കൊലേസ്യഗാറാര് 2:12 - സാമി സേദി12 അദേപാസെ ഏസ്സ് സാവുനാലെ നിമ്മ് മുന്നുക്കുല പെ്ളേപ്പ്‌ന അഡ്യോഡ ബ്‌ട്ട്‌തള്ളി സത്തവാര്‌ലിന്ത് ഏസ്സ്‌ന ഉജുര്‌ളാക്ക്‌ന സാമി സക്‌തിന നിമ്മ നമ്പ്‌നാദ്‌നാലെ ഏസ്സോഡൊപ്പ നിമ്മാമ് ഉജുര്‌ളാഗ്‌ന്റ്‌റ്. အခန်းကိုကြည့်ပါ။ |
കൊലേസ്യഗാറാര് 2:12
31 ပူးပေါင်းရင်းမြစ်များ
അവാര് അന്തോക്ക്യ പട്ടണാക്ക് എജ്ജ്‌ന പ്‌റ അദ്‌ല ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു ബ്‌ളിത്ത് ബര്‌സ്സ്‌നാര്. അദ്‌ക്ക് പ്‌റ അവാര് തമ്മോഡ ഇന്ത് സാമി ഗേന്ത എല്ലാ കാര്യഗാള്‌ന പറ്റിമ് എഗുദാര് അല്ലാത്ത ജാദിഗാള് ഏസ്സ്‌ന നമ്പ്യ സാമി ഉദാവി ഗേന്താദ്‌ന പറ്റിമ് അയി കൂട്ടാക്ക് സൊക്കാന സൊന്നാര്.
അദ്‌നാലെ ഏസ്സ്‌ഗാറാരെ, നിമ്മ് കാര്യാമ് ഇദേപാസെത്തെ. ക്‌റ്‌സ്‌ത്ത് സാഗാട്ടി നിമ്മാമ് സത്ത്‌റ്‌ന്റ്‌റ് എന്റ് കണാക്കാക്ക്‌ന്റ്‌റ്. അത്തെ നിമ്മ സാമി സട്ടാത്ത്‌ലിന്ത് ഒയിന്തവാരാന്‌റ്. ഇന്നാല് നിമ്മ സത്തിന്ത് ഉജുര്‌ളാഗ്‌ന ക്‌റ്‌സ്‌ത്ത് എന്നുവ ബേ്റൊന്റൊരുത്താന്‌ക്ക് ആയിര്‌ക്കുവാദ്‌നാലെ നിമാക്ക് സാമിക്ക് ഉവഗരപഡുവ കാര്യഗാള് ഗേയ മുഡിമ്.
സാമി നിമ്മോഡ ബെത്തിന്ത മൊനേലിന്ത് നിമാന കാപാറ്റ്‌നാദ് നിമ്മ നല്ല കാര്യഗാള് ഗേന്താദ്‌നാലെ അല്ല. അദ്‌ക്ക് ബദ്‌ല നിമ്മ ഏസ്സ്‌ന നമ്പി പെ്ളേക്ക്യ നെനേക്കാട്ടി സാമി നിമാക്ക് പ്‌ണ്ണ്യ ഗേന്താദ്‌നാലെത്തെ സാമി നിമാന കാപാറ്റ്‌നാദ്. അദ്‌നാലെ നിമ്മ ഇന്നാല് പെ്ളേക്കുവ പുദ്യ പെ്ളേപ്പ് സാമി നിമാക്ക് തന്ത്‌റ്‌ക്കുവ സമ്മാനത്തെ.
ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ.
എന്ത്‌ക്കെന്റ് സൊന്ന നിമ്മ ഗേവ പാവഗാള്‌ന അഡ്യോഡ പ്‌ഡിങ്കി തള്ളാദെ പെ്ളേത്ത പെ്ളേപ്പ്‌ല് സാമി കണ്ണ്‌ക്ക് നിമ്മ സത്തവാര്‌ന പാസെ ഇന്ത്‌റ്. ആന നിമ്മ ഗേവ പാവഗാള്‌ക്ക് ബേ്ണ്ടി ഏസ്സ് തന്ന് സാവുനാലെ ഗേന്താദ്‌ന നിമ്മ നമ്പ്‌ഗാട്ടി നിമ്മ ഗേവ പാവഗാള്‌ക്ക് പൊറിമെ കെ്ഡേത്ത് ക്‌റ്‌സ്‌ത്തോഡ നിമ്മ ഉജുര്‌ളാഗ്‌ന്റ്‌റ്.
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
ကြော်ငြာတွေ