കൊലേസ്യഗാറാര് 3:16 - സാമി സേദി16 അദ്‌താനേമല്ല, ഏസ്സ് ക്‌റ്‌സ്‌ത്ത് സൊന്ന സൊല്ലുസുലാക്കാത്ത്‌ല് നിമാക്ക് ഇര്‌ക്കുവ അറുവുന ദൊഡ്ഡ അറുവായി എ്ഡ്‌ക്കുവാദ്‌നാലെ അയി അറുവുന ബെത്ത് സാമി നിമാന ഗവപഡുവാദ്‌ന പറ്റി പാഡുവ പാട്ട്‌ഗാള്‌മ് സാമിക്ക് നണ്ണി സൊല്ലുവ പാട്ട്‌ഗാള്‌മ് തെറ്റ്‌കുറ്റ ഗേഗാദിര്‌ക്ക്യ അഡ്‌ത്തവാര്‌ക്ക് ബുദ്ദി സൊല്ലുവ പാട്ട്‌ഗാള്‌മ് പാഡി സാമിന ഉജാത്ത്‌ന്. အခန်းကိုကြည့်ပါ။ |
കൊലേസ്യഗാറാര് 3:16
62 ပူးပေါင်းရင်းမြစ်များ
അദ്‌നാലെ ഏസ്സ്‌ഗാറാരെ, നാന് നിമാക്ക് സൊന്ന കാര്യാക്ക് ഇര്‌ക്കുവ അര്‌ത്ത ഇദ്‌ത്തെ. നിമ്മ ഒന്റായി കൂഡി സാമിന കുമ്മുഡുഗാട്ടി നിമ്മ് പട്ട്‌ല് പാഡ്‌ന്റവാര് ഇര്‌ക്കുവാര്, പഡ്‌സ്‌ന്റവാര് ഇര്‌ക്കുവാര്, സാമി കാട്ടി കൊഡുക്കുവ കാര്യഗാള്‌ന സൊല്ലുന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള് സൊന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള്‌ക്ക് അര്‌ത്ത സൊല്ലുന്റവാര് ഇര്‌ക്കുവാര്. ഇദെല്ല ഏസ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി സേത്തി മാഡ്യ ഉവഗരപഡുസുഡൊ.
ഇല്ലെന്റ് കണ്ട നിമ്മ് പെ്ളേപ്പ് അറുവില്ലാത്ത പെ്ളേപ്പായി പോമു. ആന നിമ്മ് മനേസ്സ്‌ക്ക് സാമിനിഗാല് തരുവ നെനേവുലേ ഇന്ത് നിമ്മ പെ്ളേത്തദാന സാമി മനേസ്സിലിര്‌ക്കുവാദ്‌ന തെരിന്ത് നിമ്മ അറുവിര്‌ക്കുവ പെ്ളേപ്പ് പെ്ളേക്ക്‌ന്റവാരാവുറു. അദ്‌ന തള്ളി കുഡിക്കുവ പളാക്കാക്ക് അഡിമ്യാന സേത്തി സേത്തി കെ്ട്ട കാര്യഗാള് ഗേന്ത് പെ്ളേക്കുവുറു.
ആന സാമിലിന്ത് കെ്ഡേക്കുവ അറുവു കവാഡില്ലാത്താദ്‌ത്തെ. അയി അറുവിര്‌ക്ക്‌ന്റവാര് അഡ്‌ത്തവാരോഡ സീവാന്‌ബെത്ത് നിമ്മ്‌ദ്യോഡ ഇര്‌ക്കുവാര്, അഡ്‌ത്തവാന് മനേസ്സ്‌ലിര്‌ക്കുവാദ്‌ന തെരിന്ത് തണിന്ത് കൊഡുത്തു പെ്ളേക്കുവാര്, അവാര് മനേസ്സാറ ഗവപട്ട് അഡ്‌ത്തവാര്‌ക്ക് നല്ലാദ് ഗേവാര്, അവാര് ദൊഡ്ഡവാര് സ്‌ന്നവാര് എന്റ് പ്‌റ്‌ത്ത് നോഡമാട്ടാര്. അവാര് ബക്‌തിഗാറാരെന്റ് നഡിക്കമാട്ടാര്.
അച്ചനാമെ, ആദി കാലാത്ത്‌ലിന്തേ ഇര്‌ക്കുവ സാമിന നിമാക്ക് തെരിന്ത്‌റ്‌ക്കുവാദ്‌നാലെ നാന് നിമാക്ക് എ്ള്‌ദ്‌ന്റെ. ബീ്ണാരെ, സാമി സൊല്ലുസുലാക്ക നിമ്മ് നെഞ്ച്‌ല് ഇര്‌ക്കുവാദ്‌നാലെ നിമ്മ ദയിര ഗുണ്ടിഗെഗാറാരായി എല്ലാ കെ്ട്ട കാര്യഗാള്‌ക്ക്‌മ് പണ്ണാഡ്യായിര്‌ക്കുവ സെയിത്താന്‌ന നിമ്മ സോലുസ്‌ന്‌റ്. അദ്‌നാലെ നാന് നിമാക്ക് എ്ള്‌ദ്‌ന്റെ.
സാമി ഗിലാസഗാറാന് ആന മോസെ പാട്ട്‌മ് കൊറ്യാഡ് കുട്ടി പാട്ട്‌മ് അവാര് പാഡ്‌നാര്. അദ് ഇത്തേത്തെ, എല്ലാ ബിലാമ് ഇര്‌ക്കുവ ആണ്ടവാനാന സാമ്യെ, നീ ഗേന്ത കാര്യഗാള് മ്‌ഗ്‌ന്താദ്‌മ് അദിസ്യമാനാദ്‌മ്‌ത്തെ, ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌ത്ത്‌മ് രാജാവെ, നീ ഗേവ കാര്യഗാള് നേര്‌മെ ഉള്ളാദ്‌മ് സത്ത്യമുള്ളാദ്‌മ്‌ത്തെ.
അദുക്കുള നാന് അയാള്‌ന കുമ്മുഡ്യ അയാള് കാല്‌ക്ക് ബ്‌ന്തെ. ആന ദൂദാന് എനാക്ക് <<നീ അത്തെ ഗേഗാദെ, നിനാന പാസേമ് ഏസ്സ്‌ന പറ്റ്യുള്ള സത്ത്യന സൊല്ലുവ ബേ്റെ ഏസ്സ്‌ഗാറാര്‌ന പാസേമ് ഇര്‌ക്കുവ ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ. എന്ത്‌ക്കെന്റ് സൊന്ന ഏസ്സ്‌ന പറ്റ്യുള്ള സത്ത്യന ആള്‌ഗാള്‌ക്ക് സൊല്ല്യ ബെക്കുവാദ് സാമിനിഗാല്‌ത്തെ>> എന്റ് സൊന്നാന്.
അവാര് പുദ്യ ഒന്റു പാട്ട് പാഡ്‌നാര്, <<ബൊക്കുന എ്ഡ്‌ക്ക്യാമ് മുദ്ദുറെഗാള്‌ന പൊട്ടിസ്യാമ് തഗ്‌ദ്യുള്ളവാന് നീത്തെ. എന്ത്‌ക്കെന്റ് സൊന്ന നിനാന അറ്‌ത്ത് കൊന്റാര്. എല്ലാ കുലഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ ജാദിഗാള്‌ലിന്ത്‌മ് ആള്‌ഗാള്‌ന നീ സാമിക്ക് ബേ്ണ്ടി നിന്ന് സോരെന കൊഡുത്തു ബാങ്ക്യെ്ഡ്‌ത്തായി.
ကြော်ငြာတွေ