അപ്പോസുത്തലാര് 9:21 - സാമി സേദി

²¹ അയാള് നായന കേ്ട്ടവാര്‌ഗാള് ഒട്ടുക്കു അദിസ്യപട്ട് കൊണ്ടു: <<എര്‌സലേമ്‌ല് ഏസ്സ്‌ന കുമ്മുഡുന്റവാര്‌ന ഒട്ടുക്കു കൊന്റിന്താദ് ഇയാള്‌ത്തേഗൊ? അത്തെ ഇദ്‌ല് ഏസ്സ്‌ന കുമ്മുഡുന്റവാര്‌ന പ്‌ഡിത്ത് കെ്ട്ടി എഗുദാര് പൂസാരിഗാള് തലെവാര് പട്ട്‌ക്ക് എ്ഡ്‌ത്ത് പോയല്ല ഇയാള് ബന്താദ്?>> എന്റ് സൊന്നാര്.

അപ്പോസുത്തലാര് 9:21 ပူးပေါင်းရင်းမြစ်များ

അപ്പോസുത്തലാര് 2:12

ഇദ്‌ല് നഡാക്കുവാദ് എന്ത് എന്റ് തെര്യാദെ എല്ലാവാര്‌മ് അദിസ്യപട്ടാര്, <<ഇദ്‌ക്ക് എന്ത് അര്‌ത്ത?>> എന്റ് ആള്‌ഗാള് ഒട്ടുക്കു തമാക്ക് തമാക്ക് സൊല്ലി അങ്കലാപ്‌പട്ടാര്.

അപ്പോസുത്തലാര് 2:6

ഈ ജദ്ദന കേ്ട്ട് ഒന്റു മൊത്തന ആള്‌കൂട്ട അദ്‌ക്ക് ബന്താര്. അദുക്കുള ഏസ്സ്‌ഗാറാരൊട്ടുക്കു അദ്‌ക്ക് കൂഡുന ആള്‌ഗാള് നായാത്ത്‌ല് നായനൊഡിവാദ്‌ന കേ്ട്ട് അയി ബന്ത് കൂഡിന്തവാര് ബെക്കെന്റിന്താര്.

അപ്പോസുത്തലാര് 3:10

അയാള് അളാഗ് എന്നുവ സാമിബീ്ഡ് ബാസാത്ത്‌ല് കുക്കാന്തിന്ത് പിച്ചെഡ്‌ത്തിന്തവാന്‌ത്തെ എന്റ് അവാര്‌ക്ക് തെരിന്ത്‌ദ്. അയാള്‌ക്ക് ഇത്തെ ആനാദ്‌ന കണ്ട് ആള്‌ഗാളൊട്ടുക്കു അദിസ്യപട്ട് ബെക്കെന്റിന്താര്

അപ്പോസുത്തലാര് 4:13

പത്ത്‌റോസുമു, ഓഗന്നാന്‌മ് അത്ത്‌റ പഡിപ്പ്‌ഗാറാര്‌മ് അല്ല അത്ത്‌റ ദൊഡ്ഡ ആള്‌ഗാള്‌മ് അല്ല എന്റ് തെരിന്താദ്‌നാലേമ്, ഇവാര് ദയിരന കണ്ടാദ്‌നാലേമ് അദ്‌ക്ക് കൂഡിന്ത എഗുദ കോഡിദിഗാറാര് അദിസ്യപട്ടാര്. പത്ത്‌റോസുമു, ഓഗന്നാന്‌മ് ഏസ്സോഡൊപ്പ ഇന്തവാര് എന്റ്‌മ് അദുക്കുള അവാര്‌ക്ക് തെരിന്ത്‌ദ്.

അപ്പോസുത്തലാര് 7:59

അവാര് കല്ലെ്റിന്ത്‌കൊണ്ടു ഇര്‌ക്കാട്ടി <<ആണ്ടവാന് ഏസ്സേ, എന്ന് ഉജുരുന നീ എ്ഡ്‌ക്കുഡോമെ!>> എന്റ് തെപാനോസു പരേസ്‌നാന്.

അപ്പോസുത്തലാര് 8:3

ആന സവുലു ബീ്ഡ് ബീ്ഡ പോയി ഏസ്സ്‌ഗാറാര് കൂട്ടാത്ത്‌ല പെ്ണ്ണ്‌മക്കാള്‌നാമ്, ഗണ്ടാള്‌നാമ് ഇ്ള്‌ത്ത്‌ബലിത്ത് എ്ഡ്‌ത്ത് പോയി ജെയില്‌ക്ക് അഡേത്താന്. അയാള് അത്തെ ഗേന്ത് ഏസ്സ്‌ഗാറാര് കൂട്ടന കെ്ഡിസ്യ ഓരാഡ്‌നാന്.

അപ്പോസുത്തലാര് 9:22

ആന മുദാലിന്താദ്‌ന ബ്‌ഡ നല്ല സക്‌ത്യോഡ സവുലു ഈ സേദിന സൊന്നാന്. അയാള് ദമാസ്‌കോസുല എഗുദാര്‌ക്ക് ഏസ്സ്‌ത്തെ ക്‌റ്‌സ്‌ത്ത് എന്റ് സൊന്നാന്. അത്തെ സൊല്ലി അയാള് എഗുദാര്‌ ബായിന അഡാക്ക്‌നാന്.

2 തെസെലോനിക്ക്യഗാറാര് 1:10

സാമിക്ക് പട്ട തന്ന് ആള്‌ഗാള്‌ലിന്ത്‌മ് തനാന നമ്പ്‌ന എല്ലാ ആള്‌ഗാള്‌ലിന്ത്‌മ് മാനാമ് മദ്‌പ്പ്‌മ് കെ്ഡേസ്യ അയി നാള്‌ല് അയാള് ബര്‌ഗാട്ടി നിമ്മാമ് അയി കൂട്ടാത്ത്‌ല് ഇര്‌ക്കുവുറു. എന്ത്‌ക്കെന്റ് സൊന്ന എമ്മ നിമാക്ക് സൊന്ന നല്ല സേദിന കേ്ട്ട് നിമ്മ നമ്പ്‌ന്‌റല്ല.

1 ഓഗന്നാന് 3:1

നോഡുനുത്തെ, സാമി നമാന തന്ന് പ്‌ള്ളെഗാളെന്റ് സൊല്ലിര്‌ക്കുവാദ്‌നാലെ താന് നമ്മോഡ എത്ത്‌റ സീവാന്‌ബെത്തിന്താന് എന്നുവാദ്‌ന കാട്ട്‌ന്റ്. ആന ഉലഗാത്ത്‌ല ആള്‌ഗാളൊട്ടുക്കു തന്ന് പ്‌ള്ളെഗാള് അല്ലാത്താദ്‌നാലേമ് അപ്പാന് സാമിന പറ്റി തെര്യാത്താദ്‌നാലേമ് അവാര്‌ക്ക് നമാന പറ്റിമ് തെരിവാദില്ലെ.