കൊലേസ്യഗാറാര് 2:2 - സാമി സേദി2 നാന് ഇത്തെ പാഡ്‌പഡുവാദ് നിമ്മ സോറ്റു പോഗാദെ സീവാന്‌ബെത്ത് നഡാന്ത് ഒത്തിമോഡ ഇര്‌ക്ക്‌ന്റവാരായ ബേ്ണ്ടിത്തെ. അദ്‌താനേമല്ല, സാമി ഇന്നമാട്ട്‌ക്ക് സൊല്ലാദെ ബെത്തിന്ത അറുവു എന്നുവ സൊത്തായിര്‌ക്കുവ ക്‌റ്‌സ്‌ത്ത്‌ന നിമ്മ തെരിന്ത്‌റ്‌ക്കുഡൊ എന്റ്‌മ് നാന് ആസെപഡ്‌ന്റെ. အခန်းကိုကြည့်ပါ။ |
കൊലേസ്യഗാറാര് 2:2
58 ပူးပေါင်းရင်းမြစ်များ
അദ് താനേമല്ല എന്ന് ആണ്ടവാന് ക്‌റ്‌സ്‌ത്ത് ഏസ്സ്‌ന പറ്റി തെരിവാദ്‌ത്തെ എല്ലാദ്‌ക്ക്‌മ് ബ്‌ഡ മ്‌ഗ്‌ന്ത കാര്യ എന്റ് എനാക്ക് തെരിന്താദ്‌നാലെ നാന് മുദാല് ദൊഡ്ഡാദെന്റ് പെരിമെപട്ടിന്ത എല്ലാ കാര്യഗാള്‌നാമ് ഒന്റേപെ്ട്ട് ബെലെ ഇല്ലത്താദെന്റ് നാന് ഇന്നാല്‌മ് കണാക്കാക്ക്‌ന്റെ. ക്‌റ്‌സ്‌ത്ത്‌ന തെര്യ ബേ്ണ്ടി ഈ കാര്യഗാള്‌നെല്ല സണ്ട്‌സളാങ്കെന്റ് നാന് ബീസ്യെ്റിന്തെ.
നാന് ഇന്നാല് ജെയില്‌ല് ഇര്‌ക്കുവാദ്‌ന നെനേത്ത് നിമ്മ എനാക്ക് ബേ്ണ്ടിമ് പരേസ്‌ന്. ക്‌റ്‌സ്‌ത്ത്‌ന പറ്റി ഇന്നമാട്ട്‌ക്ക് തെര്യാദിന്ത കാര്യഗാള്‌ന ആള്‌ഗാള്‌ക്ക് തെരിവ ദിന്‌സ്‌ല് സൊല്ല്യ ബേ്ണ്ടിമ് അദ്‌ക്കിര്‌ക്കുവ തഡേസഗാള്‌ന സാമി ഇല്ലാദെ മാഡ്യ ബേ്ണ്ടിമ് പരേസ്‌ന്. അയി ഗിലാസാന ഗേവാദ്‌നാലെത്തെ നാന് ഇന്നാല് ജെയില്‌ലിര്‌ക്കുവാദ്.
മറേന്ത്‌റ്‌ക്കുവ ദൊഡ്ഡ കാര്യനത്തെ നമ്മ നമ്പിര്‌ക്കുവാദ് എന്റ് എല്ലാ ആള്‌ഗാള്‌ക്ക്‌മ് സൊല്ല്യ മുഡിമ്. ഏസ്സ് ക്‌റ്‌സ്‌ത്ത് മന്‌സാനായി ബന്താന്. ക്‌റ്‌സ്‌ത്ത് ആരെന്റ് സാമിനിഗാല് കാട്ടി തന്ത്‌ദ്. അയാള് ദൂദാര്‌ഗാള് കണ്ണ്‌ക്ക്‌മ് കാട്ട്‌നാന്. എഗുദരല്ലാത്ത ബേ്റെ ജാദിഗാള് പട്ട്‌ല് അയാള്‌ന പറ്റി സൊന്നാര്. ഉലഗാത്ത്‌ല മന്‌സാര് അയാള്‌ന നമ്പ്‌നാര്. അമ്‌സത്തോഡ അയാള്‌ന മേലോഗാക്ക് എ്ഡ്‌ത്താന്.
ഇത്തെ ഗേന്തദാന നമ്മ സത്ത്യ സാമിക്ക് പട്ടവാരെന്റ് നമാക്ക് തെരിമ്. അദ്‌നാലെ നമ്മ് മനേസ്സ് നമാന കുറ്റഗാറാരെന്റ് സൊല്ലമാട്ട. അത്തെ നമാക്ക് സാമി പട്ട്‌ല് ദയിരത്തോഡ ഇര്‌ക്ക്യ മുഡിമ്. എന്ത്‌ക്കെന്റ് സൊന്ന സാമി സൊല്ലുവാദ്‌ത്തെ നമ്മ് മനേസ്സ് സൊല്ലുവാദ്‌ന ബ്‌ഡ ദൊഡ്ഡാദ്. അദേപാസെ സാമി എല്ലാമ് തെരിന്റവാന്‌മ്‌ത്തെ.
ကြော်ငြာတွေ