അപ്പോസുത്തലാര് 9:5 - സാമി സേദി

⁵ <<ആണ്ടവാനെ നീ ആര്?>> എന്റ് സവുലു കേ്ട്ടാന്. <<നീ കൊഡിമെ പഡിസികൊണ്ട്‌റ്‌ക്കുവ ഏസ്സ്‌ത്തെ നാന്>>

അപ്പോസുത്തലാര് 9:5 ပူးပေါင်းရင်းမြစ်များ

അപ്പോസുത്തലാര് 10:14

ആന പത്ത്‌റോസു: <<ആണ്ടവാനെ എന്നാല്‌ക്ക്‌മ് നാന് ഇദ്‌ന തിന്നാഗേ മാട്ടെ. തിന്ന്യ അയിത്ത്യുള്ളാദാനാക്ക് തിന്ന ബേ്ഡ എന്റ് സട്ട ബെത്ത്‌റ്‌ക്കുവാദ്‌നാമ് ഇന്നിമ് നാന് തിന്നാഗേ ഇല്ലെ>> എന്റ് സൊന്നാന്.

അപ്പോസുത്തലാര് 26:14

അന്നാല് താനെ എമ്മൊട്ടുക്കു മണ്ണ്‌ക്ക് ബ്‌ന്തേമ്. അദുക്കുള <സവുലെ, സവുലെ നീ എന്ത്‌ക്ക് എനാന കൊഡിമെപഡ്‌സ്‌ന്റായി? നീ എന്നോഡ മുട്ടുവാദ്‌നാലെ നീ നിനാക്ക് താനെത്തെ ഉറുസ്സുന സമ്പാരിക്ക്‌ന്റായി> എന്റ് എവുറായ നായാത്ത്‌ല് എനാക്ക് സൊല്ലുവ ഒന്റു ജദ്ദന നാന് കേ്ട്ടേന്.

അപ്പോസുത്തലാര് 26:9

നസറേത്ത്‌ഗാറാന് ഏസ്സ്‌ന നമ്പ്‌ന്റവാരോഡ ജൂദുപ്‌ഡിത്ത് എനാക്ക് ഗേയ മുഡിവാദ്‌ന ഒട്ടുക്കു ഗേഡൊ എന്റ് നാന് നെനേത്തിന്തേന്.

അപ്പോസുത്തലാര് 5:39

ആന ഇവാര്‌ത്ത് നെനേവുമു ഗേവ ഗിലാസാമ് സാമിത്ത് ആയിന്തദാന നിമാക്ക് ഇവാര്‌ന കൊല്ല്യ മുഡ്യാമാട്ട. നിമ്മ സാമ്യോഡ ജൂദുപ്‌ഡിത്ത് മല്ല്‌പ്‌ഡിക്ക്‌ന്റവാര് ആഗ ബേ്ഡ.>> ഗമേലിയേല് സൊന്നാദ്‌ന എഗുദ കോഡിദിഗാറാര് സെരി എന്റാര്.

അപ്പോസുത്തലാര് 9:4

അന്നാല് താനെ അയാള് മണ്ണ്‌ക്ക് ബ്‌ന്താന്. <<സവുലെ, സവുലെ, നീ എന്ത്‌ക്ക് എനാന കൊഡിമെപഡ്‌സ്‌ന്റായി?>> എന്റ് അയാള്‌ക്ക് സൊല്ലുവ ഒന്റു ജദ്ദന കേ്ട്ടാന്.

അപ്പോസുത്തലാര് 9:6

<<നീ ഇ്ളാഗി പട്ടണാക്ക് പൊ, നീ ഗേയ ഇര്‌ക്ക്‌വാദ്‌ന അദ്‌ല് ബെത്ത് നിനാക്ക് ഒന്റൊരുത്താന് സൊല്ലി തരുവാന്>> എന്റ് പിന്നേമ് ജദ്ദ കേ്ട്ട്‌ദ്.

1 കൊരിന്ത്യഗാറാര് 10:22

നമ്മ ആണ്ടവാന്‌ന മൊനെപഡ്‌സ്‌ന്റാമ? അവാന്‌ന ബ്‌ഡ ദൊഡ്ഡവാരെന്റ് നമ്മ നെനേക്ക്‌ന്റാമ?

പിലിപ്പ്യഗാറാര് 3:12

ഈ കാര്യഗാളെല്ല എന്ന് പെ്ളേപ്പ്‌ല് നഡാന്ത്‌ദെന്റൊ നാന് എല്ലാ കാര്യാത്ത്‌ല്‌മ് ഒന്റു കൊറേവുമു ഇല്ലത്തവാനെന്റൊ അല്ല സൊല്ലുവാദ്. ആന ക്‌റ്‌സ്‌ത്ത് ഏസ്സ് എനാന തെരിന്തെ്ഡ്‌ത്താദ്‌നാലെ ക്‌റ്‌സ്‌ത്ത് ആസെപഡുവ ഒന്റാളായി തീര്യ ബേ്ണ്ടി നാന് എന്നാവാദ് ഓരാഡി കൊണ്ടു ഇര്‌ക്ക്‌ന്റെ.

1 തിമിത്തോസു 1:13

നാന് ഏസ്സ്‌ന നമ്പാത്താദ്‌ക്ക് മുദാല് ക്‌റ്‌സ്‌ത്ത് ഏസ്സ്‌ന കുറ്റ സൊല്ലികൊണ്ടുമു, ഏസ്സ്‌ന നമ്പി നഡാക്ക്‌ന്റവാര്‌ന കൊഡിമെ പഡിസികൊണ്ടുമു, അട്ടുളി ഗേന്ത് കൊണ്ടുമു ഇന്തേന്. ആന ഇത്തെ ഗേവാദെല്ല തപ്പ് എന്റ് തെര്യാത്താദ്‌നാലേമ് ഏസ്സ്‌ന നമ്പാത്ത മുദാല് ഗേന്താദ്‌നാലേമ് സാമിക്ക് എനാന ബേ്റ്‌വെന്ത്‌ദ്.