Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




കൊലേസ്യഗാറാര് 1:28 - സാമി സേദി

28 അദ്‌നാലെ എമ്മ ക്‌റ്‌സ്‌ത്ത്‌ന പറ്റി എല്ലാ ആള്‌ഗാള്‌ക്ക്‌മ് സൊല്ലി കൊണ്ടേ ഇര്‌ന്റേമ്. സാമി എമാക്ക് തന്ത്‌റ്‌ക്കുവ എല്ലാ ബുദ്ദിനാമ് ബെത്ത് ഏസ്സ്‌ന പാസെ ആയ അറുവു കൊഡുക്ക്യ ഉള്ളവാര്‌ക്ക് അറുവു കൊഡുത്തു കൊണ്ടുമു ബുദ്ദി സൊല്ലി കൊഡുക്ക്യ ഉള്ളവാര്‌ക്ക് ബുദ്ദി സൊല്ലി കൊഡുത്തു കൊണ്ടുമു ഗേന്റേമ്.

အခန်းကိုကြည့်ပါ။ ကော်ပီ




കൊലേസ്യഗാറാര് 1:28
54 ပူးပေါင်းရင်းမြစ်များ  

നാന് നിമാക്ക് സൊല്ലിര്‌ക്കുവ കാര്യഗാള്‌ക്ക് കെ്ട്ട്‌പട്ട് നഡാക്ക്യ അവാര്‌ക്ക് പഡ്‌സ്‌ന്. ഉലഗ കഡേസി മാട്ട്‌ക്ക് നാന് നിമ്മോഡൊപ്പ ഇര്‌ക്കുവെ>> എന്റ് സൊന്നാന്.


പരിസാര്‌ഗാള്‌ല്‌മ് സദൂക്ക്യാര്‌ല്‌മ് എഞ്ചോ ആള്‌ഗാള് മുളുഗ്യ ബേ്ണ്ടി തന്ന് പട്ട്‌ക്ക് ബരുവാദ്‌ന കണ്ട് അയാള് അവാര്‌ക്ക് ഇത്തെ സൊന്നാന്: <<പാമ്പ്‌ന പാസെ സദിക്ക്‌ന്റവാരെ, നിമാക്ക് സാമി തരുവ ദെ്ണ്ടണേലിന്ത് ഓഡി തപ്പിസി കഡാക്ക്യ നിമാക്ക് ആര് മുദാല് അറുവു തന്താദ്?


അദ്‌നാലെ മേലോഗാത്ത്‌ല നിമ്മ് അപ്പാന് എല്ലാ നല്ല ഗുണഗാള്‌മ് തുമ്പിര്‌ക്ക്‌ന്റവാനായി ഇര്‌ക്കുവ പാസെ നിമ്മാമ് എല്ലാ നല്ല ഗുണഗാള്‌മ് തുമ്പിര്‌ക്ക്‌ന്റവാരായി ഇര്‌ന്.>>


ഏസ്സ് തോണിലിന്ത് ഇ്റാഗാട്ട്യെല്ല തനാന കാത്ത്‌കൊണ്ടു ജനഗാള് അദ്‌ലിന്താദ്‌ന അയാള് കണ്ടാന്. മാട്ട്യാനില്ലാത്ത കൊറ്യാഡ്‌ഗാള്‌ന പാസെ ഇര്‌ക്കുവ അവാര്‌ന കണ്ട് ഏസ്സ്‌ക്ക് ബേ്റ്‌വെന്ത്‌ദ്. പല കാര്യഗാള്‌നാമ് അവാര്‌ക്ക് പഡിസ്യ പ്‌ഡിത്താന്.


എന്ത്‌ക്കെന്റ് സൊന്ന നിമ്മ് പോട്ടിഗാറാര് ആര്‌ക്ക്‌മ് മുട്ട്യാമ് തിരിക്കി സൊല്ല്യാമ് മുഡ്യാത്ത ദിന്‌സ്‌ല് സൊല്ല്യ മുഡിവ നായഗാള്‌മ് ബുദ്ദിമ് നാന് നിമാക്ക് തരുവെ.


