അപ്പോസുത്തലാര് 9:18 - സാമി സേദി

¹⁸ അന്നാല് താനെ അയാള് കണ്ണ്‌ലിന്ത് മീന് സോക്കിന പാസെ എന്തോ ഒന്റു ജാദി അഡി അലേന്ത്‌ദ്. അന്നാല് താനെ അയാള്‌ക്ക് കണ്ണ് കാട്ട്‌റ്റ്. അയാള് ഇ്ളാഗി നീര്‌ക്ക് മുളുഗുനാന്.

അപ്പോസുത്തലാര് 9:18 ပူးပေါင်းရင်းမြစ်များ

അപ്പോസുത്തലാര് 2:38

പത്ത്‌റോസു അവാര്‌ക്ക് ഇത്തെ സൊന്നാന്: <<നിമ്മ ഒന്റൊന്റാള് അവനവാന് ഗേവ പാവാന തള്ളുഡൊ. പ്‌റ നിമ്മ ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് ആനാദ്‌നാലെ നീര്‌ക്ക് മുളുഗുഡൊ. അന്നാപ്പ് നിമ്മ് തപ്പ്‌ക്ക് പൊറിമെ കെ്ഡേക്കു. അദോഡൊപ്പ നിമാക്ക് സാമിനിഗാല്‌മ് ദറ്‌മ്മ ആയി സാമ്യോഡിന്ത് കെ്ഡേക്കു.

അപ്പോസുത്തലാര് 2:41

പത്ത്‌റോസു സൊന്ന സേദിന നമ്പ്‌നവാര് ഒട്ടുക്കു നീര്‌ക്ക് മുളുഗുനാര്. അയി നാള് താനെ ഒപ്പതപ്പ മൂണായിര ആള്‌ഗാള് അവാരൊപ്പ എ്ണേന്താര്.

അപ്പോസുത്തലാര് 22:13

അയാള് എന്നര്‌ഗെ ബന്ത് നിന്റ് <അയ്യാ സവുലെ, നിന്ന് കണ്ണ് കാട്ടുഡൊ> എന്റ് എനാക്ക് സൊന്നാന്. അന്നാല് താനെ എന്ന് കണ്ണ് പിന്നേമ് കാട്ട്‌റ്റ്. അദുക്കുള അനനാസ്‌നാമ് നാന് കണ്ടേന്.

അപ്പോസുത്തലാര് 22:16

ഇന്നി എന്ത്‌ക്ക് കാക്കുവാദ്? നീ ഇ്ളാഗി നീര്‌ക്ക് മുളുഗു, സാമി നിന്ന് പാവാന കച്ചുഡൊ. നിനാന കാപാറ്റ്യ ആണ്ടവാന് പേര്‌ല് ബേ്ണ്ടികൊള്ളു> >> എന്റ് സൊന്നാന്.

അപ്പോസുത്തലാര് 9:17

അദ്‌നാലെ അനനാസ് സവുലു ഇന്ത അയി ബീ്ഡ്‌ക്ക് പോയി അയാള് തലേക്ക് കയി ബെത്ത് കൊണ്ടു: <<അയ്യാ, സവുലെ, നിനാക്ക് കണ്ണ്‌കാട്ട്യാമ്, സാമിനിഗാല് മൂഡ്യാമ് നീ ബരുവ ബട്ടേല് ബെത്ത് നിനാക്ക് ബെ്ളിപട്ട ഏസ്സ് എന്നുവ ആണ്ടവാന് എനാന സൊല്ലി ബ്‌ട്ട്‌റ്‌ന്റാന്>> എന്റ് സൊന്നാന്.

അപ്പോസുത്തലാര് 9:19

തീനി തിന്റ പ്‌റ അയാള് ഒറേപ്പാനാന്. സവുലു ദമാസ്‌കോസുല ഏസ്സ്‌ഗാറാരോഡ ഒന്റരെ നാള് തങ്ക്‌നാന്.

അപ്പോസുത്തലാര് 9:8

സവുലു മണ്ണ്‌ലിന്ത് ഇ്ളാഗി തന്ന് കണ്ണ്‌ന ത്‌റാന്താന്, ആന അയാള്‌ക്ക് ഒന്റുമു കാണ്യ മുഡ്യാലെ. അദ്‌നാലെ ഒപ്പ പോനവാര് അയാള് കയിന പ്‌ഡിത്ത് ദമാസ്‌കോസുക്കു കൂട്ടി പോനാര്.

2 കൊരിന്ത്യഗാറാര് 3:14

ഇദ്‌ന തെര്യാത്ത ഇസ്‌റവേല്‌ഗാറാര് നെഞ്ച് മര നെഞ്ച് ആയി തള്ള്‌ട്ട്. അവാര് പള്യ ഒപ്പന്തന പഡിക്കാട്ടി മോസെ മോന്തെന മറേസിന്ത പാസെ അവാര് മനേസ്സ് സത്ത്യന നെപ്പ്‌കെ്ഡേസാദെ മറേന്ത്‌റ്‌ക്ക്‌ന്റ്. ആന ക്‌റ്‌സ്‌ത്ത്‌ന നമ്പ്‌ഗാട്ടി ഈ മറെ ജറേന്ത് പോന്റു.

2 കൊരിന്ത്യഗാറാര് 4:6

<<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്.