കൊലേസ്യഗാറാര് 1:6 - സാമി സേദി6 സാമി മന്‌സാന്‌ന ഗവപഡ്‌ന്റാന് എന്നുവ നല്ല സേദിന കേ്ട്ട് തെരിന്ത നാള്‌ലിന്ത് നിമ്മ സാമിക്ക് ബേ്ണ്ടി പെ്ളേത്ത് അദുക്കുള്ള ഗുണന കാട്ടുവ പാസെ ഈ ഉലഗൊട്ടുക്കുമു ഈ നല്ല സേദി ഇന്നാല് പജാന്ത് നിമാന പാസെ ഉലഗാത്ത്‌ല് എഞ്ചോ ആള്‌ഗാള് സാമിക്ക് ബേ്ണ്ടി ഗുണ ഉള്ളവാരായി പെ്ളേക്ക്‌ന്റാര്. အခန်းကိုကြည့်ပါ။ |
കൊലേസ്യഗാറാര് 1:6
36 ပူးပေါင်းရင်းမြစ်များ
നിമ്മ എനാന തെരിന്തെ്ഡ്‌ക്കാലെ, നാന്‌ത്തെ നിമാന തെരിന്തെ്ഡ്‌ത്ത്‌റ്‌ക്കുവാദ്. നിമ്മ പോയി കായി ബ്‌ഡ്യാമ് അയി ബ്‌ഡുവ കായി എന്നാല്‌ക്ക്‌മ് കൊട്ടാദിര്‌ക്ക്യാമ് ബേ്ണ്ടി നാന് നിമാന എ്ഡ്‌ത്ത് ബെത്ത്‌റ്‌ക്ക്‌ന്റെ. അന്നാപ്പ് നിമ്മ എന്ന് പേര്‌ല് അപ്പാന് സാമ്യോഡ കേ്ള്‌ക്കുവാദ്‌ന ഒട്ടുക്കുമു അയാള് നിമാക്ക് തരുവാന്.
ആന ഏസ്സ്‌ഗാറാരെ, നാന് ഗേന്ത കാര്യാത്ത്‌ല് എഗുദാരല്ലാത്ത ജാദിഗാള്‌ലിന്ത് ക്‌റ്‌സ്‌ത്ത്‌ക്ക് ആള്‌ഗാള്‌ന കെ്ഡേത്ത പാസെ നിമ്മ് പട്ട്‌ല്‌മ് ലേസ ആള്‌ഗാള്‌ന കെ്ഡേസ്യ ബേ്ണ്ടി എഞ്ചോ ജമ്പ് നിമ്മ് പട്ട്‌ക്ക് ബര്യ നെനേത്തെ. ആന ഇന്നാവരിദിക്ക് അദ്‌ക്ക് തഡേസ ബന്ത്‌ദ് എന്നുവാദ്‌ന നിമ്മ തെരിന്ത്‌റ്‌ക്കുഡൊ എന്റ് നാന് ആസെപഡ്‌ന്റെ.
അത്തെ അയി പെ്ളേപ്പ്‌ന തള്ളി നിമ്മ് ഉഡാമ്പ്‌ലിര്‌ക്കുവ സാമിനിഗാല് സൊല്ലി തരുവ ബുദ്ദിക്ക് തഗ്‌ന്ത പാസെ നഡാന്ത് നിമ്മ പുദ്യ മന്‌സാനായി പെ്ളേന്. അദല്ലാദെ താനെ സാമി തന്ന് സത്ത്യമാന കാര്യഗാള്‌ന നിമാക്ക് സൊല്ലി തന്ത് നിമാന സാമിക്ക് ബേ്ണ്ടി പ്‌റ്‌ത്ത് ബെത്ത് നിമാന നേര്‌മെഗാറാന് മാഡി പുദ്യാദായി പ്‌റാക്ക്യ ബെത്ത്‌റ്‌ക്ക്‌ന്റാന്. അദ്‌നാലെ നിമ്മ അത്തെ ഇര്‌ക്കുവ പുദ്യ മന്‌സാനായി താനെ പെ്ളേക്കുഡൊ.
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
ഏസ്സ്‌ഗാറാന്‌മ് എനാക്ക് നമ്പ്യ മുഡിന്റവാന്‌മ് ആന സീലാസ്‌ന ബെത്ത് ഈ എ്ള്‌ത്ത് നാന് സുരുക്കാത്ത്‌ല് എ്ള്‌ദിര്‌ക്ക്‌ന്റെ. നിമാന ദയിരപഡിസ്യാമ് ഇന്നാല് നിമ്മ പെ്ളേക്കുവാദ് സാമി നിമ്മോഡ ബെത്ത്‌റ്‌ക്കുവ നേര്‌മാന ഗവനാലെത്തെന്റ് നിമാക്ക് നാന് സൊല്ല്യാമ്‌ത്തെ ഈ എ്ള്‌ത്ത് എ്ള്‌ദുവാദ്. അദ്‌ല് നിമ്മ ഒറേപ്പുള്ളവാരായിര്‌ക്കുഡൊ.
ကြော်ငြာတွေ