എല്ലാ ആള്‌ഗാള്‌ത്ത്‌മ് ആണ്ടവാന് ആയിര്‌ക്കുവ ഏസ്സ് ക്‌റ്‌സ്‌ത്ത്‌ത്തെ നിമ്മ്‌ദി തരുവാദ്. ഏസ്സ് നിമ്മ്‌ദി തന്റവാന് എന്നുവ സേദി ഇസ്‌റവേല് ജനഗാള്‌ക്ക് സാമി കൊഡുത്താന് എന്റ് നിമാക്ക് തെരിവു.


കുപ്പുറോസുഗാറാര്‌മ് കൊറേന നാഡ്‌ഗാറാര്‌മ് ആന ബേ്റെ ഏസ്സ്‌ഗാറാര് അന്തോക്ക്യാക്ക് പോയി എവനനായ നൊഡിവ ആള്‌ഗാള്‌ക്ക് ഏസ്സ്‌ന പറ്റി സൊല്ലുവ നല്ല സേദിന സൊന്നാര്.


അദ്‌നാലെ എന്ന് കൂട്ടാരാന ഇസ്‌റവേല്‌ഗാറാരെ, നാന് സൊല്ലുവാദ്‌ന കേ്ള്‌ന്, ഏസ്സ് നിമ്മ് പാവാന പൊറുക്കുന്റവാന്‌ത്തെ. മോസെ സട്ടാക്ക് നിമ്മ് പാവഗാള്‌ന പൊറുത്തു തര്യ മുഡ്യാമാട്ട. ആന ഏസ്സ്‌ന നമ്പുവ എല്ലാ ആള്‌ഗാള് പാവഗാള്‌ക്ക് പൊറിമെ കെ്ഡേക്ക്‌മ്. അത്തെ നിമാക്ക് സാമ്യോഡ എന്നാല്‌ക്ക്‌മ് ഉറാവു ഇര്‌ക്ക്‌മ്.


എപ്പികൂര്യാര് എന്റ്‌മ് ഇസ്‌ത്തോയിഗാറാര് എന്റ്‌മ് സൊല്ലിന്ത ബാത്ത്യനാമ്‌ഗാള്‌ല് ലേസ ആള്‌ഗാള് പവുലോസോഡ തറ്‌ക്ക്‌നാര്. <<ഇയാള് സൊല്ലുവാദ് എന്തെന്റ് ഇയാള്‌ക്ക് താനെ തെരിവാദില്ലെ. ഇയാള് എന്ത്‌ന പറ്റി സൊല്ല്യ ഓരാഡ്‌ന്റാന്?>> എന്റ് അവാര്‌ല് ലേസ ആള്‌ഗാള് കേ്ട്ടാര്. ഏസ്സ്‌നാമ്, ഏസ്സ് ഉജുര്‌ളാഗുവാദ്‌നാമ് പറ്റിത്തെ അയാള് സൊന്റാന്. അദ്‌നാലെ <<അയാള് ബേ്റെ സാമിഗാള്‌ന പറ്റിത്തെ സൊന്റാനാര്‌ക്കൊ?>> എന്റ് അവാര്‌ല് ബേ്റെ ലേസ ആള്‌ഗാള് സൊന്നാര്.


ക്‌റ്‌സ്‌ത്ത് കജട്ട പഡുഡൊ എന്റ്‌മ് സാവുലിന്ത് ഉജുര്‌ളാഗുഡൊ എന്റ്‌മ് അവാര്‌ക്ക് സൊക്കാന സൊല്ലി കൊഡുത്താന്. <<നാന് നിമാക്ക് സൊല്ലുവ ഈ ഏസ്സ്‌ത്തെ ക്‌റ്‌സ്‌ത്ത്>> എന്റ്‌മ് പവുലോസു അവാര്‌ക്ക് കാട്ടി കൊഡുത്താന്.


