അപ്പോസുത്തലാര് 9:23 - സാമി സേദി

²³ എഞ്ചോ നാള് കളിന്ത പ്‌റ എഗുദാര് ഒന്റായി എ്ണേന്ത് സവുലുന കൊല്ല്യ സട്ട കെ്ട്ട്‌നാര്.

അപ്പോസുത്തലാര് 9:23 ပူးပေါင်းရင်းမြစ်များ

അപ്പോസുത്തലാര് 13:50

ആന സാമിന കുമ്മുഡിന്ത എഗുദാര് അല്ലാത്ത മദ്‌പ്പ് ഇര്‌ക്കുവ പെ്ണ്ണ്‌മക്കാള്‌നാമ് പട്ടണാത്ത്‌ല ദൊഡ്ഡുദൊഡ്ഡ തലെവാര്‌ഗാള്‌നാമ് എഗുദാര് ഗോളിസി ബ്‌ട്ട് പവുലോസുനാമ് ബറ്‌ണവാസ്‌നാമ് കൊഡിമെപഡിസ്യ പ്‌ഡിത്താര്. അത്തെ അവാര് അയി ദേസാലിന്ത് അവാര്‌ന മുഡുക്കുനാര്.

അപ്പോസുത്തലാര് 14:19

അദുക്കുള അന്തോക്ക്യ പട്ടണാത്ത്‌ലിന്ത്‌മ് ഇക്കോന്യ പട്ടണാത്ത്‌ലിന്ത്‌മ് ലേസ എഗുദാര് അദ്‌ക്ക് എജ്ജ്‌നാര്. അവാര് ആള്‌ഗാള്‌ന തമ്മ് സാരി സേത്തി പവുലോസുക്കു കല്ലെ്റിന്താര്. അയാള് സത്താന് എന്റ് നെനേത്ത് അവാര് അയാള്‌ന പട്ടണാക്ക് ബെ്ളിഗെ ഇ്ള്‌ത്തെ്ഡ്‌ത്ത് പോനാര്.

അപ്പോസുത്തലാര് 14:2

ആന ഏസ്സ്‌ന നമ്പുവാദ്‌ന തെ്റിന്ത് തള്ള്‌ന എഗുദാര് അല്ലാത്ത ജാദിഗാള്‌ക്ക് കോളു സൊല്ലി ഏസ്സ്‌ഗാറാര്‌ക്ക് പോട്ടിമാഡ്‌നാര്.

അപ്പോസുത്തലാര് 15:26

പവുലോസുമു, ബറ്‌ണവാസ്‌മ് നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി ഗിലാസ ഗേഗാട്ടി ആള്‌ഗാള് എഞ്ചോ ജമ്പ് അവാര്‌ന കൊല്ല്യ പട്ടാര്.

അപ്പോസുത്തലാര് 20:3

അദ്‌ല് അയാള് മൂറു മാസ തങ്ക്‌നാന്. പ്‌റസാരി സ്‌റിയാക്ക് കപ്പാല് ഏ്റ്യ പഡ്‌ഗാട്ടി എഗുദാര് അയാള്‌ന കൊല്ല്യ ബേ്ണ്ടി സട്ട കെ്ട്ടിന്താര്. അദ് പവുലോസുക്കു തെരിന്ത്‌ദ്. അദ്‌നാലെ മക്കെദോന്യ ബട്ടെ തിരിഗി പോഡൊ എന്റ് അയാള് മുഡിവാക്ക്‌നാന്.

അപ്പോസുത്തലാര് 23:12

നേര ബെ്ഡിന്ത പ്‌റ ലേസ എഗുദാര് ഒന്റായി എ്ണേന്ത് ഒന്റു സട്ട കെ്ട്ട്‌നാര്. പവുലോസുന കൊല്ലമാട്ട്‌ക്ക് അവാര് ഒന്റുമു തിന്നാമ് മാട്ടേമ് കുഡിക്കാമ് മാട്ടേമ് എന്റ് സത്ത്യ ഗേന്താര്.

അപ്പോസുത്തലാര് 9:16

എനാക്ക് ബേ്ണ്ടി എന്തെല്ല കജട്ടഗാള് താങ്കുഡൊ എന്നുവാദ്‌ന നാന് താനെ അയാള്‌ക്ക് കാട്ടി കൊഡുക്കുവേന്>> എന്റ് സൊന്നാന്.

അപ്പോസുത്തലാര് 9:22

ആന മുദാലിന്താദ്‌ന ബ്‌ഡ നല്ല സക്‌ത്യോഡ സവുലു ഈ സേദിന സൊന്നാന്. അയാള് ദമാസ്‌കോസുല എഗുദാര്‌ക്ക് ഏസ്സ്‌ത്തെ ക്‌റ്‌സ്‌ത്ത് എന്റ് സൊന്നാന്. അത്തെ സൊല്ലി അയാള് എഗുദാര്‌ ബായിന അഡാക്ക്‌നാന്.

2 കൊരിന്ത്യഗാറാര് 11:26

ഒന്റേ പട്ട്‌ല് താനെ എനാക്ക് ഇര്‌ക്ക്യ മുഡ്യാദെ പല പല എ്ഡെഗാള്‌ക്ക്‌മ് പോവ ഗെദി ബന്ത്‌ദ്. പോഗാട്ട്യെല്ല ദൊഡ്ഡുദൊഡ്ഡ ബാനി നീര്‌ലിന്ത് ബന്ത ആവാത്ത്‌ക്ക്‌മ്, കൊള്ളെഗാറാര്‌ലിന്ത് ബന്ത ആവാത്ത്‌ക്ക്‌മ്, സൊന്ത ജാദിഗാറാര്‌ലിന്ത് ബന്ത ആവാത്ത്‌ക്ക്‌മ്, ബേ്റെ ജാദിഗാള്‌ലിന്ത് ബന്ത ആവാത്ത്‌ഗാള്‌ക്ക്‌മ് സിക്ക്‌നെ. പട്ടണഗാള്‌ലിന്ത്‌മ് സോലെഗാള്‌ലിന്ത്‌മ് കഡാല്‌ഗാള്‌ലിന്ത്‌മ് ബന്ത ആവാത്ത്‌ക്ക്‌മ് സിക്ക്‌നെ. നഡിക്കുവ ഏസ്സ്‌ഗാറാര് കൂട്ടാര്‌ലിന്ത് ബന്ത ആവാത്ത്‌ക്ക്‌മ് സിക്ക്‌നെ.