അപ്പോസുത്തലാര് 9:3 - സാമി സേദി

³ അത്തെ സവുലു ദമാസ്‌കോസുക്കു അര്‌ഗെ എജ്ജ്‌നാന്. അദുക്കുള ദിഗിരന ബാന്‌ലിന്ത് ഒന്റു ബെ്ള്‌സ അയാള്‌ക്ക് സുറ്റുമു അഡിത്ത്‌ദ്.

അപ്പോസുത്തലാര് 9:3 ပူးပေါင်းရင်းမြစ်များ

അപ്പോസുത്തലാര് 22:6

<<അത്തെ നാന് പോയി ദമാസ്‌കോസുക്കു അര്‌ഗെ എജ്ജ്‌ഗാട്ട്യെല്ല നേര ഉച്ചി ആറ്റ്. അയി ഗളിഗെ ദിഗിരന ബാന്‌ലിന്ത് ദൊഡ്ഡ ഒന്റു ബെ്ള്‌സ സുറ്റുമു അഡിത്ത്‌ദ്.

അപ്പോസുത്തലാര് 9:17

അദ്‌നാലെ അനനാസ് സവുലു ഇന്ത അയി ബീ്ഡ്‌ക്ക് പോയി അയാള് തലേക്ക് കയി ബെത്ത് കൊണ്ടു: <<അയ്യാ, സവുലെ, നിനാക്ക് കണ്ണ്‌കാട്ട്യാമ്, സാമിനിഗാല് മൂഡ്യാമ് നീ ബരുവ ബട്ടേല് ബെത്ത് നിനാക്ക് ബെ്ളിപട്ട ഏസ്സ് എന്നുവ ആണ്ടവാന് എനാന സൊല്ലി ബ്‌ട്ട്‌റ്‌ന്റാന്>> എന്റ് സൊന്നാന്.

അപ്പോസുത്തലാര് 9:27

അദുക്കുള ബറ്‌ണവാസ് എന്നുവ ഒന്റൊരുത്താന് ബന്ത് സവുലുക്കു തൊണെ നിന്റ് അപ്പോസുത്തലാര് പട്ട്‌ക്ക് കൂട്ടി പോനാന്. പ്‌റ സവുലു ആണ്ടവാന്‌ന കണ്ടാദ്‌നാമ്, ആണ്ടവാന് അയാളോഡ നായ നൊഡിന്താദ്‌നാമ്, ദമാസ്‌കോസുലു അയാള് ഏസ്സ്‌ന പറ്റി ദയിരത്തോഡ സൊന്നാദ്‌നാമ് ബറ്‌ണവാസ് അപ്പോസുത്തലാര്‌ക്ക് സൊക്കാന സൊന്നാന്.

1 കൊരിന്ത്യഗാറാര് 15:8

കഡേഗല, അളിത്ത് തള്ള്‌ന പ്‌ള്ളെന പാസെ ഇര്‌ക്കുവ എന്ന് കണ്ണ്‌ക്ക്‌മ് കാട്ട്‌നാന്.

1 കൊരിന്ത്യഗാറാര് 9:1

എന്ന് കാര്യഗാള്‌ന നോഡ്യ എനാക്ക് ഉരിമെ ഇല്ലേഗ? നാനൊന്റു അപ്പോസുത്തലാന് അല്ലാഗ? നാന് നമ്മ് ആണ്ടവാന് ഏസ്സ്‌ന കാണാലെഗ? നാന് ആണ്ടവാന്‌ക്ക് ബേ്ണ്ടി ഗിലാസ ഗേന്താദ്‌ക്കുള്ള പല നിമ്മാത്തെ.

1 തിമിത്തോസു 6:16

സാമി എന്നാല്‌ക്ക്‌മ് പെ്ളേത്ത്‌റ്‌ന്റവാന്‌ത്തെ. ആര്‌ക്ക്‌മ് അര്‌ഗെ അണ്ട്യ മുഡ്യാത്തത്ത്‌റ ബെ്ള്‌സാത്ത്‌ല്‌ത്തെ സാമി ഇര്‌ക്കുവാദ്. സാമിന ആര്‌മ് കാണാഗേ ഇല്ലെ. ആര്‌ക്ക്‌മ് സാമിന കാണ്യ മുഡ്യാഗേ മാട്ട. അയി സാമിന എല്ലാ ആള്‌ഗാള് മദ്‌സുഡൊ. അയി സാമി ബില ഉള്ളവാനായി എല്ലാ ആള്‌ഗാള്‌നാമ് എന്നാല്‌ക്ക്‌മ് ആളുഡൊ. ആമേന്.

ബെ്ളിപട്ട കാര്യ 21:23

പട്ടണാക്ക് ബെ്ള്‌സഡിക്ക്യ നേരാഗൊ നിലാവൊ ബേ്ഡ. എന്ത്‌ക്കെന്റ് സൊന്ന സാമി മദ്‌പ്പ്‌ക്ക് ഇര്‌ക്കുവ ബെ്ഡിപ്പ് ബെ്ള്‌സായി പട്ടണാക്ക് അഡിത്തിന്ത്‌ദ്. കൊറ്യാഡ് കുട്ടി അയി പട്ടണാക്ക് ബ്‌ളാക്ക്‌മ്‌ത്തെ.

ബെ്ളിപട്ട കാര്യ 22:5

അദ്‌ല് ഇന്നി ജാമ ഇര്‌ക്കമാട്ട. സാമ്യാന ആണ്ടവാന് അവാര്‌ക്ക് ബ്‌ളാക്ക് ആയിര്‌ക്കുവാദ്‌നാലെ ബ്‌ളാക്ക് ബെ്ള്‌സാഗൊ നേര ബെ്ള്‌സാഗൊ അവാര്‌ക്ക് തേവില്ലെ. അവാര് എന്നാല്‌ക്ക്‌മ് രാജാവുഗാള്‌ന പാസെ ആളുവാര്.