അദ്‌നാലെ സൂസാരിത്ത് ഇര്‌ക്കുഡൊ. മൂറു ബര്‌സ്സ കാല ഇ്റ്‌ട്ട്‌പഗാല് അപ്പാര കജട്ട പട്ട്‌കൊണ്ടു നാന് നിമാക്ക് ബുദ്ദി സൊല്ലി തന്താദ്‌ന നെപ്പ് ബെത്ത്‌റ്‌ന്.


സാമിക്ക് ബേ്ണ്ടി നല്ല സുറുസുറുപ്പോഡ പെ്ളേത്ത് പോവ കാല ആണ്ടവാന് നിമാക്ക് തരുവാന്. അദോഡ നിമാക്ക് ബേ്ണ്ടി ക്‌റ്‌സ്‌ത്ത് ആയി സാമി തെരിന്തെ്ഡ്‌ത്ത ഏസ്സ്‌നാമ് നിമാക്ക് സൊല്ലി ബ്‌ഡുവാന്.


അവാര് എന്നാല്‌മ് ഏസ്സ്‌ത്തെ ക്‌റ്‌സ്‌ത്ത് എന്നുവ ഈ നല്ല സേദിന സാമിബീ്ഡ്‌ല്‌മ് ബീ്ഡ് ബീ്ഡാമ് പഡിസികൊണ്ടുമു, സൊല്ലികൊണ്ടുമു നഡാന്തിന്താര്.


അദുക്കുള പീലിപോസു അയാള് പഡിത്തിന്ത ഈ സാമി ബൊക്കുല സൊല്ലുസുലാക്കാന അര്‌ത്ത മാഡികൊണ്ടു അയാള്‌ക്ക് ഏസ്സ് ക്‌റ്‌സ്‌ത്ത്‌ന പറ്റി സൊല്ലുവ നല്ല സേദി സൊല്ല്യ പ്‌ഡിത്താന്.


പീലിപോസു സമര്യാല ഒന്റു പട്ടണാക്ക് പോയി ക്‌റ്‌സ്‌ത്ത്‌ന പറ്റി അദ്‌ല ആള്‌ഗാള്‌ക്ക് സൊന്നാന്.


അദ്‌ക്ക് പ്‌റ അയാള് ഏസ്സ്‌ത്തെ സാമിമഗാന് എന്റ് എഗുദാര് പരേസുവ ബീ്ഡ്‌ക്ക്‌റാഗ പോയി സൊല്ല്യ പ്‌ഡിത്താന്.


ഏസ്സ് ക്‌റ്‌സ്‌ത്ത്‌ന പറ്റി നാന് സൊല്ലുവ നായന ബെത്ത്‌മ് നല്ല സേദിന ബെത്ത്‌മ് സാമിക്ക് നിമാന ഒറേപ്പ് മാഡ്യ മുഡിമ്. മുന്തെല കാലാത്ത്‌ല് ആള്‌ഗാള്‌ക്ക് ഈ നല്ല സേദി പൊറുളു മറേസി ബെത്തിന്താദ്‌ത്തെ.


ആന എമ്മാഗൊ, കുരുസുലു സത്ത ക്‌റ്‌സ്‌ത്ത്‌ന പറ്റിത്തെ സൊല്ലുവാദ്. അയി സേദി എഗുദാര്‌ക്ക് തൊന്തറെ മാഡുവാദ്‌മ് എഗുദാരല്ലാത്ത ജാദിഗാള്‌ക്ക് ബുദ്ദിഗെ്ട്ട നായാമ്‌ത്തെ.


സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.


സാമിനിഗാല് ഒന്റാള്‌ക്ക് ബുദ്ദില്‌മ് അറുവുലുമു നായ സൊല്ലുവ ബര കൊഡുക്കുന്റാന്, അദേ സാമിനിഗാല് താനെ ഇന്ന്യൊന്റാള്‌ക്ക് ആണ്ടവാന് ബെ്ളിപഡിസി കൊഡുക്കുവ കാര്യഗാള്‌ന നെപ്പ് കെ്ഡേസുവാദ്‌ക്കുള്ള ബര കൊഡുക്കുന്റാന്.


