അപ്പോസുത്തലാര് 9:20 - സാമി സേദി

²⁰ അദ്‌ക്ക് പ്‌റ അയാള് ഏസ്സ്‌ത്തെ സാമിമഗാന് എന്റ് എഗുദാര് പരേസുവ ബീ്ഡ്‌ക്ക്‌റാഗ പോയി സൊല്ല്യ പ്‌ഡിത്താന്.

അപ്പോസുത്തലാര് 9:20 ပူးပေါင်းရင်းမြစ်များ

ഓഗന്നാന് 20:28

അദുക്കുള തോമാസ്: <<എന്ന് ആണ്ടവാനെ! എന്ന് സാമ്യെ!>> എന്റ് അയാള്‌ക്ക് സൊന്നാന്.

ഗലാത്ത്യഗാറാര് 2:20

ഇന്നി നാനല്ല ക്‌റ്‌സ്‌ത്ത്‌ത്തെ എന്ന് പെ്ളേപ്പ്‌ന നഡാത്തുവാദ്. ഇന്നി ഉജുരോഡിര്‌ക്കുവ കാല മാട്ട്‌ക്ക്‌മ് എന്നോഡ സീവാന്‌ബെത്ത് എനാക്ക് ബേ്ണ്ടി ഉജുരുന തന്ത സാമി മഗാന് ക്‌റ്‌സ്‌ത്ത്‌ന നമ്പികൊണ്ടുത്തെ നാന് പെ്ളേക്കുവെ.

ഓഗന്നാന് 1:49

അദുക്കുള നദനെയേല്: <<ഗുരുവെ, നീ സാമിമഗാന്, നീ ഇസ്‌റവേല്‌ഗാറാര് രാജാവുത്തെ>> എന്റ് സൊന്നാന്.

മത്തായി 27:43

അയാള് സാമിന നമ്പ്‌ന്റാന്. സാമിക്ക് അയാള്‌ന മെച്ച്‌പ്‌ഡിത്തിന്തദാന സാമി അയാള്‌ന കാപാറ്റുഡൊ. എന്ത്‌ക്കെന്റ് സൊന്ന, <നാന് സാമിമഗാന്> എന്റ് അയാള് സൊന്നാനല്ല?>>

മത്തായി 4:3

അദുക്കുള സോദണെ ഗേന്റവാന് ഏസ്സര്‌ഗെ ബന്ത്: <<നീ സാമിമഗാന് ആയിന്തദാന ഈ കല്ല്‌ഗാള്‌ന അഡെ ആയ സൊല്ലു>> എന്റ് സൊന്നാന്.

ബെ്ളിപട്ട കാര്യ 2:18

<<തയിതിര്യ പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: കത്തി എരേവ തീന പാസെ കണ്ണ്‌ഗാള്‌മ് സൂളേല് സുട്ടു പഗ്‌സ്‌ന ബെ്ങ്കലാന പാസെ കാല്‌ഗാള്‌മ് ഇര്‌ക്കുവ സാമിമഗാന് സൊല്ലുവാദ് ഇദ്‌ത്തെ:

റോമഗാറാര് 1:4

നമ്മ് അപ്പാന് സാമിമ് നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമാക്ക് പ്‌ണ്ണ്യാമ് ഗേഡൊ, നിമാന നിമ്മ്‌ദ്യായിമ് ബെക്കുഡൊ.

അപ്പോസുത്തലാര് 13:14

അവാര് പെ്റ്‌ഗ എന്നുവ പട്ടണാത്ത്‌ലിന്ത് പിസിദ്യ എന്നുവ നാഡ്‌ല് ഇര്‌ക്കുവ അന്തോക്ക്യ പട്ടണാക്ക് എജ്ജ്‌നാര്. ഒയിവു നാള് അവാര് അദ്‌ല എഗുദാര് പരേസുവ ബീ്ഡ്‌കുളാക്ക് പോയി കുക്കാന്താര്.

