കൊലേസ്യഗാറാര് 2:5 - സാമി സേദി

⁵ ആന നാന് നിമ്മൊപ്പ അദ്‌ല് ഇല്ലാദെ പോനാല്‌മ് എന്ന് മനേസ്സ് നിമ്മൊപ്പത്തെ ഇര്‌ക്കുവാദ്‌നാലെ നിമ്മ ഏസ്സ് ക്‌റ്‌സ്‌ത്ത്‌ന ഉറുദ്ദ്യായി നമ്പി അഡാക്കൊദുക്കത്തോഡ പെ്ളേക്കുവാദ്‌ന കണ്ട് നാന് മ്‌ഗ്‌ന്ത പിര്യപഡ്‌ന്റെ.

കൊലേസ്യഗാറാര് 2:5 ပူးပေါင်းရင်းမြစ်များ

അപ്പോസുത്തലാര് 2:42

അപ്പോസുത്തലാര് പഡുസുവാദ്‌ന കേ്ള്‌ക്ക്യാമ്, ഒന്റായി കൂട്ട കൂഡ്യാമ്, അഡേന ആങ്കീങ്ക് പങ്കിപജ്‌ന്ത് തിന്ന്യാമ്, പരേസ്യാമ് അവാര് നാള്‌ക്ക്‌മ് കൂഡി ബന്തിന്താര്.

അപ്പോസുത്തലാര് 20:21

പാവ ഗേവാദ്‌ന തെ്റിന്ത് തള്ളി സാമിസാരി തിരിഗി ബരുഡൊ എന്റ്‌മ് നമ്മ് ആണ്ടവാന് ഏസ്സ്‌ന നമ്പുഡൊ എന്റ്‌മ് നാന് എഗുദാര്‌ക്ക് താനെ അല്ല എഗുദാര് അല്ലാത്ത ജാദിഗാള്‌ക്ക്‌മ് സൊക്കാന സൊല്ലിര്‌ക്ക്‌ന്റേന്.

1 കൊരിന്ത്യഗാറാര് 11:34

നിമ്മ ഒന്റായി കൂഡ്യ ബര്‌ഗാട്ടി സാമി ദെ്ണ്ടണേക്ക് എ്ഡെ ആഗാദെ ഇര്‌ക്ക്യ ബേ്ണ്ടി ആര്‌ക്കാറ്റ പജിപ്‌ഡിത്തിന്തദാന അയാള് ബീ്ഡ്‌ല് താനെ തിന്റ് ബരുഡൊ. ഇന്ന്യുള്ള കാര്യഗാള്‌ന നാന് ബന്ത് സെരി മാഡ്‌ന്റെ.

1 കൊരിന്ത്യഗാറാര് 14:40

നിമ്മ സാമി കുമ്മുഡ്യ കൂഡി ബര്‌ഗാട്ടി എല്ലാ കാര്യഗാള്‌മ് പഡിപഡ്യായിമ് നല്ല ദിന്‌സ്‌ല്‌മ് ഗേഡൊ.

1 കൊരിന്ത്യഗാറാര് 15:58

അദ്‌നാലെ ഏസ്സ്‌ഗാറാരെ, എനാക്ക് മെച്ച്‌പ്‌ഡിത്ത്‌റ്‌ക്കുവ നിമ്മ നമ്പിക്കേല് ഒറേപ്പുള്ളവാരായി അജ്‌ങ്കാദെ ഇര്‌ന്. ആണ്ടവാന്‌ക്ക് ബേ്ണ്ടി പാഡ്‌പഡുവാദ് ബെ്റ്‌ദ്യല്ല എന്റ് തെരിന്ത് ആണ്ടവാന്‌ക്ക് ബേ്ണ്ടി ഗേവ ഗിലാസാന സേത്തി സേത്തി ഗേന്റവാരാന്.

