അപ്പോസുത്തലാര് 9:14 - സാമി സേദി

¹⁴ ദമാസ്‌കോസുലുമു നിനാന കുമ്മുഡുന്റവാര്‌ന ഒട്ടുക്കു പ്‌ഡിത്ത് എര്‌സലേമ്‌ക്ക് എ്ഡ്‌ത്ത് പോയാത്തെ അയാള് ഇന്നാല് ബന്ത്‌റ്‌ക്കുവാദ്. അദ്‌ക്കായി തനാക്ക് അദിഗര കൊഡുത്ത്‌റ്‌ക്കുവ കത്ത് അയാള് എഗുദാര് ദൊഡ്ഡ പൂസാര്യോഡ ഇന്ത് ബാങ്കിര്‌ക്ക്‌ന്റാന്.>>

അപ്പോസുത്തലാര് 9:14 ပူးပေါင်းရင်းမြစ်များ

അപ്പോസുത്തലാര് 9:21

അയാള് നായന കേ്ട്ടവാര്‌ഗാള് ഒട്ടുക്കു അദിസ്യപട്ട് കൊണ്ടു: <<എര്‌സലേമ്‌ല് ഏസ്സ്‌ന കുമ്മുഡുന്റവാര്‌ന ഒട്ടുക്കു കൊന്റിന്താദ് ഇയാള്‌ത്തേഗൊ? അത്തെ ഇദ്‌ല് ഏസ്സ്‌ന കുമ്മുഡുന്റവാര്‌ന പ്‌ഡിത്ത് കെ്ട്ടി എഗുദാര് പൂസാരിഗാള് തലെവാര് പട്ട്‌ക്ക് എ്ഡ്‌ത്ത് പോയല്ല ഇയാള് ബന്താദ്?>> എന്റ് സൊന്നാര്.

അപ്പോസുത്തലാര് 7:59

അവാര് കല്ലെ്റിന്ത്‌കൊണ്ടു ഇര്‌ക്കാട്ടി <<ആണ്ടവാന് ഏസ്സേ, എന്ന് ഉജുരുന നീ എ്ഡ്‌ക്കുഡോമെ!>> എന്റ് തെപാനോസു പരേസ്‌നാന്.

2 തിമിത്തോസു 2:22

അദ്‌നാലെ ബാലിവെഗളിഗേല് ഗേയ ആസെപഡുവ എല്ലാ കെ്ട്ട കാര്യഗാള്‌നാമ് ബ്‌ട്ട്‌തള്ള്. എന്റിന്ത് നല്ല മനേസ്സോഡ ആണ്ടവാന്‌ന നെനേത്ത് പരേസ്‌ന്റവാരോഡ നീയിമ് എ്ണേന്ത് നേരാന കാര്യഗാള് ഗേന്ത്, എല്ലാവാര്‌ക്ക്‌മ് നമ്പ്യ മുഡിന്റവാനായിമ്, അഡ്‌ത്തവാരോഡ സീവാന്‌ബെത്ത്‌മ് നിമ്മ്‌ദ്യോഡാമ് പെ്ളേക്ക്യ നോഡുഡൊ.

1 കൊരിന്ത്യഗാറാര് 1:2

കൊരിന്ത്യ പട്ടണാത്ത്‌ല ഏസ്സ്‌ഗാറാര് കൂട്ടാക്ക് എ്ള്‌ദുവ എ്ള്‌ത്ത്. ക്‌റ്‌സ്‌ത്ത് ഏസ്സ്‌ന ബെത്ത് സാമി നിമാന സുത്താപ്പുള്ളവാര് മാഡി തനാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റാന്. ഉലഗാത്ത്‌ല് എല്ലാ സാരിമ് ഏസ്സ് ക്‌റ്‌സ്‌ത്ത്‌ന പരേസുവ എല്ലാ ആള്‌ഗാളോഡൊപ്പത്തെ സാമി നിമാനാമ് തനാക്ക് സുത്താപ്പുള്ളവാര് ആയിര്‌ക്ക്യ ബേ്ണ്ടി തെരിന്തെ്ഡ്‌ത്താദ്. ഈ ഏസ്സ് ക്‌റ്‌സ്‌ത്ത് നമ്മ് ആണ്ടവാന്‌മ് അവാര് ആണ്ടവാന്‌മ്‌ത്തെ.

അപ്പോസുത്തലാര് 22:16

ഇന്നി എന്ത്‌ക്ക് കാക്കുവാദ്? നീ ഇ്ളാഗി നീര്‌ക്ക് മുളുഗു, സാമി നിന്ന് പാവാന കച്ചുഡൊ. നിനാന കാപാറ്റ്യ ആണ്ടവാന് പേര്‌ല് ബേ്ണ്ടികൊള്ളു> >> എന്റ് സൊന്നാന്.

ഓഗന്നാന് 15:21

എന്റാല്‌മ് എനാന സൊല്ലി ബ്‌ട്ടവാന്‌ന അവാര്‌ക്ക് തെര്യാത്താദ്‌നാലേമ് നിമ്മ എന്ന് ആള്‌ഗാള് ആനാദ്‌നാലേമ് ഇദൊട്ടുക്കു നിമാക്ക്‌മ് അവാര് ഗേവാര്.