കൊലേസ്യഗാറാര് 2:11 - സാമി സേദി

¹¹ നിമ്മ ഏസ്സ് ക്‌റ്‌സ്‌ത്ത്‌ന നമ്പി പെ്ളേക്ക്‌ന്റവാര് ആഗാട്ടി പാവ ഗേന്ത് കൊണ്ടു പെ്ളേത്തിന്ത നിമ്മ് മുന്നുക്കുല പെ്ളേപ്പ്‌ന അഡ്യോഡ പ്‌ഡിങ്കി തള്ളി ഏസ്സോഡ പുദ്യ പെ്ളേപ്പ് പെ്ളേക്ക്യ ഒപ്പന്ത ബെത്ത്‌റ്.

കൊലേസ്യഗാറാര് 2:11 ပူးပေါင်းရင်းမြစ်များ

മര്‌ക്കോസു 14:58

<< <മന്‌സാന് കെ്ട്ട്‌ന ഈ സാമിബീ്ഡ്‌ന പിരിങ്കി മൂറു നാള് കുള്ളുക്കു മന്‌സാന് കെ്ട്ടാത്ത ബേ്റെ ഒന്റുന കെ്ട്ടുവെ> എന്റ് ഇയാള് സൊന്നാദ്‌ന എമ്മ കേ്ട്ട്‌റ്‌ക്ക്‌ന്റേമ്.>>

ലൂക്കോസു 2:21

പ്‌റാന്ത് എ്ട്ട് നാള് തെഗേഗാട്ടി മഗാന പരിസേദനെ സാത്ത്‌റ ഗേവ ഗളിഗെ ബന്ത്‌ദ്. അദുക്കുള മറിയ അയി മഗാന ബേ്റാഗാത്ത മുദാല് താനെ ദൂദാന് അവാള്‌ക്ക് സൊല്ലിന്ത പാസെ അയി മഗാക്ക് <<ഏസ്സ്>> എന്റ് പേര് ബെത്താര്.

അപ്പോസുത്തലാര് 17:24

ലോഗനാമ് അദ്‌ല് ഇര്‌ക്കുവാദ്‌ന ഒട്ടുക്കുമു ഉണ്ടാക്ക്‌ന അയി സാമിത്തെ ബാന്‌നാമ് ബൂമിനാമ് ആളുവാദ്. അയാള് മന്‌സാന് കെ്ട്ട്‌ന കോയാല്‌ഗാള്‌ല് തങ്കുവാദില്ലെ.

അപ്പോസുത്തലാര് 7:48

ആന അവാന്‌ന ബ്‌ഡ ദൊഡ്ഡവാന് ആര്‌മ് . ഇല്ലെ ഈ സാമി മന്‌സാന് മാഡ്‌ന ബീ്ഡ്‌ല് ഇര്‌ക്കുവാദില്ലെ. സാമിദാസ് ഇത്തെ സൊന്റാന്,

റോമഗാറാര് 2:29

ഉളാക്ക് എഗുദാര് ജാദിക്ക് പട്ടവാന്‌ത്തെ സെരിക്കുള്ള എഗുദാന്. സാമിനിഗാല്‌നാലെ മനേസ്സ് മാറുവാദ്‌ത്തെ നേര്‌മാന പരിസേദനെ. അദ് എ്ള്‌ദി ബെത്ത്‌റ്‌ക്കുവ സാമി സട്ടാക്ക് ഒത്താദല്ല. അത്തവാള്‌ക്ക്‌ത്തെ മന്‌സാര്‌ഗാള്‌ലിന്തല്ല, സാമിലിന്ത് താനെ പേര് കെ്ഡേക്ക്‌മ്.

റോമഗാറാര് 6:6

നമ്മ ഇന്നി പാവ ഗേവാദ്‌ക്ക് അഡിമ്യാഗാദെ നമ്മ് പാവ സരിഗലാത്ത്‌ല പാവ ഗേവ പളാക്കന ഇല്ലാദെ മാഡ്യ ബേ്ണ്ടി പാവ ഗേന്ത് നഡാന്തിന്ത നമ്മ് പള്യ പെ്ളേപ്പ്‌ന ക്‌റ്‌സ്‌ത്തോഡൊപ്പ കുരുസുക്കു സേത്തി ആണി അഡിത്ത് തള്ള്‌നാമ് എന്റ് നമ്മ കണാക്കാക്ക്‌ന്റാമ്.

റോമഗാറാര് 7:24

അവ്വോ! എന്ന് ഗെദി എത്ത്‌റ കജട്ട? ഈ സാവുക്കു അഡിപട്ട്‌റ്‌ക്കുവ സരിഗലാത്ത്‌ലിന്ത് എനാന ആര് ബ്‌ഡ്‌സുവാര്?

