കൊലേസ്യഗാറാര് 2:15 - സാമി സേദി

¹⁵ ഏസ്സ് അത്തെ ഗേന്താദ്‌നാലെ നമാന കുറ്റഗാറാര് മാഡുവ സട്ടഗാള്‌ന ബെത്ത് ദെ്ണ്ടിക്ക്യ ഒരിങ്കിന്ത മാഗെ ലോഗാത്ത്‌ല എല്ലാ അദിഗാരിഗാള്‌നാമ് ആള്‌ന്റവാര്‌നാമ് തന്ന് കാല്‌കഡി മാഡി താന് ഗെലിസി കഡാന്ത് അവാര്‌ന നാണഗെ്ഡ്‌സ്‌നാന്.

കൊലേസ്യഗാറാര് 2:15 ပူးပေါင်းရင်းမြစ်များ

മത്തായി 12:29

മുജുവുഗാറാന്‌ന പ്‌ഡിത്ത് കെ്ട്ടി ബെക്ക്യ മുഡ്യാദെ പോന അയാള് ബീ്ഡ്‌ക്ക് നൊഗേന്ത് അയാള്‌ക്കിര്‌ക്കുവ മുദാല്‌മുമ്പുന എത്തെ പ്‌ഡിങ്കി എ്ഡ്‌ക്ക്യ മുഡിമ്? മുദാല് അയാള്‌ന പ്‌ഡിത്ത് കെ്ട്ടി ബെക്കുഡൊ. എന്റപ്‌റാത്തെ അയാള് മുദാല്‌മുമ്പുന പ്‌ഡിങ്കി എ്ഡ്‌ക്ക്യ മുഡിവു.

ലൂക്കോസു 10:18

അദുക്കുള ഏസ്സ്: <<ബാന്‌ലിന്ത് സെയിത്താന് മിച്ചുവ പാസെ അഡി അലേവാദ്‌ന നാന് കണ്ടെ.

ലൂക്കോസു 11:22

ആന അയാള്‌ന ബ്‌ഡ മുജുവുള്ളവാന് ബന്ത് അയാളോഡ ജുദ്ദ ഗേന്ത് അയാള് നമ്പിന്ത ജുദ്ദ ഗേവ ജാദിഗാള്‌നാമ് പ്‌ഡിങ്ക്യെ്ഡ്‌ത്ത പ്‌റ അദ്‌ലിന്ത് പ്‌ഡിങ്ക്യെ്ഡ്‌ത്ത മുദാല്‌മുമ്പുഗാള്‌ന പങ്കി കൊഡുക്കുവാന്.

ഓഗന്നാന് 16:11

ഈ ഉലഗാന ആള്‌ന്റവാന്‌ന ബിദിത്ത്‌റ്‌ക്കുവാദ്‌നാലെത്തെ സാമി ആള്‌ഗാള്‌ന ബിദിക്കുവാന് എന്റ്‌മ് കാട്ടി കൊഡുക്കുവാദ്.

ഓഗന്നാന് 19:30

ഏസ്സ് പുളിര്‌ക്കുവ മുന്തരിസാരന കുഡിത്ത പ്‌റ: <<എല്ലാ കാര്യാമ് നഡാന്ത് മുഡിന്ത്‌ദ്>> എന്റ് സൊന്നാന്. ഏസ്സ് തന്ന് തലേന തൊങ്കിസി ഉജുരുന ബ്‌ട്ടാന്.

1 കൊരിന്ത്യഗാറാര് 15:24

പ്‌റ കഡേസി നാള്. അയി നാള്‌ല് സാമ്യോഡ പോട്ടിപ്‌ഡിത്ത്‌റ്‌ക്കുവ മാഗെ ലോഗാത്ത്‌ല എല്ലാ അദിഗാരിഗാള്‌നാമ് ഈ ഉലഗാത്ത്‌ല അദിഗാരിഗാള്‌നാമ് സക്‌തിഗാള്‌നാമ് ക്‌റ്‌സ്‌ത്ത് സോലുസി താന് ആളുവ നാഡ്‌ന അപ്പാന് സാമി കയിക്ക് ഒപ്പിസി കൊഡുക്കുവാന്.

2 കൊരിന്ത്യഗാറാര് 2:14

ക്‌റ്‌സ്‌ത്തോഡ ഒന്റായിര്‌ക്കുവ എമാന ഗെലിസി കഡാക്ക്‌ന്റവാര്‌ക്ക് ഇര്‌ക്കുവ പിര്യാത്തോഡ പെ്ളേക്ക്യ ഒപ്പ കയി താങ്കിമ്, നല്ല ഒന്റു ബാഡെ അഡിക്കുവ പാസെ ക്‌റ്‌സ്‌ത്ത്‌ന പറ്റ്യുള്ള അറുവുന എല്ലാ സാരിമ് സൊല്ല്യ എമാന എ്ഡ്‌ത്ത്‌മ് നഡാത്തുവ സാമിക്ക് നണ്ണി.

2 കൊരിന്ത്യഗാറാര് 4:4

ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.

