അപ്പോസുത്തലാര് 9:31 - സാമി സേദി31 അത്തെ എഗുദ, ഗലീല, സമര്യ എന്നുവ ദേസഗാള്‌ല ഏസ്സ്‌ഗാറാര് കൂട്ടഗാള്‌ക്ക് ഒട്ടുക്കു ഇന്ത തൊന്തറെ ലേസ നാള് മാട്ട്‌ക്ക് തീന്ത് നലമായി ആറ്റ്. സാമിനിഗാല് കയി താങ്ക്‌നാദ്‌നാലെ ഏസ്സ്‌ഗാറാര് കൂട്ട ഒട്ടുക്കു ഒറേത്താര്. അത്തെ അവാര് മൊത്തനാക്ക് പെര്‌ഗ്‌നാര്. അവാര് ഒട്ടുക്കു ആണ്ടവാന് ബക്‌തില് പെ്ളേത്ത് ബന്താര്. အခန်းကိုကြည့်ပါ။ |
അപ്പോസുത്തലാര് 9:31
56 ပူးပေါင်းရင်းမြစ်များ
അദ്‌നാലെ ഏസ്സ്‌ഗാറാരെ, നാന് നിമാക്ക് സൊന്ന കാര്യാക്ക് ഇര്‌ക്കുവ അര്‌ത്ത ഇദ്‌ത്തെ. നിമ്മ ഒന്റായി കൂഡി സാമിന കുമ്മുഡുഗാട്ടി നിമ്മ് പട്ട്‌ല് പാഡ്‌ന്റവാര് ഇര്‌ക്കുവാര്, പഡ്‌സ്‌ന്റവാര് ഇര്‌ക്കുവാര്, സാമി കാട്ടി കൊഡുക്കുവ കാര്യഗാള്‌ന സൊല്ലുന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള് സൊന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള്‌ക്ക് അര്‌ത്ത സൊല്ലുന്റവാര് ഇര്‌ക്കുവാര്. ഇദെല്ല ഏസ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി സേത്തി മാഡ്യ ഉവഗരപഡുസുഡൊ.
എമ്മ ഇന്നാല്‌മ് എമാന നിമ്മ് കണ്ണ്‌ക്ക് കുറ്റ ഇല്ലത്തവാര് എന്റ് ബാദിക്ക്യ ബേ്ണ്ടി ഓരാഡ്‌ന്റേമ് എന്റ് നിമ്മ നെനേക്ക്‌ന്റ്‌റ? ഇല്ലെഗേ ഇല്ലെ. സാമി കണ്ണ്‌ക്ക് എമ്മ എത്തെ നായ നൊഡിഡൊ എന്റ് ക്‌റ്‌സ്‌ത്ത് ആസെപഡ്‌ന്റാനൊ അദേപാസെത്തെ എമ്മ നായനൊഡിവാദ്. എനാക്ക് മെച്ച്‌പ്‌ഡിത്ത എ്ണേവുഗാറാരെ, എമ്മ ഈ ഗേവാദെല്ല നിമ്മ് നമ്പിക്കേല് നിമാന ഒറേപ്പ് മാഡ്യത്തെ.
അദല്ലാദെ താനെ ഒന്റു സരിഗലാത്ത്‌ല് ഇര്‌ക്കുവ ഒന്റൊന്റു മൂട്ടുമുറിഗാള് ഒന്റുക്കൊന്റു മൂണ്ടു അദാദ് ഗിലാസ ഗേന്ത് അയി സരിഗലന എത്തെ ദൊഡ്ഡുസുന്റൊ അദേപാസെ ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ നമ്മൊട്ടുക്കുമു ആങ്കീങ്ക് സീവാന്‌ബെത്ത് അവനവാന് ഗിലാസഗാള്‌ന ഗേന്ത് നമ്മൊട്ടുക്കു സാമിക്കിര്‌ക്കുവ ഗുണ ഉള്ളവാരായി തീരുഡൊ.
നേരല്ലാത്ത കദെഗാള്‌നാമ് മൂട്ടുമുറില്ലാത്ത കാല്‌കെ്ളെഗാള്‌നാമ് പറ്റി സൊല്ലുവാദ്‌ത്തെ അവാര്‌ക്ക് കാര്യ. ഇദെല്ല ആള്‌ക്കാള്‌ക്ക് തറ്‌ക്ക ബര്യാത്തെ എ്ഡെ ആമ്. അല്ലാദെ ഏസ്സ് ക്‌റ്‌സ്‌ത്തോഡെ ബെത്ത്‌റ്‌ക്കുവ നമ്പിക്കേല് ഗേവ സാമി ഗിലാസഗാളൊന്റുമല്ല. അദ്‌നാലെ അത്തവ കാര്യഗാള്‌ന സൊല്ലുവ നായഗാള്‌ന നീ പഡിസ്യാഗേ ബ്‌ഡാദെ.
ကြော်ငြာတွေ