ക്‌റ്‌സ്‌ത്ത് സത്തവാര് പട്ട്‌ലിന്ത് ഉജുര്‌ളാഗ്‌നാന് എന്റ് എമ്മ സൊല്ലി നഡാക്ക്‌ന്റേമ്, ആന സത്തവാര് ഉജുര്‌ളാഗുവാദില്ലെ എന്റ് നിമ്മ് കൂട്ടാത്ത്‌ല് ലേസ ആള്‌ഗാള് സൊല്ലുവാദ് എത്തെ?


സാമിനിഗാല് ഇര്‌ക്ക്‌ന്റവാന് സാമി മനേസ്സ്‌ല് ആസെപഡുവ നെനേവുഗാള്‌ന ഒട്ടുക്കു നെപ്പ്കെ്ഡേസ്‌ന്റാന്. ആന സാമിനിഗാല് ഇല്ലത്തവാന്‌ക്ക് സാമിനിഗാല് ഇര്‌ക്ക്‌ന്റവാന് നെനേവുഗാള്‌ന നെപ്പ്‌കെ്ഡേസ്യ മുഡിവാദില്ലെ.


ആന, ക്‌റ്‌സ്‌ത്തോഡ ബെത്ത്‌റ്‌ക്കുവ ബക്‌തില് നിമ്മ മ്‌ഗ്‌ന്ത്‌റ്‌ക്ക്‌ന്റവാരോഡ, എമ്മ അറുവുമ് ബുദ്ദിമ് ഉള്ള നായ സൊന്റേമ്. അയി അറുവുമു ബുദ്ദിമ് ഉള്ള നായ ഈ ഉലഗാക്ക് പട്ടാദൊ ഈ ഉലഗാന ആളുവ അളിന്ത് പോന്റവാര്‌ക്ക് പട്ടാദൊ അല്ല.


നാന് ഇദ് എ്ള്‌ദുവാദ് നിമാന നാണഗെ്ഡിസ്യല്ല, എന്ന് മെച്ച്‌പ്‌ഡിത്ത മക്കാള് എന്നുവ പാസെ നിമാക്ക് ബുദ്ദി സൊല്ല്യത്തെ നാന് ഇദ് എ്ള്‌ദുവാദ്.


എമ്മ ഒന്റു ജമ്പ് ഗുഡി പോഗാത്ത പട്ട്‌ക്ക് പോനേമ് എന്റ് സൊല്ലി പെരിമെപഡ്‌ന്റവാര്‌ന പാസെ ഉള്ളവാരല്ല എമ്മ. എന്ത്‌ക്കെന്റ് സൊന്ന ക്‌റ്‌സ്‌ത്ത്‌ന പറ്റ്യുള്ള നല്ല സേദിന സൊല്ല്യ എമ്മാത്തെ നിമ്മ് പട്ട്‌ക്ക് മുദാല് ബന്താദ്.


എന്ത്‌ക്കെന്റ് സൊന്ന സാമിക്ക് നിമാന പറ്റി ഇര്‌ക്കുവ അര്‌ക്കത്തെ എനാക്ക്‌മ് ഇര്‌ക്കുവാദ്. ഒന്റു കന്നി പെ്ണ്ണ്‌ന ഒന്റൊരുത്താന്‌ക്ക് കൊഡുക്ക്യ ബാക്ക് കൊഡുത്ത്‌റ്‌ക്കുവ പാസെ ക്‌റ്‌സ്‌ത്ത് എന്നുവ ഒന്റേ ഒന്റു മാപ്‌ളേക്ക് നിമാന കുറ്റ ഇല്ലാത്ത കന്നിപെ്ണ്ണ് ആയി കൊഡുക്ക്യ ബാക്ക് കൊഡുത്ത്‌റ്‌ക്ക്‌ന്റെ.