എപസോസുഗാറാര് 3:10

ഏസ്സ്‌ഗാറാര് കൂട്ടായി പെ്ളേക്കുവ നമാന ബെത്ത് ഇന്നമാട്ട് സൊല്ലാദെ ബെത്തിന്ത സാമിക്കിര്‌ക്കുവ ഈ അറുവു എത്ത്‌റ ദൊഡ്ഡാദെന്റ് മാഗെലോഗന ആളുവ കെ്ട്ട നിഗാല്‌ഗാള്‌ക്ക് സാമി കാട്ടി കൊഡുത്താന്.

എപസോസുഗാറാര് 4:8

അദ്‌നാലെത്തെ ഏസ്സ് സത്ത പ്‌റ <<ഉജുര്‌ളാഗി മേലോഗാക്ക് പോഗാട്ടി തനാക്ക് പട്ടവാരായി, സത്തിന്തവാര്‌ന കെ്ട്ടിന്ത കെ്ട്ട്‌ഗാള്‌ന ബ്‌ഡിസി അവാര്‌നൊട്ടുക്കു തന്നോഡ കൂട്ടി പോയി ഇന്നാലിര്‌ക്ക്‌ന്റവാര്‌ക്ക് ബരഗാള് കൊഡുത്താന്>> എന്റ് സാമി ബൊക്കുലു എ്ള്‌ദിര്‌ക്കുവാദ്.

എപസോസുഗാറാര് 6:12

എത്തെന്റ് സൊന്ന നമ്മ ജുദ്ദ ഗേവാദ് മന്‌സാരോഡല്ല. അദ്‌ക്ക് ബദ്‌ല കണ്ണ്‌ക്ക് കാട്ടാത്ത സെയിത്താന് പട്ടളഗാളോഡാമ് അവാര്‌ക്കിര്‌ക്കുവ അദിഗരഗാളോഡാമ് മാഗേലിന്ത് കൊണ്ടു തമാക്കിര്‌ക്കുവ ഏമാത്തുവ സക്‌തില് ഈ ഉലഗാന നഡാത്തി ബന്റവാരോഡാമ്‌ത്തെ ജുദ്ദ ഗേയ ഇര്‌ക്കുവാദ്.

കൊലേസ്യഗാറാര് 1:16

എന്ത്‌ക്കെന്റ് സൊന്ന മേലോഗാത്ത്‌ല്‌മ് ബൂമില്‌മ്, കാണ്യ മുഡിവാദ്‌നാമ് കാണ്യ മുഡ്യാത്താദ്‌നാമ് ഒട്ടുക്കു അവാന്‌ന ബെത്ത് സാമി ദ്‌ട്ട്‌സ്‌നാന്. ഈ ഉലഗാന ആളുവ അദിഗരഗാള്‌നാമ് കാണ്യ മുഡ്യാത്ത ഉലഗാന ആളുവ അദിഗരഗാള്‌നാമ് അയാള്‌നാലേമ് അയാള്‌ക്ക് ബേ്ണ്ടിമ്‌ത്തെ സാമി ദ്‌ട്ടിസിര്‌ക്കുവാദ്.

കൊലേസ്യഗാറാര് 2:10

എല്ലാ സക്‌തിക്ക്‌മ് അദിഗരഗാള്‌ക്ക്‌മ് തലെ ആയിര്‌ക്കുവ ക്‌റ്‌സ്‌ത്ത്‌ക്ക് നിമ്മ എ്ണേന്താദ്‌നാലെ അയാള് കയിലിന്ത് നിമാക്ക് ബേ്ഡ്‌മാന എല്ലാ അറുവുഗാള്‌മ് കെ്ഡേക്ക്‌ന്റ്.

എവുറായാര് 2:14

പ്‌ള്ളെഗാള് സോരെനീര് ഇര്‌ക്കുവ മന്‌സാര്‌ഗാള് ആനാദ്‌നാലെ ഏസ്സ്‌മ് അവാര്‌ന പാസെ മന്‌സാന് ആനാന്. തനാക്ക് ബന്ത സാവുനാലെ സാവുക്കു അദിഗാരി ആന സെയിത്താന്‌ന അളിക്ക്യ ബേ്ണ്ടിത്തെ ഏസ്സ് ഇത്തെ അവാര്‌ന പാസെ ആനാദ്.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

ബെ്ളിപട്ട കാര്യ 20:10

ബേ്ണ്ട്‌നാമ് സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ്‌നാമ് എ്റിന്ത് ബ്‌ട്ട്‌റ്‌ക്കുവ ഗെന്തഗ കത്തി എരേവ തീ കഡാല്‌ക്ക് അവാര്‌ന ഏമാത്തിന്ത സെയിത്താന്‌ന എ്റിന്ത് ബ്‌ഡുവാന്. റാവുപഗാല് അദ്‌ലിന്ത് കൊണ്ടു അവാര് എന്നാല്‌ക്ക്‌മ് ദെ്ണ്ടണെപഡുവാര്.