടാത്ത്‌ലിന്ത് ആളുവാദ്‌നാലെ അയാള് നാഡ്‌ല് നിമാക്ക് ബെത്ത്‌റ്‌ക്കുവ സൊത്തുക്കു ബേ്ണ്ടി ആസെപട്ട് കൊണ്ടു പെ്ളേന്.

കൊലേസ്യഗാറാര് 3:5

അദ്‌നാലെ ബേസ്യാഡി നഡാക്കുവാദ്‌നാമ്, മെലിങ്കി നഡാക്കുവാദ്‌നാമ്, ഗൊഡ്ഡുക്കിക്കി നഡാക്കുവാദ്‌നാമ്, കെ്ട്ട കാര്യഗാള് ഗേയ ആസെപഡുവാദ്‌നാമ്, സെലെന കുമ്മുഡുവ പാസെ പണാക്ക് ബേ്ണ്ടി അളാവുക്കു മീ്റി ആസെപഡുവാദ്‌നാമ് ഇത്തെ നിമ്മ ബൂമില് ഗേവാദ്‌ന ഒട്ടുക്കു ബ്‌ട്ട് തള്ള്‌ന്.