കൊലേസ്യഗാറാര് 1:11 - സാമി സേദി

¹¹ അദ്‌താനേമല്ല, ക്‌റ്‌സ്‌ത്ത് തനാക്ക് ബന്ത കജട്ടഗാള്‌ന പിര്യപിര്യാത്ത് താങ്ക്‌ന പാസെ നിമാക്ക് ബരുവ കജട്ടഗാള്‌നാമ് പൊറിമോഡ താങ്കുവാദ്‌ക്കുള്ള സക്‌തി നിമാക്ക് കെ്ഡേക്ക്യ ബേ്ണ്ടിമ് പരേസ്‌ന്റേമ്.

കൊലേസ്യഗാറാര് 1:11 ပူးပေါင်းရင်းမြစ်များ

അപ്പോസുത്തലാര് 1:8

ആന സാമിനിഗാല് നിമാക്ക് ഏ്റ്‌മ്. അന്നാപ്പ് നിമാക്ക് ബില കെ്ഡേക്കുവു. അത്തെ മുദാല് നിമ്മ എര്‌സലേമ്‌ഗാറാര്‌ക്ക്‌മ് എഗുദ നാഡ്‌ല് ഒട്ടുക്കുമു സമര്യ ദേസഗാറാര്‌ക്ക്‌മ് എനാന പറ്റി സൊല്ലുവുറു. അദ്‌ക്ക് പ്‌റ ഉലഗാത്ത്‌ല് എല്ലാ സാരിമ് ഇര്‌ക്കുവ ആള്‌ഗാള്‌ക്ക്‌മ് എനാന പറ്റി സൊല്ലുവുറു.>>

അപ്പോസുത്തലാര് 5:41

ഏസ്സ്‌ക്ക് ബേ്ണ്ടി മാനഗെ്ഡ്യ എ്ഡെ കെ്ഡേത്താദ്‌നാലെ അപ്പോസുത്തലാര് പിര്യപിര്യാത്ത് എഗുദ കോഡിദിലിന്ത് പോനാര്.

റോമഗാറാര് 2:7

സോറ്റു പോഗാദിന്ത് നല്ല കാര്യഗാള് ഗേന്ത് മാനാമ് മദ്‌പ്പ്‌മ് അളിവില്ലാത്ത പെ്ളേപ്പ്‌മ് കെ്ഡേസ്യ നോഡുന്റവാര്‌ക്ക് സാമി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുവാന്.

1 കൊരിന്ത്യഗാറാര് 16:13

സൂസാരിത്തിര്‌ന്, നമ്പിക്കേല് ഒറേത്തിര്‌ന്, ദയിര ഉള്ളവാരായി ഇര്‌ന്, ബെജെ ഉള്ളവാര് ആയി ഇര്‌ന്.

2 കൊരിന്ത്യഗാറാര് 4:7

എന്റാല്‌മ് ഈ ദൊഡ്ഡ സക്‌തി എമ്മ് സൊന്തല്ല, സാമിത്ത്‌ത്തെ എന്റ് കാട്ടി കൊഡുക്ക്യ ബേ്ണ്ടി ഈ സൊത്തു ബില ഇല്ലാത്ത മണ്ണ് സട്ടിന പാസെ ഇര്‌ക്കുവ എമ്മ് നെഞ്ച് കുള്ളുക്കുത്തെ തന്ത്‌റ്‌ക്കുവാദ്.

എപസോസുഗാറാര് 3:16

അയി സാമിക്കിര്‌ക്കുവ പേര്‌പെരിമെ എത്ത്‌റ ദൊഡ്ഡാദൊ അദ്‌ക്ക് തഗ്‌ന്ത ദിന്‌സ്‌ല് അയി സാമി തന്ന് നിഗാല്‌ന ബെത്ത് നിമ്മ് നെഞ്ച്‌ന ദയിരപഡുസുഡോമെ.

എപസോസുഗാറാര് 4:2

എന്ത്‌ക്കെന്റ് സൊന്ന നിമാക്ക് എത്ത്‌റ കജട്ട ബന്താല്‌മ് അദ്‌നെല്ല താങ്കി ആങ്കീങ്ക് സീവാന്‌ബെത്ത് നഡാന്ത് നിമ്മ ദൊഡ്ഡവാര് എന്റ് പെരിമെപട്ട് നഡാക്കാദെ തണിന്ത് നഡാന്.

എപസോസുഗാറാര് 6:10

കഡേസി നാന് സൊല്ലുവ കാര്യ എന്തെന്റ് സൊന്ന, ക്‌റ്‌സ്‌ത്ത്‌ക്ക് എത്ത്‌റ സക്‌തിര്‌ന്റ് എന്നുവാദ്‌ന തെരിന്ത് അയാള് തരുവ സക്‌തിന കെ്ഡേസി കൊണ്ടേ പെ്ളേന്.

പിലിപ്പ്യഗാറാര് 4:13

ക്‌റ്‌സ്‌ത്ത് എനാന ബിലപഡുസുവാദ്‌നാലെ ഇത്തെ ബരുവ ഏദ് കാര്യഗാള്‌ക്ക്‌മ് നല്ല ദിന്‌സ്‌ല് ഒത്തുപട്ട് പോയ എനാക്ക് മുഡിമ്.

2 പത്ത്‌റോസു 1:6

സാമിന പറ്റ്യുള്ള അറുവു സമ്പാരിത്ത് സേത്തുവാദോഡൊപ്പ നിമ്മ അഡക്കൊദുക്കത്തോഡ പെ്ളേക്ക്യ പഡിന്, അഡക്കൊദുക്കത്തോഡ പെ്ളേക്ക്യ പഡിക്കുവാദോഡൊപ്പ എന്ത്‌നാമ് താങ്ക്‌ന്റവാരായി ഇര്‌ക്ക്യ പഡിന്, എന്ത്‌നാമ് താങ്ക്‌ന്റവാരായി ഇര്‌ക്ക്യ പഡിക്കുവാദോഡൊപ്പ സാമി ബക്‌ത്യോഡ പെ്ളേക്ക്യ പഡിന്,

ബെ്ളിപട്ട കാര്യ 14:12

ഏസ്സ്‌ന നമ്പി നഡാക്ക്‌ന്റവാര്‌മ് സാമി സട്ടപഡി നഡാക്ക്‌ന്റവാര്‌മ് ആന സാമിഗാറാര് പൊറിമോഡ താങ്ക്‌ന്റവാര് ആയിര്‌ക്കുഡൊ എന്റ്‌ത്തെ ഇദ് അര്‌ത്ത മാഡുവാദ്.