കൊലേസ്യഗാറാര് 1:5 - സാമി സേദി5 ഏസ്സ്‌ന പറ്റ്യുള്ള ഈ നല്ല സേദിന നിമ്മ കേ്ട്ട് അദ്‌ന നേര് എന്റ് നമ്പി നിമ്മ ഇത്തെ സീവാന്‌ഗാറാരായിമ് നമ്പിക്കുള്ളവാരായിമ് പെ്ളേക്ക്‌ന്റ്‌റ്. അദുക്കുള്ള സൊത്തുത്തെ മേലോഗാത്ത്‌ല് നിമാക്ക് പേ്ണിസി ബെത്ത്‌റ്‌ക്കുവാദ്. အခန်းကိုကြည့်ပါ။ |
കൊലേസ്യഗാറാര് 1:5
33 ပူးပေါင်းရင်းမြစ်များ
അയി കൂട്ടാത്ത്‌ല ലേസ ആള്‌ഗാള് സദൂക്ക്യാര്‌മ് ലേസ ആള്‌ഗാള് പരിസാര്‌ഗാള്‌മ് എന്റ് പവുലോസുക്കു തെരിന്ത്‌ദ്. അദുക്കുള അയാള് എഗുദ കോഡിദിഗാറാര്‌ക്ക്: <<എന്ന് കൂട്ടാരാന ഇസ്‌റവേല്‌ഗാറാരെ, നാന്‌മ് ഒന്റു പരിസാന്‌ത്തെ, എന്ന് അപ്പാന്‌മ് ഒന്റു പരിസാന്‌ത്തെ. സത്തവാര് ഉജുര്‌ളാഗുവാര് എന്റ് എനാക്ക് ഒറേപ്പിര്‌ക്ക്‌ന്റ്. അദ്‌ക്കായി കാത്ത്‌റ്‌ക്കുവാദ്‌നാലെത്തെ എനാന നിമ്മ നായ കേ്ള്‌ക്ക്‌ന്റ്‌റ്>> എന്റ് ദൊഡ്ഡാദ്‌ക്ക് സൊന്നാന്.
അവാര് നേര്‌മാന നല്ല സേദിക്ക് എ്ണേന്ത ദിന്‌സ്‌ല് നഡാക്കുവാദില്ലെന്റ് കാണ്‌ഗാട്ടി എല്ലാര് മുന്നുക്കു ബെത്ത് പത്ത്‌റോസുന നൊഡിന്ത്‌കൊണ്ടു നാന് ഇത്തെ സൊന്നെ: <<നീ എഗുദ ജാദിക്ക് പട്ടവാനായിന്ത് ഗുഡി എഗുദാര് സട്ട്‌മെ്ട്ട്‌പഡിക്ക് പെ്ളേക്കാദെ ബേ്റെ എഗുദാരല്ലാത്ത ജാദിഗാളോഡ എ്ണേന്ത് നഡാന്തായല്ല. അത്തെ നഡാക്കുവ നീ എഗുദാരല്ലാത്ത ബേ്റെ ജാദിഗാള്‌ന എഗുദാര്‌ന പാസെ പെ്ളേക്ക്യ നത്തുവാദ് എന്ത്‌ക്ക്?>>
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
അദ്‌താനേമല്ല, ഏസ്സ് ക്‌റ്‌സ്‌ത്ത് സൊന്ന സൊല്ലുസുലാക്കാത്ത്‌ല് നിമാക്ക് ഇര്‌ക്കുവ അറുവുന ദൊഡ്ഡ അറുവായി എ്ഡ്‌ക്കുവാദ്‌നാലെ അയി അറുവുന ബെത്ത് സാമി നിമാന ഗവപഡുവാദ്‌ന പറ്റി പാഡുവ പാട്ട്‌ഗാള്‌മ് സാമിക്ക് നണ്ണി സൊല്ലുവ പാട്ട്‌ഗാള്‌മ് തെറ്റ്‌കുറ്റ ഗേഗാദിര്‌ക്ക്യ അഡ്‌ത്തവാര്‌ക്ക് ബുദ്ദി സൊല്ലുവ പാട്ട്‌ഗാള്‌മ് പാഡി സാമിന ഉജാത്ത്‌ന്.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
നാന് സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേത്താദ്‌നാലെ കെ്ഡേക്കുവ ഗിര്യാഡന സാമി എനാക്ക് ബേ്ണ്ടി ബെത്ത്‌റ്‌ന്റാന്. ആള്‌ഗാള്‌ന നേരോഡ ദെ്ണ്ടണെ ബിദിക്കുവ ആണ്ടവാന് താന് ദെ്ണ്ടണെ ബിദിക്കുവ നാള്‌ക്ക് എനാക്ക് അയി ഗിര്യാഡന തരുവാന്. എനാക്ക് താനെ അല്ല ആണ്ടവാന് മറിസി ബരുവാദ്‌ന നെഞ്ചഡെബെത്ത് കാത്ത്‌റ്‌ക്ക്‌ന്റവാര്‌ക്ക് ഒട്ടുക്കുമു കൊഡുക്കുവാന്.
ആണ്ടവാനാന ക്‌റ്‌സ്‌ത്ത്‌ന നിമ്മ് മനേസ്സ്‌ല് മദ്‌സുഡൊ. നിമാക്കിര്‌ക്കുവ നെഞ്ചഡെന പറ്റി കേ്ള്‌വി കേ്ള്‌ക്ക്‌ന്റവാരോഡെല്ല തണിമോഡാമ് മര്യാദോഡാമ് ബദ്‌ല് സൊല്ല്യ നിമ്മ ഏദ്‌ഗളിഗേമ് ഒരിങ്കിര്‌ക്കുഡൊ. ക്‌റ്‌സ്‌ത്ത് സൊല്ലുപഡിക്ക് പെ്ളേക്കുവാദ്‌നാലെ നിമ്മ ഗേവ നല്ല കാര്യഗാള്‌ന പറ്റി കുറ്റ സൊന്റവാര് തമ്മ സൊന്ന കുറ്റന നെനേത്ത് നാണഗെ്ട്ട് പോയ ബേ്ണ്ടി നിമ്മ് മനേസ്സ് സുത്താപ്പുള്ളാദ് ആയിര്‌ക്കുഡൊ.
ကြော်ငြာတွေ