കൊലേസ്യഗാറാര് 2:14 - സാമി സേദി

¹⁴ അദ് എത്തെന്റ് സൊന്ന അന്നമാട്ട്‌ക്ക് നിമാന കുറ്റഗാറാര് എന്റ് മുഡിവു മാഡിന്ത സട്ടഗാള്‌ന ഏസ്സ് സാവുനാലെ കുരുസുക്കു സേത്തി ആണി അഡിത്ത് ഇല്ലാദെ മാഡ്‌നാന്.

കൊലേസ്യഗാറാര് 2:14 ပူးပေါင်းရင်းမြစ်များ

ലൂക്കോസു 1:6

സാമി കണ്ണ്‌ക്ക് അവാര് റാഡാള്‌മ് നേര്‌മെഗാറാരായി പെ്ളേത്തിന്താര്. ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല് ആണ്ടവാന് ബെത്ത സട്ടഗാള്‌ക്ക്‌മ് കല്‌പനെഗാള്‌ക്ക്‌മ് അവാര് കെ്ട്ട്‌പട്ട് നഡാന്തിന്താര്.

അപ്പോസുത്തലാര് 3:19

അദ്‌നാലെ നിമ്മ ഗേവ കാര്യഗാള് പാവ എന്റ് തെരിന്ത് അദ്‌ന തള്ളി ഇന്നി ഗേഗാദെ ഇര്‌ക്കുഡൊ, പ്‌റ സാമിസാരി ബരുഡൊ. അന്നാപ്പ് സാമി നിമ്മ് പാവാക്ക് പൊറിമെ തരുവാന്. നിമ്മ അത്തെ ഗേന്തദാന,

കൊലേസ്യഗാറാര് 2:20

ഏസ്സ് ക്‌റ്‌സ്‌ത്തോഡ നിമ്മ എ്ണേന്ത് പെ്ളേക്ക്‌ന്റവാരാഗാട്ടി നിമ്മ ഈ ഉലഗാത്ത്‌ല് മന്‌സാന് ബെത്ത സട്ട്‌മെ്ട്ട്‌പഡി പെ്ളേത്തിന്ത പെ്ളേപ്പ്‌ന നിമ്മ തള്ള്‌ന്‌റ്. പിന്നെ മറിസിമ് എന്ത്‌ക്ക് അയി പെ്ളേപ്പ്‌ക്ക് താനെ പോന്റുറു?

2 തെസെലോനിക്ക്യഗാറാര് 2:7

സാമ്യോഡ പോട്ടിക്ക് നിന്റ് സൂഗാന ഗേവ പല കെ്ട്ട കാര്യഗാള്‌മ് സെയിത്താന് ഇന്നാല് താനെ ഉലഗാത്ത്‌ല് ഗേന്ത് കൊണ്ടു ഇര്‌ക്ക്‌ന്റാന്. ആന അയി കാര്യഗാള്‌ന തഡ്‌ക്ക്‌ന്റവാന് ബട്ടെന ബ്‌ട്ട് കൊഡുക്കുഡൊ.

എവുറായാര് 7:18

പൂസാരി പദാവിപട്ടന പറ്റ്യുള്ള പള്യ സട്ട ഒറേപ്പില്ലാത്താദ്‌മ് ഒന്റുക്കുമു ആഗാത്താദ്‌മ് ആനാദ്‌നാലെ അദ്‌ന തള്ള്‌നാന്.

എവുറായാര് 8:13

ഈ ഒപ്പന്തന <<പുദ്യാദ്>> എന്റ് സൊല്ലുവാദ്‌നാലെ മുദാല്‌ലാദ്‌ന സാമി പള്യാദ് മാഡിര്‌ക്ക്‌ന്റാന്. പള്യാദാനാദ്‌മ് ഉവഗര ഇല്ലാത്താദ്‌മ് ആന ഏദ്‌മ് സട്ടന മായിന്ത് തള്ള്‌മ്.

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.