കൊലേസ്യഗാറാര് 3:17 - സാമി സേദി17 അത്തെ നിമ്മ എന്ത് പാട്ട് പാഡ്‌നാല്‌മ് എന്ത്‌ന സൊന്നാല്‌മ് എന്ത് ഗേന്താല്‌മ് അദെല്ല നമ്മ് ആണ്ടവാന് ഏസ്സ് പേര്‌ല് ഗേന്. ഏസ്സ് പേര്‌ല് അപ്പാന് സാമിക്ക് നണ്ണി സൊല്ലി കൊണ്ടേ ഇര്‌ന്. အခန်းကိုကြည့်ပါ။ |
കൊലേസ്യഗാറാര് 3:17
29 ပူးပေါင်းရင်းမြစ်များ
ഇ്റ്‌ട്ട്‌ന പാസെ ഇര്‌ക്കുവ പാവ ഗേവ പെ്ളേപ്പ്‌ലിന്ത് സാമി നിമാന ബ്‌ഡിസി തനാക്ക് മെച്ച്‌പ്‌ഡിത്ത മഗാന് നാഡ്‌ക്ക് നിമാന സേത്തി ബെത്ത്‌റ്‌ന്റാന്. അദ്‌താനേമല്ല, ബെ്ള്‌സന പാസെ ഇര്‌ക്കുവ സാമിക്ക് പട്ടവാര് പെ്ളേക്കുവ നാഡ്‌ല് ഈ്ട്ടി ബെത്ത്‌റ്‌ക്കുവ പങ്ക് കെ്ഡേക്ക്യ ബേ്ണ്ടി സാമി നിമാന തഗ്‌ദിര്‌ക്ക്‌ന്റവാര്‌മ് മാഡ്‌നാന്. അദ്‌നാലെ അപ്പാന് സാമിക്ക് നിമ്മ നണ്ണി സൊല്ലുനു.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
ကြော်ငြာတွေ