അപ്പോസുത്തലാര് 13:5

അവാര് സലാമീസ് പട്ടണാക്ക് എജ്ജ്‌ഗാട്ടി എഗുദാര് പരേസുവ ബീ്ഡ്‌ക്ക്‌റാഗ പോയി സാമി സൊല്ലുസുലാക്കാന സൊന്നാര്. ഓഗന്നാന് എന്നുവ മര്‌ക്കോസു അവാര്‌ക്കൊപ്പ കയിതാങ്ക്യ ഇന്താന്.

അപ്പോസുത്തലാര് 9:22

ആന മുദാലിന്താദ്‌ന ബ്‌ഡ നല്ല സക്‌ത്യോഡ സവുലു ഈ സേദിന സൊന്നാന്. അയാള് ദമാസ്‌കോസുല എഗുദാര്‌ക്ക് ഏസ്സ്‌ത്തെ ക്‌റ്‌സ്‌ത്ത് എന്റ് സൊന്നാന്. അത്തെ സൊല്ലി അയാള് എഗുദാര്‌ ബായിന അഡാക്ക്‌നാന്.

അപ്പോസുത്തലാര് 8:36

അത്തെ അവാര് ബട്ടെമേലെ പോയി കൊണ്ടു ഇര്‌ക്കാട്ടി നീര് ഇര്‌ക്കുവ ഒന്റു എ്ഡേക്ക് എജ്ജ്‌നാര്. അദുക്കുള അയാള് പീലിപോസുക്കു <<ഇദാഗെ നീര് ഇര്‌ന്റ്. ഇന്നി നീര്‌ക്ക് മുളുഗുവാദ്‌ക്ക് എനാക്ക് എന്ത് തഡേസ?>> എന്റ് പീലിപോസുന കേ്ട്ടാന്.

ഓഗന്നാന് 20:31

ആന ഏസ്സ് സാമിമഗാന് ക്‌റ്‌സ്‌ത്ത് എന്റ് നിമ്മ നമ്പ്യാമ് അത്തെ നമ്പി അയാള് പേര്‌ല് നിമാക്ക് ഉജുരു കെ്ഡേക്ക്യാമ് ബേ്ണ്ടിത്തെ ഈ കാര്യഗാള്‌ന എ്ള്‌ദിര്‌ക്കുവാദ്.

ഓഗന്നാന് 19:7

അദുക്കുള എഗുദാര് അയാള്‌ക്ക്: <<എമാക്ക് ഒന്റു സട്ട ഇര്‌ക്ക്‌ന്റ്, അയാള് തനാന സാമിമഗാന് എന്റ് സൊന്നാദ്‌നാലെ അയി സട്ടപഡി അയാള് സാഡൊത്തെ>> എന്റ് സൊന്നാര്.

മത്തായി 27:54

നൂറു പട്ടളഗാറാര് തലെവാന്‌മ് അയാളോഡൊപ്പ ഏസ്സ്‌ക്ക് കാവ ഇന്തവാര്‌മ് ബൂമി അദ്‌റ്‌ന്താദ്‌നാമ് അദ്‌ല് നഡാന്ത കാര്യഗാള്‌നാമ് ഒട്ടുക്കു കണ്ട് സെരിക്ക്‌മ് അഞ്ചിക്കെപട്ട്: <<നേര്‌മായിമ് ഇയാള് സാമിമഗാന് ആയിന്താന്>> എന്റ് സൊന്നാര്.

അപ്പോസുത്തലാര് 13:46

ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.

അപ്പോസുത്തലാര് 14:1

പവുലോസുമു ബറ്‌ണവാസ്‌മ് ഇക്കോന്യ പട്ടണാക്ക് പോനാര്. അദ്‌ക്ക് പ്‌റ ഒപ്പ ഗേവ പാസെ അവാര് അദ്‌ലിന്ത എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ക്ക് നായ സൊന്നാര്. അത്തെ അവാര് നലമായി നായ സൊന്നാദ്‌നാലെ അദ്‌ല്‌മ് എഞ്ചോ എഗുദാര്‌മ്, എഞ്ചോ എഗുദാര് അല്ലാത്ത ജാദിഗാള്‌മ് ഏസ്സ്‌ന നമ്പ്‌നാര്.

