കൊലേസ്യഗാറാര് 2:20 - സാമി സേദി

²⁰ ഏസ്സ് ക്‌റ്‌സ്‌ത്തോഡ നിമ്മ എ്ണേന്ത് പെ്ളേക്ക്‌ന്റവാരാഗാട്ടി നിമ്മ ഈ ഉലഗാത്ത്‌ല് മന്‌സാന് ബെത്ത സട്ട്‌മെ്ട്ട്‌പഡി പെ്ളേത്തിന്ത പെ്ളേപ്പ്‌ന നിമ്മ തള്ള്‌ന്‌റ്. പിന്നെ മറിസിമ് എന്ത്‌ക്ക് അയി പെ്ളേപ്പ്‌ക്ക് താനെ പോന്റുറു?

കൊലേസ്യഗാറാര് 2:20 ပူးပေါင်းရင်းမြစ်များ

ഓഗന്നാന് 15:19

നിമ്മ ഉലഗാക്ക് പട്ടവാര് ആയിന്തദാന അവാര് നിമാന തമാക്ക് സൊന്ത എന്റ് സൊല്ലി സീവാന്‌ബെത്തിന്ത്‌റ്‌ക്കുവാര്. ആന നിമ്മ ഉലഗാക്ക് പട്ടവാര് അല്ലത്താദ്‌നലേമ് നാന് നിമാന ഉലഗാത്ത്‌ലിന്ത് തെരിന്തെ്ഡ്‌ത്താദ്‌നാലേമ് അവാര് നിമാന തൊറേന്ത് തള്ള്‌ന്റാര്.

2 കൊരിന്ത്യഗാറാര് 10:3

എമ്മ ഈ ഉലഗാത്ത്‌ല് പെ്ളേക്ക്‌ന്റവാര് ആനാല്‌മ് ഈ ഉലഗാത്ത്‌ലവാര് തമ്മ് പോട്ടിഗാറാരോഡ പോട്ടിപ്‌ഡിക്കുവ പാസെ എമ്മ പോട്ടിപ്‌ഡിക്കുവാദില്ലെ.

ഗലാത്ത്യഗാറാര് 4:3

അദേപാസെ നമ്മാമ് ക്‌റ്‌സ്‌ത്ത്‌ന തെര്യമാട്ട്‌ക്ക് ഈ ഉലഗാത്ത്‌ല ഒന്റൊന്റു സട്ട്‌മെ്ട്ട്‌ഗാള്‌ക്ക് അഡിമെഗാളായിന്താമ്.

ഗലാത്ത്യഗാറാര് 6:14

ആന ആണ്ടവാന് ഏസ്സ് ക്‌റ്‌സ്‌ത്ത് എനാക്ക് ബേ്ണ്ടി കുരുസുലു സത്താദ്‌ന പറ്റ്യല്ലാദെ ബേ്റൊന്റുന പറ്റിമ് നാന് പെരിമെപഡമാട്ടെ. അയാള് എനാക്ക് ബേ്ണ്ടി കുരുസുലു സത്താദ്‌നാലെ ഉലഗാത്ത്‌ലിര്‌ക്കുവ ആസെഗാള്‌ക്ക് എനാന ആളുവ അദിഗരാമ് ഇല്ലെ, നാന് ഇന്നി അദ്‌ക്ക് അഡിമേമല്ല.

കൊലേസ്യഗാറാര് 2:14

അദ് എത്തെന്റ് സൊന്ന അന്നമാട്ട്‌ക്ക് നിമാന കുറ്റഗാറാര് എന്റ് മുഡിവു മാഡിന്ത സട്ടഗാള്‌ന ഏസ്സ് സാവുനാലെ കുരുസുക്കു സേത്തി ആണി അഡിത്ത് ഇല്ലാദെ മാഡ്‌നാന്.