2 കൊരിന്ത്യഗാറാര് 5:1

ഉലഗാത്ത്‌ല ബീ്ഡ്‌ന പാസെ ഇര്‌ക്കുവ എമ്മ് സരിഗല അളിന്ത് പോനാല്‌മ് സാമി കയില് മാഡ്‌നാദ്‌മ് എന്നാല്‌ക്ക്‌മ് അളിന്ത് പോഗാത്താദ്‌മാന ഒന്റു ബീ്ഡ് എമാക്ക് മേലോഗാത്ത്‌ല് ഇര്‌ക്ക്‌ന്റ് എന്റ് എമാക്ക് തെരിമ്.

2 കൊരിന്ത്യഗാറാര് 5:17

ഒരുത്താന് ക്‌റ്‌സ്‌ത്തോഡ ഒന്റായി എ്ണേന്ത അയാള് പുദ്യാദായി ദ്‌ട്ട്‌സ്‌നവാന് ആയിര്‌ക്ക്‌ന്റാന്. പള്യാദെല്ല ഒയിന്ത് പോയി പുദ്യ പെ്ളേപ്പ് തുഡാങ്കിര്‌ക്ക്‌ന്റ്.

ഗലാത്ത്യഗാറാര് 2:20

ഇന്നി നാനല്ല ക്‌റ്‌സ്‌ത്ത്‌ത്തെ എന്ന് പെ്ളേപ്പ്‌ന നഡാത്തുവാദ്. ഇന്നി ഉജുരോഡിര്‌ക്കുവ കാല മാട്ട്‌ക്ക്‌മ് എന്നോഡ സീവാന്‌ബെത്ത് എനാക്ക് ബേ്ണ്ടി ഉജുരുന തന്ത സാമി മഗാന് ക്‌റ്‌സ്‌ത്ത്‌ന നമ്പികൊണ്ടുത്തെ നാന് പെ്ളേക്കുവെ.

ഗലാത്ത്യഗാറാര് 5:24

ക്‌റ്‌സ്‌ത്ത് ഏസ്സ്‌ക്ക് പട്ടവാര് പാവ ഗേവ തമ്മ് പെ്ളേപ്പ്‌ന കുരുസുക്കു സേത്തി ആണി അഡിത്ത് കൊന്റാര്.

എപസോസുഗാറാര് 4:22

അത്ത്യാന മുന്നുക്കു നിമ്മ് മനേസ്സ്‌ക്ക് പ്‌ഡിത്ത കെ്ട്ട കാര്യഗാള്‌ക്ക് സിക്കി പാവ ഗേന്ത് പെ്ളേത്ത മുന്നുക്കുല പെ്ളേപ്പ്‌ന തള്ള്‌ന്.

പിലിപ്പ്യഗാറാര് 3:3

ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.

കൊലേസ്യഗാറാര് 3:5

അദ്‌നാലെ ബേസ്യാഡി നഡാക്കുവാദ്‌നാമ്, മെലിങ്കി നഡാക്കുവാദ്‌നാമ്, ഗൊഡ്ഡുക്കിക്കി നഡാക്കുവാദ്‌നാമ്, കെ്ട്ട കാര്യഗാള് ഗേയ ആസെപഡുവാദ്‌നാമ്, സെലെന കുമ്മുഡുവ പാസെ പണാക്ക് ബേ്ണ്ടി അളാവുക്കു മീ്റി ആസെപഡുവാദ്‌നാമ് ഇത്തെ നിമ്മ ബൂമില് ഗേവാദ്‌ന ഒട്ടുക്കു ബ്‌ട്ട് തള്ള്‌ന്.

എവുറായാര് 9:11

ആന ഇന്നാല് നമാക്കിര്‌ക്കുവ നല്ല കാര്യഗാള്‌ക്ക് ദൊഡ്ഡ പൂസാര്യായി ക്‌റ്‌സ്‌ത്ത് ബന്ത്‌റ്‌ന്റാന്. മ്‌ഗ്‌ന്താദ്‌മ് ഒന്റു കൊറേവുമു ഇല്ലത്താദ്‌മാന ഗുഡുസുലുക്കു അയാള് നൊഗേന്ത്‌റ്‌ക്ക്‌ന്റാന്. അയി ഗുഡുസുലു കയില് താനെ മാഡാത്താദ്‌മ് എന്റ് സൊന്ന ഈ ബൂമില് ദ്‌ട്ടിസി ബെത്ത്‌റ്‌ക്കുവാദ്‌ല് പഡാത്താദ്‌മ്‌ത്തെ.

എവുറായാര് 9:24

എന്ത്‌ക്കെന്റ് സൊന്ന മന്‌സാന് ഉണ്ടാക്ക്‌നാദ്‌മ് മേലോഗാത്ത്‌ല് ഇര്‌ക്കുവാദ്‌ന പാസെ ഉള്ളാദ്‌മാന നെലെ പട്ട്‌ക്കല്ല മേലോഗാക്ക്‌ത്തെ ക്‌റ്‌സ്‌ത്ത് പോയിര്‌ന്റാന്. അയാള് നമാന കയിതാങ്ക്യ ബേ്ണ്ടി ഇന്നാല് സാമി മുന്നുക്കു നിന്റ്‌റ്‌ക്ക്‌ന്റാന്.