കൊലേസ്യഗാറാര് 3:11 - സാമി സേദി11 അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്. အခန်းကိုကြည့်ပါ။ |
കൊലേസ്യഗാറാര് 3:11
54 ပူးပေါင်းရင်းမြစ်များ
അദ് എത്തെന്റ് സൊന്നദാന സാമി ഇസ്‌റവേല്‌ഗാറാര്‌ക്ക് കൊഡുത്ത സട്ടഗാള്‌ക്ക്‌മ് കല്‌പനെഗാള്‌ക്ക്‌മ് നിമ്മ കെ്ട്ട്‌പട്ട് നഡാക്കാത്താദ്‌നാലെ നിമാക്ക് ഇന്നമാട്ട്‌ക്ക് സാമ്യോഡ എ്ണേവു ബെത്ത് നഡാക്ക്യ മുഡ്യാദെ നിമ്മാമ് സാമിമ് ആങ്കീങ്ക് പഗെഗാറാര് ആയിന്ത്‌റ്. അത്തെ ഗോഡെന പാസെ തഡെ ഇന്ത ഈ പഗെന ഏസ്സ് ക്‌റ്‌സ്‌ത്ത് മന്‌സാനായി ബന്ത് സത്താദ്‌നാലെ ഇല്ലദാറ്റ്. അദ്‌നാലെ ഏസ്സ് ക്‌റ്‌സ്‌ത്തോഡ എ്ണേന്ത് പുദ്യ മന്‌സാനായി സാമ്യോഡാമ് ഇസ്‌റവേല്‌ഗാറാരോഡാമ് രാജി കൂഡുവ ബാഗ്യ നിമാക്ക് കെ്ഡേത്ത്‌ദ്.
ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ.
സാമിമഗാന് ബൂമിക്ക് ബന്താനെന്റ്‌മ് സത്ത്യ സാമിന തെരിവാദ്‌ക്കുള്ള ബുദ്ദി നമാക്ക് തന്ത്‌റ്‌ന്റാന് എന്റ്‌മ് നമാക്ക് തെരിമ്. സത്ത്യ സാമ്യോഡാമ് അയാള് മഗാന് ഏസ്സ് ക്‌റ്‌സ്‌ത്തോഡാമ് നമ്മ ഇന്നാല് എ്ണേവു ബെത്ത്‌റ്‌ന്റാമ്. ഈ സാമിത്തെ സത്ത്യമാന സാമി. ഈ സാമിത്തെ നമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്താദ്.
ကြော်ငြာတွေ