എമ്മ എമാന പറ്റി അല്ല സൊല്ലുവാദ്, ഏസ്സ് ക്‌റ്‌സ്‌ത്ത്‌ത്തെ ആണ്ടവാന് എന്റ്‌മ് എമ്മ അയാള് ആസെപഡി നിമാക്ക് ബേ്ണ്ടി ഗിലാസ ഗേന്റവാര് എന്റ്‌മ്‌ത്തെ എമ്മ സൊല്ലുവാദ്.


ക്‌റ്‌സ്‌ത്ത്‌ന ബെത്ത് ഇന്നമാട്ട്‌ക്ക് സൊല്ലി തരാദിന്ത അയി അറുവു എത്ത്‌റ ദൊഡ്ഡാദ്? ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്കുവ എഞ്ചോ ആള്‌ഗാള് കൂട്ടാത്ത്‌ല് നാന് ദൊഡ്ഡവാനല്ല. അത്തിന്ത് ഗുഡി അയി നല്ല സേദിന സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്താന്.


ആന ഏസ്സ് മന്‌സാനായി സത്താദ്‌നാലെ സാമി നിമാന കുറ്റകൊറേവു ഇല്ലത്തവാര്‌മ് സാമിക്ക് പട്ടവാര്‌മ് കെ്ട്ടെ്ണ്ണ ഇല്ലത്തവാര്‌മ് മാഡി തനാക്ക് എ്ണേവുഗാറാര് മാഡി ബെത്ത്‌റ്‌ന്റാന്.


എല്ലാ സക്‌തിക്ക്‌മ് അദിഗരഗാള്‌ക്ക്‌മ് തലെ ആയിര്‌ക്കുവ ക്‌റ്‌സ്‌ത്ത്‌ക്ക് നിമ്മ എ്ണേന്താദ്‌നാലെ അയാള് കയിലിന്ത് നിമാക്ക് ബേ്ഡ്‌മാന എല്ലാ അറുവുഗാള്‌മ് കെ്ഡേക്ക്‌ന്റ്.


എല്ലാ ദിന്‌സ് ബുദ്ദിമ് അറുവുമു സേത്തി ബെത്ത്‌റ്‌ക്കുവ സൊത്തുത്തെ ക്‌റ്‌സ്‌ത്ത്.


അദ്‌താനേമല്ല, ഏസ്സ് ക്‌റ്‌സ്‌ത്ത് സൊന്ന സൊല്ലുസുലാക്കാത്ത്‌ല് നിമാക്ക് ഇര്‌ക്കുവ അറുവുന ദൊഡ്ഡ അറുവായി എ്ഡ്‌ക്കുവാദ്‌നാലെ അയി അറുവുന ബെത്ത് സാമി നിമാന ഗവപഡുവാദ്‌ന പറ്റി പാഡുവ പാട്ട്‌ഗാള്‌മ് സാമിക്ക് നണ്ണി സൊല്ലുവ പാട്ട്‌ഗാള്‌മ് തെറ്റ്‌കുറ്റ ഗേഗാദിര്‌ക്ക്യ അഡ്‌ത്തവാര്‌ക്ക് ബുദ്ദി സൊല്ലുവ പാട്ട്‌ഗാള്‌മ് പാഡി സാമിന ഉജാത്ത്‌ന്.


നിമ്മ് പട്ട്‌ലിന്ത് ഈങ്ക് ബന്ത എപ്പപ്‌റോസുമു നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാന്. സാമി മനേസ്സ്‌ലിര്‌ക്കുവ കാര്യഗാള്‌ന നിമ്മ തെരിന്ത് നിമ്മ ഏസ്സ്‌ന പാസെ ആഡൊ എന്റ് ഒപ്പ പരേസികൊണ്ടു ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി നല്ല ഗിലാസ ഗേന്റാന്.


