കൊലേസ്യഗാറാര് 1:25 - സാമി സേദി

^25-26 എന്ത്‌ക്കെന്റ് സൊന്ന മുന്തെ കാലാത്ത്‌ല് സാമിന പറ്റി തെര്യാദിന്ത കാര്യഗാള്‌ന ഒട്ടുക്കു ഇന്നാല് ഏസ്സ്‌ഗാറാര് കൂട്ടാക്ക് സൊല്ലി കൊഡുക്കുവ ഗിലാസാന ഗേയ സാമി എനാന തെരിന്തെ്ഡ്‌ത്ത്‌റ്‌ന്റാന്.

കൊലേസ്യഗാറാര് 1:25 ပူးပေါင်းရင်းမြစ်များ

1 കൊരിന്ത്യഗാറാര് 3:5

അപ്പലോസു അത്ത്‌റ ദൊഡ്ഡവാന? പവുലോസു എന്നുവ നാന് അത്ത്‌റ ദൊഡ്ഡവാന? അല്ല. നിമ്മ ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കേല് നിമാന ഒറേത്തവാര് മാഡ്യ ബേ്ണ്ടി നിമാന കയിതാങ്ക്യ ബെത്ത്‌റ്‌ക്കുവ ബെ്റ് നോട്ടഗാറാര്‌ത്തെ എമ്മ. ആണ്ടവാന് തന്ത ഗിലാസഗാള്‌നത്തെ എമ്മ ഒന്റൊന്റാള്‌മ് ഗേന്റേമ്.

1 കൊരിന്ത്യഗാറാര് 9:17

നാന് എന്ന് മനേസ്സാറ ഈ ഗിലാസ ഗേവദാന എനാക്ക് കൂലി കെ്ഡേക്കുവാദ്‌ക്കുള്ള തഗ്‌ദി ഇര്‌ക്ക്‌ന്റ്. ഇദ് നാന് എന്ന് പിര്യാക്ക് തെരിന്തെ്ഡ്‌ത്താദല്ല. ആന സാമി ഈ കാര്യ ഗേയ തന്താദ്‌നാലെ നാന് അദ്‌ന ഗേയ കഡാമെ പട്ടവാന്‌ത്തെ.

എപസോസുഗാറാര് 3:2

അദ്‌താനേമല്ല, നിമാക്ക് നല്ല സേദി സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്ത പാസെ നിമാക്ക്‌മ് സാമി പ്‌ണ്ണ്യ ഗേന്ത്‌റ്‌ന്റാന് എന്റ് നിമാക്ക് തെരിമല്ല.

എപസോസുഗാറാര് 3:7

സാമി പ്‌ണ്ണ്യാത്ത്‌ല്‌ത്തെ ഈ നല്ല സേദിന നിമാക്ക് സൊല്ലി തരുവ ഗിലാസാന എനാക്ക് ഗേവാദ്‌ക്കുള്ള ബാഗ്യ കെ്ഡേത്താദ്. അദ്‌ന ഗേവാദ്‌ക്കുള്ള സക്‌തി സാമി എനാക്ക് തന്താദ്‌നാലെത്തെ നാന് ഈ ഗിലാസഗാറാന് ആനാദ്.

കൊലേസ്യഗാറാര് 1:23

അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.

1 തിമിത്തോസു 4:6

ഈ കാര്യഗാള്‌നെല്ല ഏസ്സ്‌ഗാറാര്‌ക്ക് നീ പഡിസി കൊഡുത്തദാന നീ ക്‌റ്‌സ്‌ത്ത് ഏസ്സ്‌ക്ക് നല്ല ഗിലാസഗാറാനാവായി. ഇത്തെ ഗേന്തദാന നീ കെ്ട്ട്‌പട്ട് നഡാക്കുവ സാമി സൊല്ലുലുമു നമ്പിക്കേന പറ്റി സൊല്ലുവ നേര്‌മാന നായഗാള്‌ല്‌മ് നീ ഗട്ടിഗാറാനാവായി.