അപ്പോസുത്തലാര് 16:13

ഒയിവു നാള്‌ല് എമ്മ പട്ടണാക്ക് ബെ്ളിഗെ ഇര്‌ക്കുവ ബാന്യോരാക്ക് പോനേമ്. അദ്‌ല് എഗുദാര് ഒന്റായി ഇന്ത് പരേസുവ എ്ഡെ ഇര്‌ക്ക്‌മെന്റ് എമ്മ നെനേത്തേമ്. എമ്മ അദ്‌ല് കുക്കാന്ത് അദ്‌ല് ഒന്റായി ഇന്ത പെ്ണ്ണ്‌മക്കാളോഡ നായ നൊഡിന്തിന്തേമ്.

അപ്പോസുത്തലാര് 17:2

പവുലോസു ഒപ്പ ഗേവ പാസെ അദ്‌ക്ക് പോനാന്. സാമി ബൊക്കുന നോഡി മൂറു ഒയിവു നാള് എഗുദാരോഡ അയാള് ബാദിത്താന്.

അപ്പോസുത്തലാര് 17:10

ജാമാഗാട്ടി അന്നാല് താനെ ഏസ്സ്‌ഗാറാര് പവുലോസുനാമ് സീലാസ്‌നാമ് ബെ്റോവ പട്ടണാക്ക് സൊല്ലി ബ്‌ട്ടാര്. അദ്‌ക്ക് എജ്ജ്‌ന പ്‌റ അവാര് എഗുദാര് പരേസുവ ബീ്ഡ്‌ക്ക് പോനാര്.

അപ്പോസുത്തലാര് 17:17

അദ്‌നാലെ എഗുദാര് പരേസുവ ബീ്ഡ്‌ല് ബെത്ത് എഗുദാരോഡാമ്, സാമിന കുമ്മുഡി നഡാന്തിന്ത എഗുദാരല്ലാത്ത ജാദിഗാളോഡാമ് പവുലോസു നായ നൊഡിന്താന്. അദേപാസെ സന്തേക്ക്‌റാഗ ബന്ത് പോന്റവാര്‌ല് പവുലോസു സൊല്ലുവാദ്‌ന കേ്ള്‌ക്ക്‌ന്റവാരോഡാമ് പവുലോസു നാള്‌ക്ക്‌മ് നായ നൊഡിന്താന്.

അപ്പോസുത്തലാര് 18:4

ആന ഒയിവു നാളൊട്ടുക്കു അയാള് എഗുദാര് പരേസുവ ബീ്ഡ്‌ക്ക് പോയി എഗുദാരോഡാമ് എവനഗാറാരോഡാമ് ബാദിത്ത് കൊണ്ടു അവാര് ഏസ്സ്‌ന നമ്പ്യ ബേ്ണ്ടി ഓരാഡികൊണ്ടിന്താന്.

അപ്പോസുത്തലാര് 18:19

അവാര് എപസോസു പട്ടണാക്ക് എജ്ജ്‌ന പ്‌റ പവുലോസു അദ്‌ല എഗുദാര് പരേസുവ ബീ്ഡ്‌ക്ക് പോയി എഗുദാരോഡ ബാദിത്താന്.

അപ്പോസുത്തലാര് 19:8

പവുലോസു എഗുദാര് പരേസുവ ബീ്ഡ്‌ക്ക്‌റാഗ പോയി മൂറു മാസ കാല ദയിരത്തോഡ ആള്‌ഗാള്‌ക്ക് നായ സൊന്നാന്. സാമി ആള്യ പോവ കാലന പറ്റി അവാര്‌ക്ക് തെരിവ മാട്ട്‌ക്ക് അയാള് അവാരോഡ തറ്‌ക്ക്‌നാന്.

അപ്പോസുത്തലാര് 8:37

<<നീ മനേസ്സാറ നമ്പുവദാന നീര്‌ക്ക് മുളുഗുല>> എന്റ് പീലിപോസു അയാള്‌ക്ക് സൊന്നാന്. <<ഏസ്സ് ക്‌റ്‌സ്‌ത്ത് സാമിമഗാന് എന്റ് നാന് നമ്പ്‌ന്റെ>> എന്റ് അയി പെ്ണ്ട്‌രിപെ്ണ്യാന് സൊന്നാന്.