ഈ കാര്യാത്ത്‌ല് ഏസ്സ്‌ഗാറാര് ആയിര്‌ക്കുവ നിമ്മ് കൂട്ടാത്ത്‌ല ആര്‌ക്ക്‌മ് ഇത്തവ ദിന്‌സ് കെ്ട്ട കാര്യഗാളൊ ബഞ്ചിക്കുവ കാര്യഗാളൊ ഗേഗാദേന്. ഇദ്‌ക്കെല്ല പളി എ്ഡ്‌ക്ക്‌ന്റവാന് ആണ്ടവാന്‌ത്തെ എന്റ് എമ്മ മുദാല് താനെ നിമാക്ക് സൊല്ലിര്‌ക്ക്‌ന്റേമ്.


മറേന്ത്‌റ്‌ക്കുവ ദൊഡ്ഡ കാര്യനത്തെ നമ്മ നമ്പിര്‌ക്കുവാദ് എന്റ് എല്ലാ ആള്‌ഗാള്‌ക്ക്‌മ് സൊല്ല്യ മുഡിമ്. ഏസ്സ് ക്‌റ്‌സ്‌ത്ത് മന്‌സാനായി ബന്താന്. ക്‌റ്‌സ്‌ത്ത് ആരെന്റ് സാമിനിഗാല് കാട്ടി തന്ത്‌ദ്. അയാള് ദൂദാര്‌ഗാള് കണ്ണ്‌ക്ക്‌മ് കാട്ട്‌നാന്. എഗുദരല്ലാത്ത ബേ്റെ ജാദിഗാള് പട്ട്‌ല് അയാള്‌ന പറ്റി സൊന്നാര്. ഉലഗാത്ത്‌ല മന്‌സാര് അയാള്‌ന നമ്പ്‌നാര്. അമ്‌സത്തോഡ അയാള്‌ന മേലോഗാക്ക് എ്ഡ്‌ത്താന്.


ആന മൂപ്പാന് ആര്‌മ് കുറ്റ സൊല്ലാത്തവാന്‌മ്, ഒന്റേ പെ്ണ്ടോഡ ഇര്‌ക്ക്‌ന്റവാന്‌മ്, കെ്ട്ട ആസേക്ക് ആളാഗാത്തവാന്‌മ്, ആള്‌ഗാള് മദ്‌സ്‌ന്റവാന്‌മ്, ബന്റവാര് പോന്റവാര്‌ന പിര്യപിര്യാത്ത് തീറ്റ്യൂട്ടി ബ്‌ഡ്‌ന്റവാന്‌മ്, നലമായി പഡിസ്യ മുഡിന്റവാന്‌മ് ആയിര്‌ക്കുഡൊ.


തനാന താനെ ഒന്റേ ഒന്റു ജമ്പ് കൊഡുത്ത പലിനാലെ പാവാന തീത്ത് സുത്താപ്പ് മാഡ്‌നവാര്‌ന എല്ലാ കാലാക്ക്‌മ് ഒന്റേപെ്ട്ട് കൊറേവു ഇല്ലത്തവാര് മാഡ്‌നാന്.


അദ്‌താനേമല്ല, നമ്മ് ആണ്ടവാന് മ്‌ഗ്‌ന്ത പൊറിമോഡ ഇര്‌ക്കുവാദ് ആള്‌ഗാള് തപ്പിസി കഡാക്ക്യ ബേ്ണ്ടിത്തെ എന്നുവ കാര്യന നെനേന്. ഇദ്‌ന താനെത്തെ നമാക്ക് മെച്ച്‌പ്‌ഡിത്തവാന്‌മ് ഏസ്സ്‌ഗാറാന്‌മ് ആയിര്‌ക്കുവ പവുലോസുമ് സാമി തനാക്ക് കൊഡുത്ത അറുവുക്കു തഗ്‌ന്ത പാസെ നിമാക്ക് എ്ള്‌ദിര്‌ക്കുവാദ്.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