കൊലേസ്യഗാറാര് 2:16

അദ്‌നാലെ തിന്നുവ തീനി പേര്‌ന സൊല്ല്യൊ, നല്ല നാള് പേര്‌ന സൊല്ല്യൊ, കൊമ്പു കാണുവാദ്, മദ്യ, മുട്ടു, ഇത്തവ പേര്‌ഗാള്‌ന സൊല്ല്യൊ, സാമി കുമ്മുഡുവ നാള് പേര്‌ന സൊല്ല്യൊ ആര്‌ക്ക്‌മ് നിമാന കുറ്റ സൊല്ല്യ മുഡ്യാമാട്ട.

കൊലേസ്യഗാറാര് 2:21

<<എ്ഡ്‌ക്ക ബേ്ഡ, തിന്ന ബേ്ഡ, അണ്ണ ബേ്ഡ>>

കൊലേസ്യഗാറാര് 2:8

ക്‌റ്‌സ്‌ത്ത് പഡ്‌സ്‌ന കാര്യഗാള്‌ന പറ്റി സൊല്ലാദെ ഈ ഉലഗാത്ത്‌ല് മന്‌സാന് ബെത്ത്‌റ്‌ക്കുവ അര്‌ത്തില്ലാത്ത സട്ട്‌മെ്ട്ട്‌ഗാള്‌നാമ് അര്‌ത്തില്ലാത്ത അര്‌ത്തപൊരുത്തഗാള്‌നാമ് സൊല്ലി നിമാന ഏമാത്താദിര്‌ക്ക്യ നിമ്മ സൂസാരിത്തിര്‌ന്.

കൊലേസ്യഗാറാര് 3:3

എന്ത്‌ക്കെന്റ് സൊന്ന ഈ ഉലഗാത്ത്‌ല് നിമ്മ് മുന്നുക്കുല പെ്ളേപ്പ് ക്‌റ്‌സ്‌ത്തോഡ സാഗാട്ടി സാമിനാലെ ഉജുര്‌ളാക്ക്‌ന പുദ്യ പെ്ളേപ്പ്‌ലിര്‌ക്കുവ ഉജുരു ഏസ്സ്‌ലിന്ത്‌ത്തെ കെ്ഡേത്താദ്.

എവുറായാര് 13:9

നിമാക്ക് തെര്യാത്ത പല ദിന്‌സ്‌ല ബുദ്ദി നായഗാള്‌ന നിമാക്ക് സൊല്ലി നേരാന കാര്യാത്ത്‌ലിന്ത് നിമാന ഏമാത്ത്യ ആര്‌നാമ് ബ്‌ഡാദേന്. തീനി തിന്നുവ കാര്യഗാള്‌ന പറ്റി സൊല്ലിര്‌ക്കുവ സട്ടപഡി നഡാക്കാദേന്. അത്തെ നഡാക്ക്‌ന്റവാര്‌ക്ക് അദ് ഒന്റുക്കുമു ഉവഗരപഡുവാദ്‌മില്ലെ. അദ്‌നാലെ സാമി പ്‌ണ്ണ്യാത്ത്‌ല് നിമ്മ് മനേസ്സ്‌ന ബിലപഡ്‌സ്‌ന്.

ആക്കോവു 4:4

ഈ ഉലഗാത്ത്‌ല് പെ്ളേക്കുവ പെ്ളേപ്പ്‌ക്ക് ആസെപഡ്‌ന്റവാര് ബേസ്യാഡ്‌ന്റവാര്‌ന പാസെത്തെന്റ് നിമാക്ക് തെരിവാദില്ലേഗ? അദ്‌നാലെ ഉലഗാത്ത്‌ല പെ്ളേപ്പ്‌ക്ക് ആസെപഡ്‌ന്റവാര് സാമ്യോഡ പോട്ടിപ്‌ഡിക്ക്‌ന്റവാര് ആന്റാര്.

1 ഓഗന്നാന് 5:19

സാമ്യോഡ എ്ണേവു ബെത്ത്‌റ്‌ക്കുവ നമ്മ സാമി പ്‌ള്ളെഗാളെന്റ്‌മ് സാമിന തെര്യാത്ത ഉലഗാത്ത്‌ല ആള്‌ഗാള് ഒട്ടുക്കു സെ്യ്‌ത്താന് കാല്‌കഡി ഇര്‌ന്റാര് എന്റ്‌മ് നമാക്ക് തെരിമ്.