കൊലേസ്യഗാറാര് 1:8 - സാമി സേദി

⁸ സാമിനിഗാല് ഉദാവിനാലെ നിമ്മ സീവാന്‌ബെത്ത് നഡാക്കുവാദ്‌ന പറ്റി അയാള്‌ത്തെ എമാക്ക് സൊന്നാദ്.

കൊലേസ്യഗാറാര് 1:8 ပူးပေါင်းရင်းမြစ်များ

മര്‌ക്കോസു 4:22

എന്ത്‌നാത്തെ ഒളിസി ബെത്തിന്താല്‌മ് അദ് ബെ്ളിഗെ ബര്‌മ്, മൂഡി ബെത്താദ് ത്‌റാന്ത് ബെ്ളിഗെ കഡാക്കുവു.

റോമഗാറാര് 15:30

ഏസ്സ്‌ഗാറാരെ, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാമ് സാമിനിഗാല് തന്ത സീവാന്‌നാമ് നെനേത്ത് നാന് നിമാന ബേ്ണ്ടികൊള്ളുവാദ് എന്തെന്റ് സൊന്ന, നിമ്മ എനാക്ക് ബേ്ണ്ടി എന്നോഡ എ്ണേന്ത് ഇത്തെ പരേസ്‌ന്.

റോമഗാറാര് 5:5

നെഞ്ചഡെ ബെത്ത്‌റ്‌ക്കുവ ഈ കാര്യ നഡാക്കാദിര്‌ക്ക മാട്ട. എന്ത്‌ക്കെന്റ് സൊന്ന, സാമി നമ്മോഡ അളാവുക്കു മീ്റി സീവാന്‌ബെത്ത്‌റ്‌ന്റാന് എന്റ് നമാക്ക് തെരിന്റ്. ഇദ്‌ന ഒറേപ്പ് മാഡ്യത്തെ സാമി തന്ന് നിഗാല്‌ന നമാക്ക് തന്ത്‌റ്‌ക്കുവാദ്.

ഗലാത്ത്യഗാറാര് 5:22

ആന സാമിനിഗാല് സൊല്ലുക്കു കെ്ട്ട്‌പട്ട് നഡാക്ക്‌ന്റ്‌വാര് പളാക്കഗാള്: അവാര് സീവാനിര്‌ക്ക്‌ന്റവാര്‌മ്, പിര്യപിര്യാത്ത് ഇര്‌ക്ക്‌ന്റവാര്‌മ്, നിമ്മ്‌ദ്യോഡ ഇര്‌ക്ക്‌ന്റവാര്‌മ്, പൊറിമുള്ളവാര്‌മ്, ഗവപഡ്‌ന്റവാര്‌മ്, ഉവഗര ഗേന്റവാര്‌മ്, നമ്പ്യ മുഡിന്റവാര്‌മ്,

2 തിമിത്തോസു 1:7

നമാന അഞ്ചിക്കെ പ്‌ഡ്‌സി ഒന്റുമു ഗേയ ബ്‌ഡാദെ ബെക്കുവ നിഗാല്‌നല്ല സാമി നമാക്ക് തന്താദ്. മനേസ്സ്‌ക്ക് ദയിര തര്യാമ് അഡ്‌ത്തവാരോഡ സീവാന്‌ബെത്ത് നഡാക്ക്യാമ് കെ്ട്ട ആസെഗാള്‌ക്ക് ആളാഗാത്തവാനായി ഇര്‌ക്ക്യാമ് കയിതാങ്കുവ നിഗാല്‌നാത്തെ സാമി നമാക്ക് തന്താദ്.

1 പത്ത്‌റോസു 1:22

നിമ്മ സത്ത്യാക്ക് കെ്ട്ട്‌പട്ട് നഡാക്കുവാദ്‌നാലെ ഇന്നാല് നിമ്മ നിമാന താനെ സുത്താപ്പുള്ളവാര് മാഡ്‌ന്റ്റ്. അദ്‌നാലെ നിമ്മ ഏസ്സ്‌ന നമ്പിര്‌ന്റവാരോഡ മനേസ്സാറ സീവാന്‌ബെത്ത് കൊണ്ടുമു ആങ്കീങ്ക് ഉജുരുക്കുജുര സീവാന്‌ബെത്ത് കൊണ്ടുമു നഡാന്.