Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




കൊലേസ്യഗാറാര് 1:15 - സാമി സേദി

15 ഇന്നമാട്ട്‌ക്ക് ആര്‌ക്ക്‌മ് കാണ്യ മുഡ്യാത്ത സാമിത്ത് ഉരുവാത്തെ ക്‌റ്‌സ്‌ത്ത്. അദ്‌താനേമല്ല, ദ്‌ട്ടിസി ബെത്ത്‌റ്‌ക്കുവ എല്ലാദ്‌ക്ക്‌മ് അയാള്‌ത്തെ തലെകോഡി മഗാന്.

အခန်းကိုကြည့်ပါ။ ကော်ပီ




കൊലേസ്യഗാറാര് 1:15
23 ပူးပေါင်းရင်းမြစ်များ  

എല്ലാദ്‌നാമ് ദ്‌ട്ട്‌സാത്ത മുദാല് താനെ സാമി സൊല്ലുസുലാക്ക ഇന്തിന്ത്‌ദ്. അയി സൊല്ലുസുലാക്ക ആനവാന് സാമ്യോഡൊപ്പ ഇന്തിന്താന്. അയി സൊല്ലുസുലാക്ക ആനവാന് സാമ്യായിന്താന്.


സാമി സൊല്ലുസുലാക്ക മന്‌സാന് പ്‌റാവി എ്ഡ്‌ത്ത്‌ദ്. അയാള് ഗവാമ് സത്ത്യാമ് തുമ്പുനവാനായി നമ്മ് പട്ട്‌ല് പെ്ളേത്തിന്താന്. അപ്പാന് സാമിത്ത് ഒന്റേ ഒന്റു മഗാന് മദ്‌പ്പ്‌ന സാമി സൊല്ലുസുലാക്ക ആനവാന്‌ല് എമ്മ കണ്ടേമ്.


സാമിന ആര്‌മ് ഒന്റു നാള്‌മ് കാണാഗേ ഇല്ലെ, ആന അപ്പാന് സാമി പട്ട്‌ല് ഇര്‌ക്കുവ ഒന്റേ ഒന്റു മഗാനാന സാമിത്തെ നമാക്ക് സാമിന കാട്ടി തന്ത്‌റ്‌ക്കുവാദ്.


ഏസ്സ് അയാള്‌ക്ക് ഇത്തെ സൊന്നാന്: <<നാന് ഇഞ്ചൊന്റു നാള് നിമ്മോഡ ഇന്ത് ഗുഡി നിനാക്ക് എനാന തെരിവാദില്ലേഗ പീലിപോസെ? എനാന കണ്ടവാന് അപ്പാന്‌ന കണ്ട്‌റ്‌ന്റാന്, പിന്നെ അപ്പാന്‌ന കാട്ടി തരുഡൊ എന്റ് നീ സൊല്ലുവാദ് എത്തെ?


ബേ്റെ ആര്‌മ് ഗേഗാത്ത കാര്യഗാള്‌ന അവാര് പട്ട്‌ല് നാന് ഗേഗാദിന്തിന്തദാന അവാര്‌ക്ക് പാവ ഇല്ലാദിന്ത്‌റ്‌ക്ക്‌മ്. ആന ഇന്നാല് ഈ കാര്യഗാള്‌നെല്ല അവാര് കണ്ട്‌മ് ഇര്‌ന്റാര്, എനനാമ് എന്നപ്പാന് സാമിനാമ് തൊറേന്ത്‌മ് ഇര്‌ന്റാര്.


തനാക്ക് ഒന്റേ ഒന്റു മഗാനായി പ്‌റാന്തവാന്‌ന നമ്പുവ ഏവാന്‌മ് കെ്ട്ട് പോഗാദെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ ബേ്ണ്ടി സാമി അയാള്‌ന ഉലഗാക്ക് സൊല്ലി ബ്‌ട്ടാന്. ഇത്തെ തന്ന് ഒന്റേ ഒന്റു മഗാന്‌ന ഉലഗാക്ക് ബേ്ണ്ടി കൊഡുക്ക്യ മുഡിവളാവുക്കു സാമി അത്ത്‌റാക്ക്‌മ് ഉലഗാന സീവാന്‌പട്ടാന്.


എന്ത്‌ക്കെന്റ് സൊന്ന, സാമി താന് മുന്നുക്കെ തെരിന്തിന്തവാര്‌ന തന്ന് മഗാന്‌ക്ക് ഇര്‌ക്കുവ ഉരുവാന പാസെ ആയ ബേ്ണ്ടി സാമി അവാര്‌ന അലാക്ക പ്‌റ്‌ത്ത് ബെത്ത് അവാര്‌ക്ക് തന്ന് മഗാന്‌ന തലെകോഡി അണ്ണാന് മാഡ്‌നാന്.


ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.


<<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്.


ക്‌റ്‌സ്‌ത്ത് ഏസ്സ് സാമ്യായിന്ത് ഗുഡി സാമിക്കിര്‌ക്കുവ പദാവിപട്ടാത്ത്‌ല് താനെ ഇര്‌ക്കുഡൊ എന്റ് നെനേക്കാദെ


എല്ലാ കാലാക്ക് ആളുവ രാജാവുമു, എല്ലാ കാലാക്ക് അളിവില്ലാത്തവാന്‌മ്, ആര്‌ക്ക്‌മ് കാണ്യ മുഡ്യാത്തവാന്‌മ് ആയിര്‌ക്കുവ ഒന്റേ ഒന്റു സാമി എന്നാല്‌ക്ക്‌മ് ദൊഡ്ഡവാന്‌മ് പേര്‌പെരിമെ ഇര്‌ക്ക്‌ന്റവാന്‌മ് ആയിര്‌ക്കുഡൊ. ആമേന്.


സാമി എന്നാല്‌ക്ക്‌മ് പെ്ളേത്ത്‌റ്‌ന്റവാന്‌ത്തെ. ആര്‌ക്ക്‌മ് അര്‌ഗെ അണ്ട്യ മുഡ്യാത്തത്ത്‌റ ബെ്ള്‌സാത്ത്‌ല്‌ത്തെ സാമി ഇര്‌ക്കുവാദ്. സാമിന ആര്‌മ് കാണാഗേ ഇല്ലെ. ആര്‌ക്ക്‌മ് സാമിന കാണ്യ മുഡ്യാഗേ മാട്ട. അയി സാമിന എല്ലാ ആള്‌ഗാള് മദ്‌സുഡൊ. അയി സാമി ബില ഉള്ളവാനായി എല്ലാ ആള്‌ഗാള്‌നാമ് എന്നാല്‌ക്ക്‌മ് ആളുഡൊ. ആമേന്.


മഗാന് അപ്പാന് മദ്‌പ്പ്‌ക്ക് ഇര്‌ക്കുവ ബെ്ഡിപ്പ്‌ന കാട്ട്‌ന്റവാന്‌മ് സാമി ഏദ് ദിന്‌സ്‌ല് ഇര്‌ക്ക്‌ന്റാനൊ അദേപാസെ ഇര്‌ക്ക്‌ന്റവാന്‌മ്‌ത്തെ. മഗാന് തന്ന് സൊല്ലുസുലാക്കാക്ക് ഇര്‌ക്കുവ സക്‌തിനാലെ ഈ അണ്ടസരാസരന താങ്കിര്‌ന്റവാന്‌മ്‌ത്തെ. മന്‌സാര് പാവാന തീത്ത് തള്ള്‌ന പ്‌റ അയാള് മേലോഗാത്ത്‌ല് മദ്‌പ്പുള്ള സാമി ബല സാരി ആള്യ കുക്കാന്ത്‌റ്‌ന്റാന്.


സാമി തന്ന് കോഡില മഗാന്‌ന ഉലഗാക്ക് സൊല്ലി ബ്‌ഡ്‌ഗാട്ടി, <<സാമിദൂദാര്‌ഗാള് എല്ലാവാര്‌മ് അയാള്‌ന കുമ്മുഡുഡൊ>> എന്റ്‌മ് സാമി സൊന്നാന്.


മോസേക്ക് നമ്പിക്കെ ഇന്താദ്‌നാലെ രാജാവു മൊനേക്ക് അഞ്ചാദെ അയാള് മിസ്‌റേമ്‌ലിന്ത് പോനാന്. ആര്‌ക്ക്‌മ് കാണ്യ മുഡ്യാത്ത സാമിന കണ്ട പാസെ അയാള് ഒറേപ്പോഡ പോനാന്.


<<ലവുദിക്ക്യ പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: ആമേന് എന്റ് സൊല്ലുന്റവാന് സൊല്ലുവാദ് ഇദ്‌ത്തെ. അയാള് സത്ത്യന പറ്റി സൊല്ലുവാദ്‌ല് നമ്പ്യ മുഡിന്റവാന്‌ത്തെ. അയാള്‌ന ബെത്ത്‌ത്തെ സാമി എല്ലാദ്‌നാമ് ദ്‌ട്ട്‌സ്‌നാദ്.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