കൊലേസ്യഗാറാര് 1:23 - സാമി സേദി23 അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്. အခန်းကိုကြည့်ပါ။ |
കൊലേസ്യഗാറാര് 1:23
72 ပူးပေါင်းရင်းမြစ်များ
അയാള് ഇത്തെ ബീ്ഡ് എ്ഡ്‌ത്തവാന്‌ക്ക് സമാത്തെ. അയാള് ബീ്ഡ് എ്ഡ്‌ക്ക്യ ബെ്ട്ടുവ സാല്‌ഗാള്‌ന നല്ല താത്തി ബെ്ട്ടി അറെ കുദ്ദാക്ക് ബേസ്‌മട്ട കെ്ട്ടി ബീ്ഡ് എഡ്‌ക്ക്‌ന്റാന്. ദൊഡ്ഡ മഗേമ് അഡിത്ത് ദൊഡ്ഡ നീര്‌മ് ബന്ത് ബീ്ഡ്‌ക്ക് ഏ്റ്‌റ്റ്, എന്റിന്ത് ഗുഡി അയി ബീ്ഡ്‌ക്ക് ഒന്റുമു ആഗാലെ. എന്ത്‌ക്കെന്റ് സൊന്ന അയാള് അയി ബീ്ഡ്‌ന നല്ല ഒറേപ്പോഡ കെ്ട്ടിന്താന്.
എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ.
അദല്ലാദെ താനെ ഒന്റു സരിഗലാത്ത്‌ല് ഇര്‌ക്കുവ ഒന്റൊന്റു മൂട്ടുമുറിഗാള് ഒന്റുക്കൊന്റു മൂണ്ടു അദാദ് ഗിലാസ ഗേന്ത് അയി സരിഗലന എത്തെ ദൊഡ്ഡുസുന്റൊ അദേപാസെ ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ നമ്മൊട്ടുക്കുമു ആങ്കീങ്ക് സീവാന്‌ബെത്ത് അവനവാന് ഗിലാസഗാള്‌ന ഗേന്ത് നമ്മൊട്ടുക്കു സാമിക്കിര്‌ക്കുവ ഗുണ ഉള്ളവാരായി തീരുഡൊ.
ആന നമ്മ പഗാല്‌ക്കുള്ളവാര് ആനാദ്‌നാലെ ബോദ ഉള്ളവാരായി ഇര്‌ക്കുഡൊ. ഒന്റു പട്ടളഗാറാന് തന്ന് മാര്‌ന പാദ്‌ഗാക്ക്യ മാര്‌കച്ചെ കെ്ട്ടുവ പാസെ നിമ്മ സീവാനുള്ളവാരായിമ് നമ്പിക്കുള്ളവാരായിമ് ഇര്‌ക്കുഡൊ. അദ്‌താനേമല്ല, അയാള് തലേക്ക് പട്ടള തൊപ്പിന ഇക്കുവ പാസെ ഏസ്സ് നമാന ഒറേപ്പായിമ് കാപാറ്റ്യ ബന്റാന് എന്റ് നിമ്മ നെഞ്ചഡെ ബെത്ത്‌റ്‌ക്കുഡൊ.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
മറേന്ത്‌റ്‌ക്കുവ ദൊഡ്ഡ കാര്യനത്തെ നമ്മ നമ്പിര്‌ക്കുവാദ് എന്റ് എല്ലാ ആള്‌ഗാള്‌ക്ക്‌മ് സൊല്ല്യ മുഡിമ്. ഏസ്സ് ക്‌റ്‌സ്‌ത്ത് മന്‌സാനായി ബന്താന്. ക്‌റ്‌സ്‌ത്ത് ആരെന്റ് സാമിനിഗാല് കാട്ടി തന്ത്‌ദ്. അയാള് ദൂദാര്‌ഗാള് കണ്ണ്‌ക്ക്‌മ് കാട്ട്‌നാന്. എഗുദരല്ലാത്ത ബേ്റെ ജാദിഗാള് പട്ട്‌ല് അയാള്‌ന പറ്റി സൊന്നാര്. ഉലഗാത്ത്‌ല മന്‌സാര് അയാള്‌ന നമ്പ്‌നാര്. അമ്‌സത്തോഡ അയാള്‌ന മേലോഗാക്ക് എ്ഡ്‌ത്താന്.
നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്.
ကြော်ငြာတွေ