1 കൊരിന്ത്യഗാറാര് 16:13

സൂസാരിത്തിര്‌ന്, നമ്പിക്കേല് ഒറേത്തിര്‌ന്, ദയിര ഉള്ളവാരായി ഇര്‌ന്, ബെജെ ഉള്ളവാര് ആയി ഇര്‌ന്.

കൊലേസ്യഗാറാര് 2:1

നിമാക്ക് ബേ്ണ്ടിമ് ലവുദിക്ക്യാല ഏസ്സ്‌ഗാറാര് കൂട്ടാക്ക് ബേ്ണ്ടിമ് എനാന തെര്യാത്ത ബേ്റെ ആള്‌ഗാള്‌ക്ക് ബേ്ണ്ടിമ് നാന് എത്ത്‌റ പാഡ്‌പഡ്‌ന്റെ എന്റ് നിമ്മ തെര്യ ബേ്ണ്ടി നാന് ആസെപഡ്‌ന്റെ.

1 തെസെലോനിക്ക്യഗാറാര് 2:17

ഏസ്സ്‌ഗാറാരെ, എമ്മ സെറ്റെ ഗളിഗേത്തെ നിമ്മ് പട്ട്‌ലിന്ത് പ്‌റ്‌ന്തിന്തേമ്, എന്റാല്‌മ് എമ്മ് നെനേവൊട്ടുക്കു നിമ്മോഡത്തെ ഇന്ത്‌ദ്. അദ്‌നാലെ നിമാന ബന്ത് നോഡ്യ എമാക്ക് എത്ത്‌റാഗോ അറാക്കെ എ്ഡ്‌ത്താദ്‌നാലെ അദ്‌ക്ക് ബേ്ണ്ടി എഞ്ചോ ജമ്പ് ഓരാഡ്‌നേമ്.

1 തെസെലോനിക്ക്യഗാറാര് 3:8

നിമ്മ ആണ്ടവാനോഡ ഒന്റായിന്ത് പെ്ളേക്കുവ പെ്ളേപ്പ്‌ല് നെലെനിന്റ്‌റ്‌ക്കുവാദ്‌ന കേ്ള്‌ക്കാട്ടി എമാക്ക് ഉജുരു ബന്ത്‌ദ്.

എവുറായാര് 3:14

എന്ത്‌ക്കെന്റ് സൊന്ന നമാക്ക് മുദാലിന്ത അദേ നമ്പിക്കേന കഡേസി മാട്ട്‌മ് ബ്‌ഡാദിന്തദാന നമ്മ ക്‌റ്‌സ്‌ത്തോഡ പങ്ക്‌ഗാറാര് ആല.

എവുറായാര് 6:19

ഒറേപ്പ് ഉള്ളാദ്‌മ് ബിലാഗി പോഗാത്താദ്‌മ് ആന നമാക്കിര്‌ക്കുവ ഈ നെഞ്ചഡെ കപ്പാല്‌ന ഒന്റു പട്ട്‌ല് താനെ നില്ലിസി ബെക്കുവ ഒന്റു നങ്കൂരന പാസെത്തെ. അയി നെഞ്ചഡെ മേലോഗാത്ത്‌ല സാമിബീ്ഡ്‌ല തെരെസീലെ മേലെ നമാന അരാങ്ക കുച്ചുക്കു എ്ഡ്‌ത്ത് പോന്റു.

1 പത്ത്‌റോസു 5:9

ഉലഗാത്ത്‌ല് എല്ലാ സാരിമ് ഇര്‌ക്കുവ ഏസ്സ്‌ഗാറാര് ഇദേ കൊഡിമെത്തെ പട്ട്‌കൊണ്ടു ഇര്‌ക്ക്‌ന്റാര്. അദ്‌നാലെ നിമ്മ നമ്പിര്‌ക്കുവ നമ്പിക്കേല് ഒറേപ്പുള്ളവാരായി ഇന്ത് നിമ്മ് പോട്ടിഗാറാന് സെയിത്താന്‌ക്ക് അഡിമെപഡാദെ ഇര്‌ക്കുഡൊ.